ព័ត៌មានអន្ដរជាតិ

តាលីបង់រឹបអូសគ្រឿងសព្វាវុធអាមេរិកមានតម្លៃ១៧ពាន់លានដុល្លារ

បានផុស

៥ years មុន

នៅ

ថ្ងៃពុធ ២៥ សីហា ២០២១

ដោយ

រូបភាពត្រូវបានបញ្ចេញដោយក្រុមឃោសនាការយោធារបស់តាលីបង់បង្ហាញឲ្យឃើញកងកម្លាំងប្រដាប់អាវុធពិសេសរបស់ខ្លួនឈរ និងបើកគ្រឿងចក្រ និងគ្រោះសព្វាវុធរបស់សហរដ្ឋអាមេរិកដែលពួកគេរឹបអូសរាប់រាប់ពាន់គ្រឿងនៅលើផ្លូវជាជួរដ៏វែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាជ័យភ័ណ្ឌដែលពួកគេដណ្តើមបានពីកម្លាំងទ័ពអាមេរិកនៅពេលពួកគេដណ្តើមកាន់កាប់បានប្រទេសអាហ្វហ្គានីស្ថានទាំងមូលកាលពីសប្តាហ៍មុន។ តាលីបង់បានបង្ហាញសម្ភារៈ និងគ្រឿងចក្រទាំងនោះពោរពេញដោយមានមោទនភាពដែលគិតជាប្រាក់មានតម្លៃរាប់ពាន់លានដុល្លារអាមេរិក។

សហរដ្ឋអាមេរិកបានចំណាយប្រាក់ដែលការប៉ាន់ស្មានប្រហែលជា១៧ពាន់លានដុល្លារអាមេរិកដើម្បីបំពាក់គ្រឿងសព្វាវុធ និងសម្ភារៈដល់កម្លាំងទ័ពអាហ្វហ្គានីស្ថានចាប់តាំងពីឆ្នាំ២០០៥មក ហើយមន្ត្រីបានទទួលស្គាល់ថា អ្វីៗដែលបានទុកចោលនៅអាហ្វហ្គានីស្ថានមិនត្រូវបានបំផ្លាញចោលទេ ហើយឥឡូវនេះធ្លាក់ទៅកណ្តាប់ដៃរបស់តាលីបង់។

សម្ភារៈ និងគ្រឿងសព្វាវុធទាំងនោះត្រូវបានគេជឿថារាប់ពាន់គ្រឿងមានដូចជាអាវុធធុនតូច រថយន្ត រថក្រោះ យន្តហោះ ឧទ្ធម្ភាគចក្រ និងយន្តហោះគ្មានមនុស្សបើក។ សម្ភារៈនិងគ្រឿងសព្វាវុធទាំងនោះត្រូវបានទុកចោល ឬសូម្បីបានប្រគល់ទៅកម្លាំងទ័ពអាហ្វហ្គានីស្ថានហើយក្តី។