ព័ត៌មានអន្ដរជាតិ
ក្រោយបាញ់មីស៊ីលលឿនជាងសំឡេង គីម ជុងអ៊ុន ប្រាប់ឲ្យកងទ័ព ធ្វើទំនើបកម្មខ្លាំងជាងនេះទៀត
មេដឹកនាំកូរ៉េខាងជើងលោក គីម ជុងអ៊ុន បានអំពាវនាវឲ្យបង្កើនសមត្ថភាពកងកម្លាំងយោធាយុទ្ធសាស្ត្ររបស់ប្រទេស នៅពេលលោកពិនិត្យមើល ការបាញ់សាកល្បងមីស៊ីលល្បឿនលឿនជាងសំឡេង។
កាលពីថ្ងៃអង្គារ អាជ្ញាធរកូរ៉េខាងត្បូង និងជប៉ុនបានមើលឃើញការបាញ់បង្ហោះដ៏គួរឲ្យសង្ស័យ ដែលបង្កការថ្កោលទោសយ៉ាងខ្លាំងពីអាជ្ញាធរជុំវិញពិភពលោក និងបានជំរុញឲ្យមានការបង្ហាញក្តីព្រួយបារម្ភពីអគ្គលេខាធិការអង្គការសហប្រជាជាតិ។
ការសាកល្បងលើកទីពីរនៃមីស៊ីលល្បឿនលឿនជាងសំឡេង ក្នុងរយៈពេលមិនដល់មួយសប្តាហ៍ បានគូសបញ្ជាក់ការប្តេជ្ញាចិត្តឆ្នាំថ្មីរបស់លោក គីម ក្នុងការពង្រឹងកម្លាំងយោធា ជាមួយបច្ចេកវិទ្យាទំនើប ចំពេលកិច្ចពិភាក្សាជាមួយកូរ៉េខាងត្បូង និងសហរដ្ឋអាមេរិក ត្រូវជាប់គាំង។
ទីភ្នាក់ងារសារព័ត៌មាន KCNA បានរាយការណ៍ថា បន្ទាប់ពីមើលការបាញ់សាកល្បងនេះ លោក គីម បានជំរុញឲ្យអ្នកវិទ្យាសាស្ត្រយោធា បង្កើនល្បឿននៃកិច្ចខិតខំប្រឹងប្រែងបន្ថែមទៀត ដើម្បីពង្រឹងសាច់ដុំយោធាយុទ្ធសាស្ត្ររបស់ប្រទេស ទាំងគុណភាព និងបរិមាណ ហើយធ្វើទំនើបកម្មកងទ័ពបន្ថែមទៀត។
គួរបញ្ជាក់ថា នេះជាលើកដំបូងហើយចាប់តាំងពីខែមីនាឆ្នាំ២០២០មក ដែលលោក គីម បានចូលរួមការបាញ់សាកល្បងមីស៊ីលជាផ្លូវការ៕
ប្រែសម្រួល៖ Vann Vann
ប្រភព៖ Reuters
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ