ព័ត៌មានអន្ដរជាតិ
បាតុកម្មនៅទីក្រុង បេរូត ប្រែក្លាយជា ការបង្ហូរឈាម
អ្នកកាន់និកាយស៊ីអ៊ីតចំនួន ៦ នាក់ត្រូវបានបាញ់សម្លាប់នៅទីក្រុង បេរូត កាលពីថ្ងៃព្រហស្បតិ៍ទី១៤ខែតុលា ក្នុងការវាយប្រហារទៅលើក្រុមបាតុករ កំពុងធ្វើបាតុកម្ម ដែលរៀបចំដោយក្រុម Hezbollah ដើម្បីទាមទារឲ្យដកចៅក្រមស៊ើបអង្កេតការផ្ទុះនៅកំពង់ផែក្រុងកាលពីឆ្នាំមុន។
ក្រុម Hezbollah ដែលគាំទ្រដោយប្រទេសអ៊ីរ៉ង់និងសម្ព័ន្ធមិត្តរបស់ខ្លួនគឺចលនានិកាយស៊ីអ៊ីត Amal បានចោទប្រកាន់កងកម្លាំងលីបង់ (LB) ដែលជាគណបក្សគ្រិស្តសាសនាមានទំនាក់ទំនងជិតស្និទ្ធជាមួយអារ៉ាប៊ីសាអ៊ូឌីត ថាបានបង្កើនការវាយប្រហារ។
ការបាញ់សម្លាប់នេះគឺជាអំពើហិង្សាស៊ីវិលដ៏អាក្រក់បំផុតនៅទីក្រុងបេរូត ចាប់តាំងពីឆ្នាំ ២០០៨មក និងបង្ហាញពីវិបត្តិកាន់តែស៊ីជម្រៅជុំវិញការស៊ើបអង្កេត លើការផ្ទុះដ៏មហន្តរាយកាលពីខែសីហាឆ្នាំ២០២០ ដែលកំពុងធ្វើឲ្យប៉ះពាល់ដល់កិច្ចប្រឹងប្រែងរបស់រដ្ឋាភិបាលក្នុង ការដោះស្រាយវិបត្តិសេដ្ឋកិច្ចដ៏អាក្រក់បំផុតមួយនៅក្នុងប្រវត្តិសាស្ត្រ។
មេដឹកនាំ LF លោក Samir Geagea បានថ្កោលទោសការបាញ់ប្រហារនេះ ហើយនិយាយថា វាជាលទ្ធផលនៃអាវុធដែលមិនអាចគ្រប់គ្រងបាន នៅក្នុងសង្គម។
កងទ័ពបាននិយាយនៅក្នុងសេចក្តីថ្លែងការណ៍មួយថា ការបាញ់ប្រហារបានផ្តោតលើក្រុមបាតុករ នៅពេលពួកគេឆ្លងកាត់រង្វង់មូល Teyouneh ដែលមានទីតាំងស្ថិតនៅក្នុងតំបន់ បែងចែកសង្កាត់រវាងជនមូស្លីមនិកាយស៊ីអ៊ីត និងគ្រិស្តសាសនិក។
យោងតាមប្រភពយោធា ការបាញ់ប្រហារនេះបានចាប់ផ្តើមពីសង្កាត់គ្រិស្តសាសនា Ain el-Remmaneh មុនពេលផ្ទុះអាវុធ។
រដ្ឋមន្រ្តីក្រសួងមហាផ្ទៃលោក Bassam Mawlawi បាននិយាយថា អ្នកបាញ់ស៊ីប បានបើកការបាញ់ប្រហារសំដៅក្បាលមនុស្ស។
គួរបញ្ជាក់ថា ក្រុម Hezbollah បានដឹកនាំការអំពាវនាវឲ្យចៅក្រមស៊ើបអង្កេតលោក Tarek Bitar ត្រូវដកចេញពីការស៊ើបអង្កេត ទៅលើការផ្ទុះនៅកំពង់ផែ ដោយចោទប្រកាន់ថា គាត់មានភាពលម្អៀង៕
ប្រែសម្រួល៖ Vann Vann
ប្រភព៖ Reuters
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ