ព័ត៌មានអន្ដរជាតិ
ស្រីលង្កាស្នើឲ្យស្ត្រីពន្យារពេលមានផ្ទៃពោះព្រោះហានិភ័យកូវីដ
ប្រទេសស្រីលង្កាបានកំពុងប្រយុទ្ធនឹងវីរុសបំប្លែងខ្លួនឆ្លងកាច Delta បន្ទាប់ពីបំរាមធ្វើដំណើរត្រូវបានបន្ធូរបន្ថយសម្រាប់ពិធីបុណ្យចូលឆ្នាំថ្មីកាលពីពាក់កណ្តាលខែមេសា។
ក្រសួងសុខាភិបាលបាននិយាយនៅថ្ងៃព្រហស្បតិ៍ថា ស្ត្រីនៅស្រីលង្កាត្រូវបានជំរុញឲ្យពន្យារពេលក្នុងការមានផ្ទៃពោះ បន្ទាប់ពីម្តាយមានផ្ទៃពោះជាង៤០នាក់បានស្លាប់ដោយកូវីដ-១៩ក្នុងរយៈពេល៤ខែចុងក្រោយនេះ។
លោក Chitramali de Silva នាយកការិយាល័យផ្សព្វផ្សាយសុខភាពរបស់រដ្ឋាភិបាលបាននិយាយថា ៖«ជាធម្មតា យើងមានមរណភាពពេលឆ្លងទន្លេពី៩០ទៅ១០០នាក់ប៉ុណ្ណោះក្នុងមួយឆ្នាំ ប៉ុន្តែចាប់តាំងពីរលកកូវីដ-១៩លើកទី៣ផ្ទុះឡើង យើងមានមរណភាពនៃស្ត្រីមានផ្ទះ៤១នាក់ដោយសារតែជំងឺកូវីដតែម្យ៉ាង»។
វេជ្ជបណ្ឌិតផ្នែកសម្ភព និងរោគស្ត្រីរបស់រដ្ឋាភិបាល លោក Harsha Atapattu បាននិយាយថា លោកបានកំពុងដាស់តឿនគូស្វាមីភរិយា និងអ្នកដែលមានបំណងយកកូន សូមពន្យារពេលហោចណាស់មួយឆ្នាំសិន ដោយសារហានិភ័យពីកូវីដ-១៩។
លោក De Silva បាននិយាយថា ស្ត្រីមានផ្ទៃពោះប្រហែលជា៥៥០០នាក់បានស្លងកូវីដ-១៩ ហើយប្រហែលជា៧០%បានចាក់វ៉ាក់សាំងបង្ការពេញលេញ។
អ្នកជំនាញបានជំរុញឲ្យស្ត្រីមានផ្ទៃពោះប្រញាប់ចាក់វ៉ាក់សាំង។ ស្របពេលមន្ត្រីសុខាភិបាលស្រីលង្កាបញ្ជាក់ថា វីរុសបំប្លែងខ្លួនឆ្លងកាច Delta ទំនងកើនឡើងហានិភ័យធ្ងន់ធ្ងរដល់ពួកគេ។
ប្រទេសដែលមានប្រជាជន២១លាននាក់ស្ថិតក្រោមបំរាមតឹងតែងចាប់តាំងពីខែសីហាមកដែលរដ្ឋាភិបាលរំពឹងថានឹងបន្ធូរបន្ថយនៅពាក់កណ្តាលខែកញ្ញា។
ប៉ុន្តែអ្នកជំនាញអង្គការសុខភាពពិភពលោកនៅស្រីលង្កាបានអំពាវនាវឲ្យរឹតបន្តឹងឲ្យខ្លាំងរហូតដល់ដើមខែតុលា។
មន្ទីរពេទ្យពោរពេញដោយអ្នកជំងឺកូវីដ បើទោះជាការប្រឹងប្រែងក្នុងការពន្លឿនចាក់វ៉ាក់សាំងបានជិតពាក់កណ្តាលនៃប្រជាជនទទួលបានទាំងពីរដូសក៏ដោយ។
រហូតដល់ពេលនេះ ស្រីលង្កាមានករណីឆ្លងសរុប ៤៧៥០០០នាក់ និងស្លាប់ជាង១០៥០០នាក់ ប៉ុន្តែក្រុមវេជ្ជបណ្ឌិតនិយាយថា តួលេខពិតប្រាកដអាចខ្ពស់ជាងនេះច្រើនដោយសារមិនរាយការណ៍៕
ប្រែសម្រួល៖ វីរបុត្រ
ប្រភព៖ ndtv
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ