ព័ត៌មានអន្ដរជាតិ

តាលីបង់ ហាមប្រជាជនស្ដាប់ចម្រៀង ឬគាំទ្របទ K-Pop បើចង់រស់ត្រូវដុត និងលាក់រូបថតឲ្យជិត (មានវីដេអូ)

បានផុស

៥ years មុន

នៅ

ថ្ងៃចន្ទ ២៣ សីហា ២០២១

ដោយ

សារព័ត៌មាន JTBC បានរាយការណ៍អំពីរឿងរ៉ាវរបស់ក្មេងស្រីជំទង់មួយរូបនៅអាហ្វហ្គានីស្ថាន ដែលកំពុងភ័យខ្លាចចំពោះស្ថានភាពជីវិតរបស់ពួកគេ ដោយសារក្រុមតាលីបង់។ ពួកគេបានឲ្យដឹងថា អ្នកគាំទ្រតារាកូរ៉េជាច្រើននៅប្រទេសអាហ្វហ្គានីស្ថាន ត្រូវបង្ខំចិត្តដុតឬលាក់រូបថតនិងអាល់ប៊ុម របស់ BTS ជាពិសេស គឺចម្រៀងចម្រុះពូជសាសន៍ ដើម្បីគេចផុតពីតាលីបង់ ព្រោះក្រុមនេះមិនឲ្យស្ដាប់បទបរទេសណាមួយឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងស្រីម្នាក់និយាយថា” ខ្ញុំពិតជាភ័យខ្លាចនិងភ្ញាក់ផ្អើលដែលតាលីបង់មក។ ខ្ញុំមានការភ័យខ្លាចយ៉ាងខ្លាំងដែលបានឮថា តាលីបង់បានចាប់ពង្រត់ក្មេងស្រី។ តាំងពីក្រុមតាលីបង់ឡើងកាន់អំណាចមក ខ្ញុំបាននៅផ្ទះ ហើយពួកយើងថែមទាំងត្រូវប្រយ័ត្នគ្រប់ពេល ខណៈគ្រាន់តែសម្លឹងមើលទៅក្រៅបង្អួច ។ ខ្ញុំលែងឮតន្ត្រីចម្រុះដែលធ្លាប់ឮនៅតាមដងផ្លូវរាល់ដង តាំងពីពួកតាលីបង់ចូលកាន់កាប់ ហើយឮតែភ្លេងចម្លែករបស់តាលីបង់ពេញមួយថ្ងៃ “។

ដោយឡែកសម្រាប់និស្សិតអាយុ ១៨ ឆ្នាំម្នាក់ទៀតបានអត្ថាធិប្បាយដែរថា“ ស្ថានភាពរបស់យើងបង្ខំឲ្យយើងដុតឬលាក់រូបថតនិងអាល់ប៊ុមរបស់ BTS” ។ ដោយសារកាលពីមុន តាលីបង់មិនអនុញ្ញាតឲ្យមនុស្សស្ដាប់តន្ត្រីចម្រុះជាតិសាសន៍ឡើយ។

ក្មេងស្រីរូបនេះបានទទូចអង្វរពិភពលោកថា ចូរធ្វើអ្វីៗលើសពីការគ្រាន់តែឃ្លាំមើលស្ថានការណ៍ “ មនុស្សគ្រប់គ្នាកំពុងមើលយើងស្លាប់។ ខ្ញុំសង្ឃឹមថា សហគមន៍អន្តរជាតិនឹងមិនទុកអាហ្វហ្គានីស្ថានម្នាក់ឯងក្នុងរឿងនេះទេ” ៕

មកមើលការសម្ភាសន៍រវាងសារព័ត៌មាន JTBC និងអ្នកគាំទ្រ (ARMY)