ព័ត៌មានអន្ដរជាតិ
មហាសន្និបាត UN លើកនេះ ក្បាលមីក្រូហ្វូន សុទ្ធតែពាក់ស្រោម (វីដេអូ)
មេដឹកនាំគ្រប់រូប រួមទាំងលោកប្រធានាធិបតី Joe Biden ផងដែរ ត្រូវបានគេផ្តល់ក្បាលមីក្រូហ្វូនថ្មី នៅឯមហាសន្និបាតអង្គការសហប្រជាជាតិកាលពីថ្ងៃអង្គារ ដើម្បីការពារ កុំឲ្យព្រឹត្តិការណ៍ប្រមូលផ្តុំមេដឹកនាំពិភពលោកមួយនេះ ក្លាយទៅជាការរីករាលដាលនៃជំងឺកូវីដ-១៩។
អ្នកយកព័ត៌មានម្នាក់បានកត់សម្គាល់ថា “ថ្មីនៅក្នុងយុគសម័យកូវីដ ស្រោមអនាម័យតូចមួយសម្រាប់មីក្រូហ្វូន”។
មន្រ្តីសេតវិមានម្នាក់ និយាយថា “យោងតាមនីតិវិធីកូវីដ-១៩របស់អង្គការសហប្រជាជាតិ វេទិកានឹងត្រូវបានសម្អាតបន្ទាប់ពីរាល់ការថ្លែងរបស់មេដឹកនាំនីមួយៗ ហើយក្បាលមីក្រូហ្វូននឹងត្រូវបានជំនួស”។
លោក Biden បាននិយាយនៅទីស្នាក់ការកណ្តាលរបស់ UN ក្នុងទីក្រុងញូវយ៉កដោយផ្ទាល់ បន្ទាប់ពីប្រធានាធិបតីប្រេស៊ីលលោក Jair Bolsonaro។ លោក Bolsonaro បានបញ្ជាក់កាលពីថ្ងៃចន្ទ ដល់នាយករដ្ឋមន្រ្តីអង់គ្លេសលោក Boris Johnson ថា លោកមិនចាក់វ៉ាក់សាំងការពារជំងឺកូវីដ-១៩ ទេ។
បន្ទាប់ពីលោក Bolsonaro ដែលមិនពាក់ម៉ាស បានចាកចេញពីវេទិកា បុគ្គលិកម្នាក់បានចូលទៅប្តូរក្បាលមីក្រូហ្វូន ដែលពាក់ថង់ ពណ៌ខ្មៅដូចស្រោមអនាម័យ។
ក្រោយមក សេតវិមានបានចេញសេចក្តីថ្លែងការណ៍មួយ ដោយចង្អុលបង្ហាញថា ការផ្លាស់ប្តូរមីក្រូហ្វូន កំពុងកើតឡើងរវាងមេដឹកនាំពិភពលោកទាំងអស់ ដែលនេះមានន័យថា វាមិនមែនគ្រាន់តែជាការប្រុងប្រយ័ត្ន ដោយសារលោក Bolsonaro មិនចាក់វ៉ាក់សាំងប៉ុណ្ណោះទេ។
បុគ្គលិក ក៏បានសម្អាតលើវេទិកា នៅពេលលោក Biden ចាកចេញផងដែរ ទោះលោកចាក់វ៉ាក់សាំងហើយក៏ដោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ លោក បៃដិន ថា អាមេរិក កំពុងផ្ដោតលើតំបន់ឥណ្ឌូ-ប៉ាស៊ីហ្វិក ប៉ុន្តែមិនស្វែងរកសង្គ្រាមត្រជាក់ថ្មីទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង