ព័ត៌មានអន្ដរជាតិ
វ៉ាក់សាំង ចិន មានប្រសិទ្ធភាពយ៉ាងខ្លាំងសម្រាប់អ្នកចាក់ពេញ ២ ដូស ពិសេសការពារមិនឲ្យឈឺធ្ងន់ពីវីរុស Delta ១០០ ភាគរយ
យោងតាមការសិក្សានៅខេត្ត Guangdong បានបង្ហាញថា ចិនបានផលិតវ៉ាក់សាំងដើម្បីទប់ទល់នឹងជំងឺកូវីដ ១៩ បានយ៉ាងល្អ សម្រាប់អ្នកដែលបានចាក់ពេញ ២ ដូស ហើយវាក៏ការពារពីវីរុសបំប្លែងខ្លួនឥណ្ឌា Delta ផងដែរ ។

ការសិក្សាដែលត្រូវបានបោះពុម្ពផ្សាយដោយមជ្ឈមណ្ឌលគ្រប់គ្រង និងបង្ការជំងឺ (CDC) នៅខេត្ត Guangdong ត្រូវបានធ្វើឡើង បន្ទាប់ពីវីរុសបំប្លែងខ្លួនឥណ្ឌា Delta បានបង្កឲ្យមានការផ្ទុះឡើងនៃជំងឺកូវីដ ១៩ នៅខេត្ត Guangdong ភាគខាងត្បូងប្រទេសចិន ក្នុងអំឡុងខែឧសភា និងមិថុនា ខណៈក្រុមអ្នកស្រាវជ្រាវបានប្រើទិន្នន័យដែលទាញចេញពីតំបន់ផ្ទុះឡើងនេះ ដើម្បីវាស់វែងការការពារវ៉ាក់សាំងផលិតក្នុងស្រុក ។
ការរកឃើញពីការសិក្សាស្រាវជ្រាវបានបង្ហាញថា វ៉ាក់សាំងដែលបង្កើតឡើងដោយប្រទេសចិន ផ្តល់នូវការការពារដ៏ល្អប្រឆាំងនឹងវីរុសបំប្លែងខ្លួនឥណ្ឌា Delta ។

ប្រសិទ្ធភាពសម្រាប់មនុស្សដែលបានចាក់វ៉ាក់សាំងពេញ ២ ដូស (ពោលរយៈពេល ១៤ ថ្ងៃ បន្ទាប់ពីការចាក់លើកទី ២ ចន្លោះពេល ២១ ថ្ងៃរវាង ២ ដូស) ក្នុងចំណោមបុគ្គលដែលមានអាយុចាប់ពី ១៨ ឆ្នាំឡើងទៅគឺ ៧០ ទៅ ៧៨ ភាគរយ និង ១០០ ភាគរយប្រឆាំងនឹងការឈឺធ្ងន់ធ្ងរ ។
ជាចុងក្រោយការសិក្សានេះបានសង្កត់ធ្ងន់ថា វ៉ាក់សាំងរបស់ចិននឹងធ្វើការទៅបាន លុះត្រាតែចាក់ពេញ ២ ដូស ៕

ប្រែសម្រួលដោយ ៖ ជីវ័ន្ត
ប្រភព ៖ Global Times
ចុចអាន ៖ កុំបារម្ភ! វ៉ាក់សាំង Sinopharm មិនបង្កហានិភ័យជំងឺស្ទះសរសៃឈាមក្នុងខួរក្បាល ឬដុំកំណកឈាមឡើយ

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?