វៀតណាម ទទួលជោគជ័យ ផលិតវ៉ាក់សាំងកូវីដ មានប្រសិទ្ធភាពជាង ៩០ភាគរយ

ក្រុមហ៊ុនផលិតវ៉ាក់សាំងនិងជីវសាស្រ្តលេខ ១ (Vabiotech) ក្រោមក្រសួងសុខាភិបាលវៀតណាម បានប្រកាសកាលពីថ្ងៃសុក្រថា ខ្លួនផលិតបានវ៉ាក់សាំងកូវីដ Sputnik V លើកដំបូងទទួលបានជោគជ័យនៅក្នុងប្រទេស វៀតណាម។

វិទ្យាស្ថានស្រាវជ្រាវរោគរាតត្បាតនិងមីក្រូជីវសាស្ត្រ Gamaleya របស់ប្រទេសរុស្ស៊ី ដែលជាអ្នកបង្កើតវ៉ាក់សាំង Sputnik V បានធ្វើតេស្តវ៉ាក់សាំងលេខកូដ SV-030721M កាលពីថ្ងៃទី ២៦ ខែសីហា ហើយបញ្ជាក់ពីស្តង់ដារគុណភាពរបស់វា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងនេះគឺប្រើសារធាតុជំរុញ២ផ្សេងគ្នា ក្នុងការចាក់២ដង ដែលអ្នកអភិវឌ្ឍអះអាងថា ផ្តល់ការការពារប្រព័ន្ធភាពស៊ាំបានយូរ។

គម្លាតនៃការចាក់វ៉ាក់សាំងចំនួនពីរដូស គឺបីសប្តាហ៍ពីគ្នា។

ប្រសិទ្ធភាពរបស់វ៉ាក់សាំង Sputnik V គឺ ៩១,៦ ភាគរយ។ នេះបើយោងតាមលទ្ធផលតេស្តគ្លីនិក ដែលប្រកាសនៅលើទស្សនាវដ្តីវេជ្ជសាស្ត្រ The Lancet។

បន្ទាប់ពីចាក់វ៉ាក់សាំង អ្នកស្ម័គ្រចិត្ត ៩៨ ភាគរយ​ បានផលិតអង់ទីគ័រប្រឆាំងវីរុស។

គួរបញ្ជាក់ថា ក្រសួងសុខាភិបាលវៀតណាម បានផ្តល់ការយល់ព្រមតាមលក្ខខណ្ឌដល់វ៉ាក់សាំង Sputnik V សម្រាប់ការប្រើប្រាស់ជាបន្ទាន់កាលពីថ្ងៃទី ២៣ ខែមីនា៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ វ៉ាក់សាំង J&J ដូសជំរុញ ចាក់គម្លាតគ្នា២ខែ បង្ហាញប្រសិទ្ធភាពអស្ចារ្យបំផុត