UN បោះឆ្នោតគាំទ្រយ៉ាងលើសលប់ ឲ្យមានបទឈប់បាញ់មនុស្សធម៌នៅ ហ្គាហ្សា

មហាសន្និបាតអង្គការសហប្រជាជាតិ បានបោះឆ្នោតគាំទ្រយ៉ាងលើសលប់ចំពោះសេចក្តីសម្រេច ដែលអំពាវនាវឲ្យមានបទឈប់បាញ់មនុស្សធម៌ជាបន្ទាន់ រវាងអ៊ីស្រាអែលនិងក្រុមប្រដាប់អាវុធប៉ាឡេស្ទីន ហាម៉ាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថាប័នដែលមានសមាជិក១៩៣ប្រទេសមួយនេះ បានអនុម័តសេចក្តីសម្រេច ដែលព្រាងដោយក្រុមប្រទេសអារ៉ាប់ចំនួន២២ ជាមួយសំឡេង១២០ទល់នឹង១៤ ខណៈប្រទេសចំនួន៤៥អនុបវាទ ហើយគ្មានអ្វីត្រូវសង្ស័យឡើង, សហរដ្ឋ​អាមេរិក និង​អ៊ីស្រាអែល ​បាន​បោះ​ឆ្នោតជំទាស់។

ថ្លែងមុនពេលបោះឆ្នោត រដ្ឋមន្ត្រីការបរទេសហ្ស៊កដានី លោក Ayman Safadi បាននិយាយថា ការបោះឆ្នោតប្រឆាំងនឹងសេចក្តីសម្រេចនេះមានន័យថា ជាការគាំទ្រសង្គ្រាម និងការកាប់សម្លាប់គ្នា។

យ៉ាងណាក្តី ឯកអគ្គរដ្ឋទូតអ៊ីស្រាអែលប្រចាំ UN លោក Gilad Erdan និយាយថា “បទឈប់បាញ់នេះមានន័យថា ជាការផ្តល់ពេលវេលាដល់ក្រុមហាម៉ាស់ ដើម្បីត្រៀមខ្លួនសាជាថ្មី” ហើយការបោះឆ្នោតនេះ មិនមែនមានបំណងនាំមកនូវសន្តិភាពទេ ប៉ុន្តែដើម្បីចងដៃអ៊ីស្រាអែលប៉ុណ្ណោះ។

ស្ថាប័ននេះបានកោះប្រជុំ ចំពេលអ៊ីស្រាអែល បង្កើនការទម្លាក់គ្រាប់បែករបស់ខ្លួនទៅលើតំបន់ហ្គាហ្សា ជាកន្លែងដែលសេវាទូរស័ព្ទ និងអ៊ីនធើណិត ត្រូវបានកាត់ផ្តាច់រួចទៅហើយ ហើយអ៊ីស្រាអែលត្រៀមបើកការវាយលុកជើងគោក ទ្រង់ទ្រាយធំ៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ មហាសន្និបាត UN បើកសម័យប្រជុំបន្ទាន់ស្ដីពីជម្លោះ អ៊ីស្រាអែល និង ក្រុមហាម៉ាស់