ទីបំផុត មេដឹកនាំកំពូលអ៊ីរ៉ង់ ព្រមទទួលស្គាល់ថា មនុស្សរាប់ពាន់នាក់ ពិតជាស្លាប់ក្នុងបាតុកម្មមែន

ទីបំផុត មេដឹកនាំកំពូលអ៊ីរ៉ង់ បានទទួលស្គាល់ហើយថា មនុស្សរាប់ម៉ឺននាក់ពិតជាស្លាប់មែន នៅក្នុងមហាបាតុកម្ម ដែលអង្រួនប្រទេសនេះអស់រយៈពេលជាច្រើនសប្តាហ៍មកហើយ។

ដកស្រង់សម្តីដោយសារព័ត៌មានរដ្ឋ, មេដឹកនាំលកំពូល Ayatollah Ali Khamenei លើកឡើងថា លោក Khamenei បានលើកឡើងថា មនុស្សរាប់ពាន់នាក់ត្រូវបានសម្លាប់ ក្នុងនោះខ្លះស្លាប់ក្នុងលក្ខណៈអមនុស្សធម៌ និងសាហាវយង់ឃ្នងបំផុត។

ទោះបីជាយ៉ាងណាក៏ដោយ ទន្ទឹមនោះលោកបានទម្លាក់កំហុសលើសហរដ្ឋអាមេរិកចំពោះការបាត់បង់ជីវិតទាំងនេះ។ លោក Khamenei និយាយថា៖ «អ្នកដែលមានទំនាក់ទំនងជាមួយអ៊ីស្រាអែល និងសហរដ្ឋអាមេរិក បានបង្កការខូចខាតយ៉ាងធ្ងន់ធ្ងរ និងបានសម្លាប់មនុស្សអស់រាប់ពាន់នាក់។ យើងចាត់ទុកប្រធានាធិបតីអាមេរិកថាជាជនឧក្រិដ្ឋ ចំពោះការបាត់បង់ជីវិត ការខូចខាត និងការមួលបង្កាច់ដែលលោកបានបង្កឡើងមកលើប្រជាជាតិអ៊ីរ៉ង់»។

សូមជម្រាបជាថ្មី បាតុកម្មបានចាប់ផ្តើមឡើងដោយសារតវ៉ាលើបញ្ហាអតិផរណាដែលហក់ឡើងខ្ពស់ខ្លាំង ប៉ុន្តែឥឡូវនេះបានរីករាលដាល ក្លាយជាការទាមទារឲ្យបញ្ចប់ការគ្រប់គ្រងតាមបែបសាសនារបស់មេដឹកនាំកំពូលអ៊ីរ៉ង់ Ayatollah Ali Khamenei។

បើយោងតាមទីភ្នាក់ងារសារព័ត៌មានសកម្មជនសិទ្ធិមនុស្សអ៊ីរ៉ង់ (HRANA) ដែលមានមូលដ្ឋាននៅសហរដ្ឋអាមេរិក, ការឆ្លើយតបដោយហិង្សាចំពោះចលាចលនេះ បានផ្ដាច់យកជីវិតមនុស្សអស់ចំនួន ៣,០៩០ នាក់ហើយ ខណៈក្រុមសកម្មជនខ្លះទៀតអះអាងថា ចំនួនមនុស្សស្លាប់អាចខ្ពស់ជាងនេះឆ្ងាយណាស់៕

អត្ថបទ៖ សុខ សុវណ្ណ