លោក បៃដិន ថា អាមេរិក កំពុងផ្ដោតលើតំបន់ឥណ្ឌូ-ប៉ាស៊ីហ្វិក ប៉ុន្តែមិនស្វែងរកសង្គ្រាមត្រជាក់ថ្មីទេ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លោក បៃដិន ថា អាមេរិក កំពុងផ្ដោតលើតំបន់ឥណ្ឌូ-ប៉ាស៊ីហ្វិក ប៉ុន្តែមិនស្វែងរកសង្គ្រាមត្រជាក់ថ្មីទេ

បានផុស

នៅ

ប្រធានាធិបតីអាមេរិកលោក ចូ បៃដិន បានប្រាប់មហាសន្និបាតអង្គការសហប្រជាជាតិនៅទីក្រុងញូវយ៉កកាលពីថ្ងៃអង្គារថា សហរដ្ឋអាមេរិកនឹងបង្កើនកិច្ចសហប្រតិបត្តិការជាមួយសម្ព័ន្ធមិត្ត ដើម្បីប្រឆាំងនឹងការគំរាមកំហែងដែលកំពុងកើតមាន ប៉ុន្តែថាខ្លួនមិនស្វែងរក “សង្គ្រាមត្រជាក់ថ្មី” ទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បាននិយាយថា សហរដ្ឋអាមេរិកកំពុងផ្តោតការយកចិត្តទុកដាក់របស់ខ្លួន ចំពោះអាទិភាព និងតំបន់នៃពិភពលោកដែលមានផលវិបាកបំផុតនាពេលបច្ចុប្បន្ននេះ ដូចជា ឥណ្ឌូ-ប៉ាស៊ីហ្វិក ។ លោកបាននិយាយថា “យើងនឹងធ្វើដូច្នេះជាមួយសម្ព័ន្ធមិត្ត និងដៃគូរបស់យើងតាមរយៈកិច្ចសហប្រតិបត្តិការនៅស្ថាប័នពហុភាគី ដូចជាអង្គការសហប្រជាជាតិ” ។

លោកបាននិយាយថា “សហរដ្ឋអាមេរិកនឹងក្រោកឈរឡើងចំពោះសម្ព័ន្ធមិត្ត និងមិត្តភក្តិរបស់ខ្លួន ហើយប្រឆាំងការប៉ុនប៉ងរបស់ប្រទេសដែលខ្លាំងជាង ដើម្បីគ្រប់គ្រងលើប្រទេសដែលទន់ខ្សោយជាង មិនថាតាមរយៈការផ្លាស់ប្តូរទឹកដីដោយកម្លាំង ការបង្ខិតបង្ខំសេដ្ឋកិច្ច ការកេងប្រវ័ញ្ចបច្ចេកវិទ្យា ឬព័ត៌មានមិនពិតជាដើម” ។

ប៉ុន្តែលោកបានបន្ថែមថា “យើងមិនស្វែងរកសង្គ្រាមត្រជាក់ថ្មី ឬពិភពលោកដែលបែងចែកជាប្លុករឹងរូសទេ” ។ លោកក៏បាននិយាយផងដែរថា “សហរដ្ឋអាមេរិកបានត្រៀមខ្លួនរួចជាស្រេច ដើម្បីធ្វើការជាមួយប្រជាជាតិណាមួយដោះស្រាយបញ្ហាប្រឈម រួមទាំងជំងឺរាតត្បាតសកល និងការប្រែប្រួលអាកាសធាតុ” ។

ថ្មីៗនេះរដ្ឋបាលលោក បៃដិន បានចាប់ផ្តើមក្របខ័ណ្ឌសន្តិសុខត្រីភាគីជាមួយចក្រភពអង់គ្លេស និងអូស្ត្រាលី ។ ប៉ុន្តែការផ្តល់ជូនរបស់អាមេរិក និងអង់គ្លេស ដើម្បីជួយអូស្ត្រាលីដាក់ពង្រាយនាវាមុជទឹកដើរដោយថាមពលនុយក្លេអ៊ែរ បានធ្វើឲ្យបារាំងខឹងសម្បារ ព្រោះកិច្ចសន្យានាវាមុជទឹកដែលបារាំងមានជាមួយអូស្ត្រាលីត្រូវលុបចោល ។

ជាចុងក្រោយលោក បៃដិន បានសង្កត់ធ្ងន់ក្នុងសុន្ទរកថានោះថា សហរដ្ឋអាមេរិកកំពុងធ្វើការជាមួយសម្ព័ន្ធមិត្តរបស់ខ្លួន ឆ្ពោះទៅរកគំនិតយុទ្ធសាស្ត្រថ្មីមួយ ហើយសហរដ្ឋអាមេរិកក៏បានបន្តការចូលរួមរបស់ខ្លួនជាមួយសហភាពអឺរ៉ុប ដែលជាដៃគូមូលដ្ឋានក្នុងការដោះស្រាយបញ្ហាពេញលេញ ដែលកំពុងប្រឈមមុខនឹងពិភពលោករបស់យើងនាពេលបច្ចុប្បន្ននេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក បៃដិន តម្រូវឲ្យនិយោជកដែលមាននិយោជិតលើស ១០០ នាក់ អនុវត្ត “វ៉ាក់សាំងកាតព្វកិច្ច” ឬធ្វើតេស្តប្រចាំសប្តាហ៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

អ្នកកាសែតចុះយកព័ត៌មាន មិនសហការជាមួយអាជ្ញាធរ ត្រូវក្រុមអ្នកលេងល្បែងជល់មាន់វាយ

ព័ត៌មានអន្ដរជាតិ១៤ នាទី មុន

អ្នកចាក់វ៉ាក់សាំងរបស់ ចិន កុំបារម្ភមិនបង្កហានិភ័យជំងឺស្ទះសរសៃឈាមក្នុងខួរក្បាល ឬដុំកំណកឈាមឡើយ

ចរាចរណ៍៥៤ នាទី មុន

រថយន្តធុនត្រា បើកលឿនដូចហោះបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

ព័ត៌មានអន្ដរជាតិ១ ម៉ោង មុន

រដ្ឋមួយនៅ អាល្លឺម៉ង់ ឲ្យអាជីវកម្មទាំងអស់ហាមអតិថិជនដែលមិនចាក់វ៉ាក់សាំង កូវីដ ចូលទិញសូម្បីរបស់របរចាំបាច់

ព័ត៌មានជាតិ២ ម៉ោង មុន

ក្រសួងប្រៃសណីយ៍ ដាក់ឲ្យដំណើរការប្រព័ន្ធ QR Code «បណ្ណចាក់វ៉ាក់សាំងឌីជីថល StopCovid QR Vaccine» នៅថ្ងៃស្អែក

Sokha Hotels

ព័ត៌មានពេញនិយម

Helistar Cambodia - Helicopter Charter Services