អាមេរិក ដាក់ទណ្ឌកម្មជនជាតិកូរ៉េខាងជើង ក្រោយបាញ់មីស៊ីលថ្មីៗនេះ (មានវីដេអូ)
Connect with us

ព័ត៌មានអន្ដរជាតិ

អាមេរិក ដាក់ទណ្ឌកម្មជនជាតិកូរ៉េខាងជើង ក្រោយបាញ់មីស៊ីលថ្មីៗនេះ (មានវីដេអូ)

បានផុស

នៅ

រដ្ឋាភិបាលសហរដ្ឋអាមេរិកបានដាក់ទណ្ឌកម្មលើជនជាតិកូរ៉េខាងជើង ៦ នាក់ និងជនជាតិរុស្សីម្នាក់ ដោយចោទប្រកាន់ពួកគេថាមានជាប់ពាក់ព័ន្ធក្នុងកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានរតនាគារបាននិយាយកាលពីថ្ងៃពុធថា ខ្លួនបានចាត់វិធានការប្រឆាំងនឹងមនុស្ស ៧ នាក់ និងក្រុមហ៊ុនរុស្ស៊ីដែលមានមូលដ្ឋាននៅទីក្រុងម៉ូស្គូ ហើយទណ្ឌកម្មនោះរួមមានការបង្កកទ្រព្យសម្បត្តិជាដើម ។

នាយកដ្ឋាននេះនិយាយថា បុរសជនជាតិកូរ៉េខាងជើងម្នាក់ដែលមានមូលដ្ឋាននៅទីក្រុង Vladivostok បានចូលរួមក្នុងការទិញឧបករណ៍ទាក់ទងនឹងទូរគមនាគមន៍ពីប្រទេសរុស្ស៊ី ។

គួររំឭកថា កូរ៉េខាងជើង​បាន​បាញ់​សាកល្បង​​មី​ស៊ី​លល្បឿន​លឿន​ជាង​សំឡេង​កាលពី​សប្តាហ៍​មុន​ចេញពី​ខេត្ត Jagang ភាគខាងជើង ​ហើយក្រោយមកបានបាញ់បង្ហោះមីស៊ីលល្បឿនលឿនជាងសំឡេងមួយទៀតកាលពីថ្ងៃអង្គារ ខណៈមេដឹកនាំកូរ៉េខាងជើងលោក គីម ជុងអ៊ុន តាមសេចក្តីរាយការណ៍ក៏បានមើលការបាញ់សាកល្បងនោះផងដែរ ។

ទន្ទឹមនោះ នាយកដ្ឋានរតនាគារបានថ្កោលទោសកូរ៉េខាងជើង ដោយនិយាយថា កូរ៉េខាងជើងបានបាញ់មីស៊ីលផ្លោងចំនួន ៦ គ្រាប់ ចាប់តាំងពីខែកញ្ញាឆ្នាំ ២០២១ ដែលនីមួយៗបានរំលោភលើដំណោះស្រាយជាច្រើនរបស់ក្រុមប្រឹក្សាសន្តិសុខអង្គការសហប្រជាជាតិ ។

ស្របពេលជាមួយគ្នានេះ រដ្ឋបាលរបស់ប្រធានាធិបតីអាមេរិកលោក ចូ បៃដិន កំពុងរិះរកមធ្យោបាយដើម្បីរំសាយអាវុធនុយក្លេអ៊ែរកូរ៉េខាងជើង ដោយពង្រឹងកិច្ចសហប្រតិបត្តិការជាមួយជប៉ុន និងកូរ៉េខាងត្បូង ប៉ុន្តែ​រហូតមកដល់ពេលនេះ មិន​ទាន់ឈានដល់ការសម្រេចបានណាមួយនៅឡើយទេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ បើកភ្នែកធំៗ ពេលដឹងប្រភេទមីស៊ីល កូរ៉េខាងជើងបាញ់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

រដ្ឋាករ​ស្វយ័ត​ដឹកជញ្ជូន​សាធារណៈ​ប្រកាស​ព័ត៌មាន ពី​ករណី​ឈ្លោះប្រកែក​គ្នា​រវាង​អ្នកបើកបរ​រថយន្តក្រុង​និង​អ្នក​ម៉ូតូ​នៅ​ផ្លូវ​៣០​ម៉ែត្រ បុរី​សន្តិភាព​២

ព័ត៌មានជាតិ២៥ នាទី មុន

ផ្ទុះ​ការ​តវ៉ា ភាព​មិន​ប្រក្រតី ធ្លាយ​ចេញពី​ស្រុក​កូន​មុំ​ពាក់​ព័​ន្ឋ​ការដាក់​ដេញថ្លៃ ទូកដរ ចំនួន​២​ឃុំ

ព័ត៌មានអន្ដរជាតិ១ ម៉ោង មុន

ក្រុមហ៊ុនផលិតឱសថធំៗ ២ ចាប់ផ្ដើមពិសោធន៍វ៉ាក់សាំងប្រឆាំង អូមីក្រុង

ព័ត៌មានជាតិ២ ម៉ោង មុន

ចុងឆ្នាំ​នេះ កម្ពុជា​ទទួល​រៀបចំ​មហាសន្និបាត​ក្លឹប​ឆ្នេរសមុទ្រ ដែល​ស្អាត​បំផុត​លើ​សាកលលោក​

ព័ត៌មានជាតិ២ ម៉ោង មុន

ម៉ា​រ៉ុ​ក​ប្តេជ្ញា​ធ្វើជា​ស្ពាន​ត​ភា្ជ​ប់រ​វាង​កម្ពុជា អាហ្វ្រិក និង​មជ្ឈិមបូព៌ា ដើម្បី​ជំរុញ​កិច្ចសហប្រតិបត្តិការ​ទ្វេភាគី

Sokha Hotels

ព័ត៌មានពេញនិយម