ព័ត៌មានអន្ដរជាតិ
ស្ថានភាពស្ត្រីនៅអាហ្វហ្គានីស្ថានបន្តគ្រោះថ្នាក់កាន់តែខ្លាំង ក្រោមការក្ដោបក្ដាប់ប្រទេសរបស់តាលីបង់
បន្ទាប់ពីការឡើងកាន់កាប់របស់តាលីបង់នៅអាហ្វហ្គានីស្ថាន ភាពច្របូកច្របល់បានកើតឡើងនៅប្រទេសនេះ ជាពិសេសគឺស្ត្រីដែលកំពុងភ័យខ្លាចនិងឈឺចាប់។
សូមរំលឹកថា ពេលវេលាចុងក្រោយដែលតាលីបង់កាន់អំណាចនៅចុងទស្សវត្សរ៍ ៩០ និងដើមទស្សវត្សរ៍ឆ្នាំ ២០០០ គឺការគាបសង្កត់ជាលក្ខណៈនៃការគ្រប់គ្រងរបស់ពួកគេមកស្ត្រី។ ក្មេងស្រីមិនអាចចូលសាលាបាន ស្ត្រីមិនអាចមានការងារធ្វើ ឬចាកចេញពីផ្ទះដោយគ្មានសាច់ញាតិបុរសមកជាមួយឡើយ។ អ្នកដែលប្រឆាំងនឹងការណែនាំរបស់តាលីបង់ ត្រូវបានដាក់ទណ្ឌកម្មយ៉ាងឃោរឃៅ ដោយការវាយដំឬសម្លាប់។
នៅខែ វិច្ឆិកា ឆ្នាំ ២០០១ ស្ត្រីទីមួយ Laura Bush បាននិយាយថា ការចាកចេញរបស់តាលីបង់មានន័យថា“ ប្រជាជនអាហ្វហ្គានីស្ថាន ជាពិសេសស្ត្រីកំពុងរីករាយ” ។ នៅឆ្នាំ ២០១០ រដ្ឋមន្ត្រីក្រសួងការបរទេសលោកស្រី ហ៊ីលឡារី គ្លីនតុន បានប្រាប់ស្ត្រីមួយក្រុមថា “ យើងនឹងមិនបោះបង់ចោលអ្នកទេ យើងនឹងនៅជាមួយអ្នកជានិច្ច” ។
២០ ឆ្នាំក្រោយបន្ទាប់ពីការធ្លាក់ចុះនៃអន្តរាគមន៍យោធារបស់អាមេរិក បានទុកស្ត្រីនៅអាហ្វហ្គានីស្ថានប្រឈមមុខនឹងអនាគតមិនច្បាស់លាស់ជាថ្មីម្ដងទៀត ក្រោមការគ្រប់គ្រងរបស់តាលីបង់។ នៅទីបំផុតបញ្ហាប្រឈមធំបំផុតមួយចំពោះសិទ្ធិស្ត្រី គឺសង្គ្រាមជាច្រើនឆ្នាំ។ ការវិលត្រឡប់ពេញលេញរបស់តាលីបង់ឥលូវនេះ បានធ្វើឲ្យការគំរាមកំហែងកាន់តែធ្ងន់ធ្ងរឡើង និងបញ្ឈប់ឬបំបាត់ការរីកចម្រើនដែលស្ត្រីអាហ្វហ្គានីស្ថានបានធ្វើ ។
ទន្ទឹមនោះអ្នកនាំពាក្យតាលីបង់ក៏បានធានាដល់សាធារណជនថា ស្ត្រីនឹងត្រូវបានអនុញ្ញាតឲ្យទៅធ្វើការនិងទៅសាលារៀនដោយយោងតាមច្បាប់ឥស្លាម។ ជាពិសេសនឹងមិនមានអំពើហិង្សាលើស្ត្រីឡើយ តែនេះមានមនុស្សតិចណាស់ដែលជឿ។
និស្សិតស្រីនៅទីក្រុងកាប៊ុលបានប្រាប់កាសែត Guardian ថា “ខ្ញុំនឹងដុតអ្វីៗទាំងអស់ដែលសម្រេចបានក្នុងរយៈពេល ២៤ ឆ្នាំនៃជីវិតរបស់ខ្ញុំ។ ការមានអត្តសញ្ញាណប័ណ្ណឬពានរង្វាន់ណាមួយពីសាកលវិទ្យាល័យអាមេរិកគឺមានហានិភ័យឥឡូវនេះ” ។
មានសេចក្ដីរាយការណ៍ថា តាលីបង់ទៅផ្ទះមួយទៅផ្ទះមួយដើម្បីស្វែងរកស្ត្រីមិនទាន់រៀបការណាដែលមានអាយុចន្លោះពី ១៤ ទៅ ៤៥ ឆ្នាំដើម្បីរៀបការជាមួយទាហានតាលីបង់។
Lida Azim អ្នករៀបចំកម្មវិធីជាមួយអាហ្វហ្គានីស្ថាននិយាយថា “ ស្ត្រីមិនត្រូវចាកចេញពីផ្ទះរបស់ពួកគេទេព្រោះពួកគេមិនមានអារម្មណ៍ថាមានសុវត្ថិភាពឡើយ ” ។ ពួកគេអាចត្រូវបានអនុញ្ញាតឲ្យទៅធ្វើការនៅសាលារៀន ប៉ុន្តែវាជាយុទ្ធសាស្ត្របំភិតបំភ័យដ៏ធំមួយប៉ុណ្ណោះ៕
ប្រែសម្រួល៖ សាង ស្រីល័ក្ខ
ចុចអាន៖តាលីបង់ ហាមផ្ដាច់ប្រជាជនអាហ្វហ្គានីស្ថានមិនឲ្យម្នាក់ណាទៅព្រលានយន្តហោះក្រុងកាប៊ុល
ចុចអាន៖ក្រុមតាលីបង់ រំលោភសាកសព ហើយឆែកឆេរតាមផ្ទះ យកស្រ្តីធ្វើជាទាសករផ្លូវភេទ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត