ព័ត៌មានអន្ដរជាតិ
ចិន លាក់ប្រព័ន្ធមីស៊ីលយ៉ាងសម្ងាត់ក្នុងកុងតឺន័រសម្រាប់វាយប្រហារ គ្រប់ទីកន្លែង (មានវីដេអូ)
លោក Rick Fisher មន្ត្រីជាន់ខ្ពស់ផ្នែកកិច្ចការយោធាអាស៊ីនៅ មជ្ឈមណ្ឌលវាយតម្លៃ និងយុទ្ធសាស្ត្រអន្តរជាតិ បាននិយាយនៅ ក្នុងបទសម្ភាសន៍ជាមួយសារព័ត៌មាន The Sun កាលពីថ្ងៃចន្ទថា ប្រទេសចិននៅ តែបន្តបង្កើតប្រព័ន្ធកាំជ្រួចមីស៊ីលក្នុងកុងតឺន័រដោយសម្ងាត់ ដែលអាចក្លែងបន្លំជាទំនិញពាណិជ្ជកម្ម ហើយអាចចូលទៅ កាន់កំពង់ផែអន្តរជាតិបានយ៉ាងងាយស្រួល ។
មីស៊ីលដែលត្រូវបានបញ្ជូនតាមគោលការណ៍ Trojan Horse អាចត្រូវបានដាក់ពង្រាយនៅ លើនាវាណាមួយ ដោយប្រែក្លាយនាវាឯកជនជាច្រើនរបស់ចិនទៅ ជាកងនាវាយោធា ។ ទន្ទឹមនោះលោក Fisher បាននិយាយថា “យុទ្ធសាស្រ្តរបស់ចិនគឺគួរឲ្យភ្ញាក់ផ្អើល ហើយយើងនឹងជជែកតវ៉ាយ៉ាងខ្លាំងសម្រាប់ការដាក់ពង្រាយមីស៊ីលបែបនេះ” ។
លោក Fisher បានឲ្យដឹងទៀតថា មីស៊ីលអាចត្រូវបានដំឡើងនៅ លើនាវាចិនតូចៗដែលមិនអាចពិពណ៌នាបាន ដើម្បីធ្វើការវាយឆ្មក់ប្រឆាំងនឹងមីស៊ីលរបស់សត្រូវ ការពារច្រាំងសមុទ្រ ក៏ដូចជាដើម្បីជួយដល់កងកម្លាំងឈ្លានពានតាមដីគោក តាមសមុទ្រ ឬតាមអាកាស” ។
លោកបញ្ជាក់ថា កុងតឺន័ររបស់ចិនអាចរក្សាទុកឧបករណ៍យោធាក្នុងរយៈពេលដ៏យូរក្បែរមូលដ្ឋានយោធារបស់សហរដ្ឋអាមេរិក ។ យោងតាមអ្នកវិភាគបានឲ្យដឹងថា ក្បាលគ្រាប់អេឡិចត្រូម៉ាញេទិចរបស់មីស៊ីលនឹងអាចបិទមូលដ្ឋាននាវាមុជទឹកនុយក្លេអ៊ែរបាញ់មីស៊ីលផ្លោងដែលនៅ ក្បែរនោះ ។
គួរបញ្ជាក់ថា ការអត្ថាធិប្បាយរបស់លោក Fisher បានកើតឡើង ចំពេលមានរបាយការណ៍ថា ប្រទេសចិនប្តេជ្ញាពង្រឹងជំហររបស់ខ្លួននៅ ក្នុងមហាសមុទ្រអាត្លង់ទិក និងទ្វីបអាហ្រ្វិក ដោយបានសាងសង់មូលដ្ឋាននៅ ក្រៅ ប្រទេសគឺនៅប្រទេសជីប៊ូទី ។
យោងតាមកាសែត The Wall Street Journal បានឲ្យដឹងថា សេវាស៊ើបការណ៍សម្ងាត់អាមេរិកមានការព្រួយបារម្ភចំពោះចេតនារបស់ចិនក្នុងការសាងសង់មូលដ្ឋានទ័ពជើងទឹកដំបូងរបស់ខ្លួននៅ លើឆ្នេរសមុទ្រអាត្លង់ទិកនៃទ្វីបអាហ្រ្វិកក្នុងទីក្រុង Bata ប្រទេសហ្គីណេ ជាកន្លែងដែលប្រទេសនេះមានកំពង់ផែពាណិជ្ជកម្មរួចទៅ ហើយ ។
ទន្ទឹមនោះកាលពីខែវិច្ឆិកា របាយការណ៍របស់មន្ទីរបញ្ចកោណ ស្តីពីសមត្ថភាពយោធារបស់ចិន បានលើកឡើងថា ទីក្រុងប៉េកាំងគ្រោងនឹងបង្កើតមូលដ្ឋានយោធា និងកន្លែងផ្សេងទៀតដើម្បីដាក់ពង្រាយកងទ័ពរបស់ខ្លួនទៅ កាន់ប្រទេសផ្សេងទៀត រួមទាំងមីយ៉ាន់ម៉ា ថៃ សិង្ហបុរី ឥណ្ឌូណេស៊ី ប៉ាគីស្ថាន ស្រីលង្កា អារ៉ាប់រួម កេនយ៉ា សីស្ហែល តង់សានី អង់ហ្គោឡា និងតាជីគីស្ថានជាដើម ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ អាមេរិក ប្រកាសធ្វើពហិការការទូត មិនចូលរួម អូឡាំពិករដូវរងានៅ ប៉េកាំង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង