ព័ត៌មានអន្ដរជាតិ
ឡាវ និង សាធារណរដ្ឋគុយបា បង្កើនកិច្ចសហប្រតិបត្តិការទ្វេភាគី
ប្រភពព័ត៌មានបានឱ្យដឹងថា រវាងថ្ងៃទី ៣-៥ ខែកញ្ញា ឆ្នាំ២០២២ កន្លងទៅនេះ លោក Gerardo Penalver Portal អនុរដ្ឋមន្ត្រីក្រសួងការបរទេសនៃសាធារណៈរដ្ឋគុយបា បានដឹកនាំគណៈប្រតិភូធ្វើដំណើរបំពេញទស្សនកិច្ចជាផ្លូវការនៅប្រទេសឡាវ ដើម្បីបន្តពង្រឹងទំនាក់ទំនងមិត្តភាព និងកិច្ចសហប្រតិបត្តិការល្អដ៏យូរអង្វែងរវាងប្រទេសទាំងពីរ (ឡាវ-គុយបា) ឱ្យកាន់តែប្រសើរឡើងថែមទៀត។
នៅថ្ងៃទី៥ ខែកញ្ញា ឆ្នាំ២០២២ នៅទីស្តីការក្រសួងការបរទេសឡាវ មានជំនួបពិភាក្សាទ្វេភាគីមួយបានធ្វើឡើងរវាងក្រសួងការបរទេសឡាវ និងក្រសួងការបរទេសនៃសាធារណរដ្ឋគុយបាលើកទី១ ស្តីពីកិច្ចសហប្រតិបត្តិការឆ្នាំ ២០២២-២០២៥ ដែលជាសហប្រធាន គឺលោក ប៊ុនលឿ ផាន់ដានុវង់ អនុរដ្ឋមន្ត្រីការបរទេសឡាវ និងលោក Gerardo Penalver Portal អនុរដ្ឋមន្ត្រីការបរទេសគុយបា។ ក្នុងឱកាសនេះដែរ ភាគីឡាវបានសម្តែងនូវការស្វាគមន៍ និងវាយតម្លៃខ្ពស់ចំពោះដំណើរទស្សនកិច្ចមកកាន់ប្រទេសឡាវរបស់គណៈប្រតិភូគុយបា ដែលជាការរួមចំណែកយ៉ាងសំខាន់ក្នុងការលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការល្អ មូលដ្ឋានភាតរភាពនៃឧត្តមគតិសង្គមនិយមដែលមានប្រវត្តិយូរអង្វែងរវាងប្រទេសទាំងពីរ។
ជំនួបពិភាក្សាលើកនេះ ត្រូវបានចាត់ទុកថា ជាចក្ខុវិស័យដ៏សំខាន់សម្រាប់ភាគីទាំងពីរក្នុងការបន្តពង្រឹង និងជំរុញការលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ (ឡាវ-គុយបា) ឱ្យកាន់តែមានប្រសិទ្ធភាព និងកាន់តែមានប្រសិទ្ធផលខ្លាំងឡើង។ ភាគីទាំងពីរបានវាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងប្រទេសទាំងពីរ (ឡាវ-គុយបា) បន្ទាប់ពីបានបង្កើតទំនាក់ទំនងការទូតរួមគ្នានៅថ្ងៃទី៤ ខែវិច្ឆិកា ឆ្នាំ១៩៧៤រហូតមក ហើយភាគីទាំងពីរក៏បានព្រមព្រៀងគ្នាផ្លាស់ប្តូរដំណើរទស្សនកិច្ចទៅវិញទៅមករបស់គណៈប្រតិភូគ្រប់កម្រិត ទាំងកម្រិតបក្ស និងរដ្ឋ នាពេលបន្តបន្ទាប់៕
ប្រែសម្រួល៖ គង់ សំអាន
ប្រភព៖ VientianePosts
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល