ព័ត៌មានអន្ដរជាតិ
មនុស្សរាប់ពាន់នាក់អត់ផ្ទះ និងស្រេកឃ្លានពីព្យុះទីហ្វុងនៅហ្វីលីពីន
នៅថ្ងៃបុណ្យណូអែល មនុស្សម្នានាំគ្នាសប្បាយរីករាយនឹងរៀបចំពិធីកម្សាន្ត ប៉ុន្តែបុរសឈ្មោះ Jay Lacia មិនបានរៀបចំពិធីដូចឆ្នាំមុនៗទេ។ អ្វីដែលគាត់ចង់បាននៅឆ្នាំនេះមានអាហារបរិភោគគ្រប់គ្រាន់ និងកន្លែងស្នាក់នៅ។
បុរសអាយុ២៧ឆ្នាំរស់នៅទីក្រុង Surigao ភាគខាងជើងប្រទេសហ្វីលីពីនដែលទទួលរងការវាយប្រហារពីព្យុះទីហ្វុងដ៏អាក្រក់បាននិយាយថា ៖«រាល់ឆ្នាំយើងតែងតែរៀបចំពិធីអបអរបុណ្យណូអែល តែឥឡូវនេះមិនអាចទេ»។
ជាងមួយសប្តាហ៍ បន្ទាប់ពីព្យុះទីហ្វុង Rai ដែលបានវាយប្រហារប្រទេសហ្វីលីពីន Lacia បានឈប់សង្គ្រោះអ្វីដែលសេសសល់ពីផ្ទះរបស់គាត់ដែលខូចខាតទៀតហើយ។ គ្មានផ្ទះណាមួយអាចឈរនៅល្អដូចមុនទៀតទេក្នុងភូមិរបស់គាត់ទាំងមូលជិតកោះ Dinagat។
Lacia បាននិយាយថា ៖«អ្វីៗបានបាត់បង់អស់ហើយ រាប់ទាំងផ្ទះខ្ញុំ។ ទាំងដំបូល ទាំងតួផ្ទះធ្វើពីឈើខូចទាំងអស់»។
គ្មាននរណាម្នាក់រំពឹងពីព្យុះទីហ្វុង Rai បានផ្ទុះឡើងវាយប្រហារភូមិប្រជុំកោះកាលពីថ្ងៃទី១៦ ខែធ្នូទេ។ វាជាព្យុះទីហ្វុងអាក្រក់បំផុតវាយប្រហារហ្វីលីពីននៅឆ្នាំនេះដែលបានសម្លាប់មនុស្សជិត៤០០នាក់ និងបំផ្លាញផ្ទះសម្បែងរាប់ពាន់ខ្នង។
តាមពិតទៅហ្វីលីពីនបានជួបគ្រោះព្យុះទីហ្វុងជាច្រើនលើកហើយឆ្នាំនេះ ប៉ុន្តែវិបត្តិអាកាសធាតុបានបង្កជាព្យុះវាយប្រហារខ្លាំងៗលើសពីមុន ដែលបន្សល់ទុកជនរងគ្រោះកាន់តែក្រីក្រច្រើនឡើងរបស់ប្រទេសនេះ។
ក្រុមគ្រួសារផ្សេងៗដូចជាគ្រួសាររបស់ Lacia ដែរគឺបាត់បង់អ្វីៗទាំងអស់។ ឥឡូវនេះ ពួកគេប្រឈមមុខនឹងកិច្ចការដែលមិនអាចទៅរួចដើម្បីធ្វើផ្ទះសម្បែងឡើងវិញ បើសូម្បីតែអាហារបរិភោគក៏មិនគ្រប់គ្រាន់ផង។
បុរសនេះនិយាយថា ៖«យើងគិតថា យើងមានសុវត្ថិភាព ពីព្រោះយើងបានចងផ្ទះហើយ។ យើងបានគិតថា យើងចងគ្រប់គ្រាន់ដែលផ្ទះមិនអាចដួលរលំបាន។ ជាអកុសល វាមិនគ្រប់គ្រាន់ទេ»។
មនុស្សជិត៤លាននាក់នៅទូទាំងទីប្រជុំជនជាង៤០០បានទទួលរងប៉ះពាល់ដោយព្យុះទីហ្វុង Rai។ នេះបើយោងតាមក្រុមប្រឹក្សាកាត់បន្ថយហានិភ័យ និងគ្រប់គ្រងគ្រោះមហន្តរាយជាតិហ្វីលីពីន (NDRRMC)។
មនុស្សជាងកន្លះលាននាក់នៅតែជម្លៀសខ្លួនដោយគ្មានផ្ទះសម្បែងកាលពីចុងសប្តាហ៍កន្លងទៅនេះដែលជាឱកាសនៃថ្ងៃឈប់សម្រាកបុណ្យណូអែល។
លោក Jerome Balinton ប្រធានអង្គការមនុស្សធម៌ Save the Children បាននិយាយថា ៖«ក្រុមគ្រួសារច្រើនណាស់មិនមានអ្វីសោះ។ ក្នុងពិធីបុណ្យណូអែល ពួកគេដាក់ភ្លើង និងបទចម្រៀងទៅកន្លែងខូចខាត មណ្ឌលជម្លៀសសើម។ ពួកគេគ្មានធ្វើអ្វី ក្រៅពីបួងសួងឲ្យរស់»៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ