ព័ត៌មានអន្ដរជាតិ
គុយបា ចាប់ផ្តើមចាក់ថ្នាំបង្ការកូវីដ ដល់កុមារអាយុត្រឹម២ឆ្នាំ ដោយប្រើវ៉ាក់សាំងមិនទទួលស្គាល់ពី WHO
កាលពីថ្ងៃចន្ទទី៦ខែកញ្ញា គុយបា បានក្លាយជាប្រទេសដំបូងគេនៅលើពិភពលោកដែល ចាក់វ៉ាក់សាំងកូវីដលើកុមារចាប់ពីអាយុ២ឆ្នាំ ដោយប្រើថ្នាំបង្ការផលិតក្នុងស្រុក ទោះអង្គការសុខភាពពិភពលោកមិនទទួលស្គាល់។
កោះដែលមានប្រជាជនចំនួន ១១.២ លាននាក់មួយនេះ មានបំណងចាក់ថ្នាំបង្ការរោគដល់ក្មេងៗរបស់ខ្លួនទាំងអស់ មុនពេលបើកសាលារៀនឡើងវិញបន្ទាប់ពីត្រូវបានបិទ ចាប់តាំងពីខែមីនាឆ្នាំ ២០២០មក។
ឆ្នាំសិក្សាថ្មីបានចាប់ផ្តើមកាលពីថ្ងៃចន្ទ ប៉ុន្តែគឺជាការរៀនតាមអនឡាញនៅផ្ទះ ទោះយ៉ាងណា ផ្ទះរបស់ប្រជាជនគុយបាភាគច្រើនមិនមានអ៊ីនធើណិតប្រើប្រាស់នោះទេ។
បន្ទាប់ពីបានបញ្ចប់ការសាកល្បងព្យាបាលលើអនីតិជនដោយប្រើវ៉ាក់សាំង Abdala និង Soberana, ប្រទេសគុយបាបានចាប់ផ្តើមយុទ្ធនាការចាក់ថ្នាំបង្ការរោគដល់កុមាររបស់ខ្លួនកាលពីថ្ងៃសុក្រ ដោយចាប់ផ្តើមពីក្មេងអាយុ១២ឆ្នាំឡើងទៅ។
ដោយឡែក កាលពីថ្ងៃចន្ទ គុយបាយ បានចាប់ផ្តើមចាក់វ៉ាក់សាំងដល់កុមារក្នុងក្រុមអាយុ ២ទៅ១១ឆ្នាំ នៅខេត្ត Cienfuegos ភាគកណ្តាល។
ទោះបីជាយ៉ាងណាក៏ដោយ វ៉ាក់សាំងគុយបា ដែលត្រូវបានបង្កើតឡើងដំបូងគេនៅតំបន់អាមេរិកឡាទីន គឺមិនបានឆ្លងកាត់ការត្រួតពិនិត្យពីអន្តរជាតិទេ។
វាផ្អែកលើបច្ចេកវិទ្យាលាយបញ្ចូលប្រូតេអ៊ីន ដូចដែលត្រូវបានប្រើដោយវ៉ាក់សាំង Novavax របស់សហរដ្ឋអាមេរិកនិង Sanofi របស់បារាំងដែរ ហើយវ៉ាក់សាំងទាំងនោះ ក៏កំពុងរង់ចាំការយល់ព្រមពី WHO ដូចគ្នា៕
ប្រែសម្រួល៖ Vann Vann
ប្រភព៖ CNA
ចុចអាន៖ វៀតណាម រឹបអូសថ្នាំ Lianhua Qingwen រត់ពន្ធខុសច្បាប់មកពីប្រទេស ចិន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៧ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)