ព័ត៌មានអន្ដរជាតិ
គុយបាជាប្រទេសដំបូងគេ យកវ៉ាក់សាំងកូវីដផលិតក្នុងស្រុកចាក់ជូនកុមារអាយុ ២ឆ្នាំ
គុយបានឹងចាប់ផ្តើមចាក់វ៉ាក់សាំងការពារជំងឺកូវីដ-១៩ ជូនកុមារចាប់ពីអាយុ ២ឆ្នាំ នៅសប្តាហ៍នេះ ដែលធ្វើឱ្យប្រទេសនេះក្លាយជាប្រទេសតែមួយគត់ដែលចាក់ថ្នាំបង្ការកូវីដដល់កុមារវ័យក្មេងបំផុត។
ដោយឡែកនៅសហរដ្ឋអាមេរិក និងបណ្តាប្រទេសនៅអឺរ៉ុបជាច្រើនអនុញ្ញាតឱ្យចាក់វ៉ាក់សាំងការពារជំងឺកូវីដ-១៩ សម្រាប់កុមារអាយុ ១២ ឆ្នាំឡើងទៅ។ ចំណែកកុមារវ័យក្មេងអាយុពី ៥ ទៅ ១២ ឆ្នាំ និយតករអាមេរិកអនុញ្ញាតឱ្យចាក់ ទាល់តែដល់ចុងឆ្នាំឯណោះ។
ក្រៅពីប្រទេសទាំងនោះ ប្រទេសឈីលីបានចាប់ផ្តើមចាក់វ៉ាក់សាំងការពារកូវីដ-១៩ ជូនកុមារអាយុចាប់ពី ៦ ឆ្នាំឡើងទៅរួចហើយ។ រីឯប្រទេសចិន និងអារ៉ាប់រួមកំពុងចាក់វ៉ាក់សាំងជូនកុមារចាប់ពីអាយុ ៣ ឆ្នាំឡើង។
និយតករសុខភាពរបស់គុយបា និងមជ្ឈមណ្ឌលត្រួតពិនិត្យឱសថនិងឧបករណ៍វេជ្ជសាស្ត្ររបស់រដ្ឋបានអនុម័តការចាក់វ៉ាក់សាំងសម្រាប់កុមារកាលពីដើមខែកញ្ញា ហើយកាលពីសប្តាហ៍មុន ប្រទេសនេះបានចាប់ផ្តើមផ្តល់ថ្នាំបង្ការកូវីដដល់ពួកជំទង់អាយុពី ១៣ ទៅ ១៧ ឆ្នាំ។
ដោយសារករណីឆ្លងវីរុសកូវីដ-១៩កំពុងកើនឡើងយ៉ាងគំហុក បូករួមទាំងការរាលដាលយ៉ាងរហ័សនៃវីរុសបំប្លែងសខ្លួន Delta ពាសពេញកោះ ទើបថ្មីៗនេះ ប្រទេសគុយបាសម្រុកចាក់វ៉ាក់សាំងឱ្យបានលឿនបំផុត។ មួយវិញទៀត រដ្ឋាភិបាលក៏ចង់បើកដំណើរការសាលារៀនឆាប់ៗផងដែរ។
យ៉ាងណាមិញ វ៉ាក់សាំងដែលគុយបាអនុម័តឱ្យប្រើប្រាស់ មិនមែនជាវ៉ាក់សាំងបរទេសឡើយ ដោយប្រទេសនេះប្រើវ៉ាក់សាំងចំនួនពីរប្រភេទគឺ Soberana 2 និង Soberana Plus ដែលផលិតផលនៅក្នុងស្រុក។
មន្រ្តីគុយបាថ្លែងថា ការសាកល្បងគ្លីនិកចំពោះមនុស្សពេញវ័យ និងចំពោះកុមារ បង្ហាញថា វ៉ាក់សាំងរបស់ខ្លួនមានប្រសិទ្ធភាពជាង ៩០ ភាគរយក្នុងការការពារប្រឆាំងនឹងមេរោគឆ្លង។ ប៉ុន្តែទោះជាយ៉ាងនេះក្ដី ទិន្នន័យពីការសាកល្បងមិនទាន់បានបោះពុម្ពផ្សាយនៅក្នុងទិនានុប្បវត្តិអន្តរជាតិ ដែលមានការទទួលស្គាល់ជាសកលនៅឡើយ។
រហូតមកដល់ពេលនេះ ប្រជាជន ៥៦ ភាគរយនៃប្រទេសគុយបាបានទទួលវ៉ាក់សាំងកូវីដយ៉ាងតិចមួយដូស ហើយ ៣៧ ភាគរយបានចាក់វ៉ាក់សាំងពេញលេញ។ ក្រសួងសុខាភិបាលរបស់ប្រទេសនេះ មានគោលបំណងចាក់វ៉ាក់សាំងឱ្យបានជាង ៩០ ភាគរយនៃប្រជាជនរបស់ខ្លួន នៅត្រឹមខែធ្នូ ឆ្នាំ២០២១៕
ប្រែសម្រួល៖ សន្យា
ប្រភព៖ New York Times
ចុចអាន៖ ឥណ្ឌារកឃើញអង់ទីគ័រប្រឆាំងកូវីដធ្លាក់ចុះខ្លាំងក្រោយចាក់វ៉ាក់សាំង៤ខែ
ចុចអាន៖ WHO ណែនាំវៀតណាម៣ចំណុចដើម្បីទប់ស្កាត់កូវីដ ខណៈប៉ុន្មានសប្តាហ៍ខាងមុខចាំបាច់ខ្លាំង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង