ព័ត៌មានអន្ដរជាតិ
កុបកម្មនៅ កាហ្សាក់ស្ថាន ជា “ការវាយប្រហារភេរវករកូនកាត់” និងមានគោលបំណងធ្វើរដ្ឋប្រហារ
រដ្ឋលេខាធិការនៃសាធារណរដ្ឋកាហ្សាក់ស្ថានលោក Erlan Karin បាននិយាយថា ភាពចលាចលក្នុងប្រទេសកាហ្សាក់ស្ថានគឺជាការវាយប្រហារ “ភេរវករកូនកាត់” ដែលធ្វើឡើងដោយមានការចូលរួមពីកងកម្លាំងទាំងខាងក្នុង និងខាងក្រៅ ហើយមានគោលបំណងផ្តួលរំលំរដ្ឋាភិបាល ។
លោក Karin បាននិយាយនៅលើប៉ុស្តិ៍ទូរទស្សន៍ Khabar 24 នៅថ្ងៃចន្ទនេះថា “យើងកំពុងប្រឈមមុខនឹងការវាយប្រហារភេរវករកូនកាត់លើប្រទេសកាហ្សាក់ស្ថានក្នុងគោលបំណងធ្វើឲ្យមានអស្ថិរភាព និងរដ្ឋប្រហារ ។ មានការឃុបឃិតគ្នារវាងកម្លាំងខាងក្នុង និងខាងក្រៅ ហើយថា ក្រៅពីក្រុមភេរវករ ការវាយប្រហារតាមព័ត៌មាននៅបរទេសក៏ត្រូវបានប្រើប្រាស់ផងដែរ” ។
រដ្ឋលេខាធិការរូបនេះបានបន្ថែមថា វាមិនត្រឹមត្រូវទេក្នុងការពណ៌នាព្រឹត្តិការណ៍នៅក្នុងប្រទេសកាហ្សាក់ស្ថានថាជាការប៉ុនប៉ងធ្វើបដិវត្តន៍ពណ៌ ហើយរហូតមកដល់ពេលនេះយើងបានរកឃើញកោសិកាជ្រុលនិយមចំនួន ២ ដែលសមាជិករបស់ពួកគេបានចូលរួមនៅក្នុងកុបកម្មទ្រង់ទ្រាយធំនៅក្នុងទីក្រុង Almaty ប្រទេសកាហ្សាក់ស្ថាន ។
ទន្ទឹមនោះគណៈកម្មាធិការសន្តិសុខជាតិនៃសាធារណរដ្ឋកាហ្សាក់ស្ថានក៏កំពុងអនុវត្តវិធានការស្វែងរក និងឃុំខ្លួនអ្នកចូលរួមផ្សេងទៀតក្នុងកុបកម្មទ្រង់ទ្រាយធំ និងអំពើភេរវកម្ម ក៏ដូចជាការបញ្ជាក់ពីកាលៈទេសៈនៃឧក្រិដ្ឋកម្មដែលបានប្រព្រឹត្ត ។
គណៈកម្មាធិការបាននិយាយនៅក្នុងសេចក្តីថ្លែងការណ៍មួយថា ជាលទ្ធផលកោសិកាជ្រុលនិយមចំនួន ២ នោះត្រូវបានកម្ចាត់នៅលើទឹកដីនៃទីក្រុង Almaty ដែលសមាជិករបស់ពួកគេបានចូលរួមយ៉ាងសកម្មនៅក្នុងកុបកម្មនៅថ្ងៃទី ៤-៨ ខែមករា ឆ្នាំ ២០២២” ។
ស្របពេលជាមួយគ្នានេះ មេដឹកនាំនៃក្រុមមួយផ្សេងទៀតដែលជាពលរដ្ឋបរទេសក៏បានចូលរួមយ៉ាងសកម្មក្នុងកុបកម្ម និងមានទំនាក់ទំនងជាមួយក្រុមភេរវករនៅបរទេស ។ តាមការស៊ើបអង្កេតបានឲ្យដឹងថា ពួកគេបានមកដល់ប្រទេសកាហ្សាក់ស្ថានដើម្បីរៀបចំសកម្មភាពខុសច្បាប់ និងការវាយប្រហារដ៏ធំលើស្ថាប័នរដ្ឋាភិបាល និងកងកម្លាំងសន្តិសុខ” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ កាហ្សាក់ស្ថាន ចាប់បានជនសង្ស័យក្បត់ជាតិ បន្ទាប់ពីផ្ទុះបាតុកម្មបង្ហូរឈាម
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»