ចិន បើកច្រកព្រំដែនមួយទៀតជាមួយ វៀតណាម ដើម្បីនាំចូលផ្លែឈើស្រស់ មុនចូលឆ្នាំថ្មី (មានវីដេអូ)
Connect with us

ព័ត៌មានអន្ដរជាតិ

ចិន បើកច្រកព្រំដែនមួយទៀតជាមួយ វៀតណាម ដើម្បីនាំចូលផ្លែឈើស្រស់ មុនចូលឆ្នាំថ្មី (មានវីដេអូ)

បានផុស

នៅ

បើ​តាម​ក្រសួង​ឧស្សាហកម្ម និង​ពាណិជ្ជកម្មវៀតណាមបានឲ្យដឹងថា អាជ្ញាធរចិនបានបើកច្រកទ្វារព្រំដែនអន្តរជាតិ Hekou របស់ខ្លួនឡើងវិញដែលភ្ជាប់ជាមួយច្រកព្រំដែន Kim Thanh II ក្នុងខេត្ត Lao Cai ភាគខាងជើងរបស់វៀតណាម ដើម្បីនាំចូលផ្លែឈើស្រស់ រួមទាំងផ្លែស្រកានាគ និងអាហារកកពីប្រទេសវៀតណាម មុនពិធីបុណ្យចូលឆ្នាំថ្មី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធានការនេះត្រូវបានគេរំពឹងថានឹងកាត់បន្ថយការកកស្ទះនៅច្រកព្រំដែនរួមគ្នារវាងប្រទេសទាំងពីរ ពោលនៅខេត្ត Lang Son និងខេត្ត Quang Ninh បន្ទាប់ពីប្រទេសចិនបានផ្អាកការនាំចូលផ្លែស្រកានាគវៀតណាមតាមច្រកព្រំដែនចិន Youyi Guan ជាមួយច្រក Huu Nghi របស់វៀតណាម និងច្រក Pu Zhai របស់ចិនជាមួយច្រក Tan Thanh នៃប្រទេសវៀតណាម ចាប់តាំងពីថ្ងៃទី ២៩ ខែធ្នូ ឆ្នាំ ២០២១ ។

ទន្ទឹមនោះ ទិន្នន័យ​របស់​អគ្គនាយកដ្ឋាន​គយ​វៀតណាម​បង្ហាញ​ថា ជិត ៣៥ ភាគរយ​នៃ​ការ​នាំ​ចេញ​ផ្លែ​ស្រកានាគ​របស់​វៀតណាម​ទៅ​ប្រទេស​ចិន​បាន​ឆ្លងកាត់​ច្រក​ព្រំដែន​ក្នុង​ទីក្រុង Lao Cai ។

ក្រសួងបាននិយាយថា យ៉ាងណាក៏ដោយ ភាគីចិនបានព្រមានពីការថយចុះសមត្ថភាពផ្ទុកទំនិញនៅច្រកព្រំដែន Hekou ខណៈដែលកម្មករជាច្រើននៅទីនោះបានចាកចេញសម្រាប់ថ្ងៃឈប់សម្រាកបុណ្យចូលឆ្នាំថ្មី ហើយក៏បានណែនាំដល់ភាគីវៀតណាមឲ្យគោរពច្បាប់គ្រប់គ្រងជំងឺកូវីដ ១៩ ឲ្យបានម៉ឺងម៉ាត់ និងគ្រប់គ្រងយ៉ាងសកម្មនូវការដឹកជញ្ជូនទំនិញតាមច្រកព្រំដែនដើម្បីទប់ស្កាត់ការកកស្ទះ ។

គួរបញ្ជាក់ថា ប្រទេសចិនបានផ្អាកការនាំចូលផ្លែឈើស្រស់របស់វៀតណាមតាមរយៈច្រកព្រំដែន Hekou ចាប់តាំងពីថ្ងៃទី ១៨ ខែកក្កដា ឆ្នាំ ២០២១ បន្ទាប់ពីបានរកឃើញកូវីដនៅលើការវេចខ្ចប់ផ្លែឈើស្រកានាគដែលដឹកជញ្ជូនពីប្រទេសវៀតណាម ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Vietnam Plus

ចុចអាន ៖ ថៃ ងាកទៅរកការនាំចេញផ្លែឈើស្រស់តាមផ្លូវរថភ្លើង ចិន-ឡាវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤២ នាទី មុន

ជនសង្ស័យ២នាក់​ លាក់​គ្រឿងញៀន​២កូនថង់​ ត្រៀម​លក់​ត្រូវ​នគរបាល​បង្ក្រា

សន្តិសុខសង្គម៥៥ នាទី មុន

ចាក់សោ​ផ្ទះ​ទុកចោល ត្រូវ​អគ្គិភ័យ ឆាបឆេះ​គ្មាន​សល់

កីឡា១ ម៉ោង មុន

រឿងរ៉ាវ ៣ សំខាន់ៗ ដែល​ត្រូវ​ទស្សនា​កម្មវិធី ONE: ONLY THE BRAVE នា​ថ្ងៃ​សុក្រ​នេះ

ព័ត៌មានជាតិ៤ ម៉ោង មុន

រដ្ឋាករ​ស្វយ័ត​ដឹកជញ្ជូន​សាធារណៈ​ប្រកាស​ព័ត៌មាន ពី​ករណី​ឈ្លោះប្រកែក​គ្នា​រវាង​អ្នកបើកបរ​រថយន្តក្រុង​និង​អ្នក​ម៉ូតូ​នៅ​ផ្លូវ​៣០​ម៉ែត្រ បុរី​សន្តិភាព​២

ព័ត៌មានជាតិ៤ ម៉ោង មុន

ផ្ទុះ​ការ​តវ៉ា ភាព​មិន​ប្រក្រតី ធ្លាយ​ចេញពី​ស្រុក​កូន​មុំ​ពាក់​ព័​ន្ឋ​ការដាក់​ដេញថ្លៃ ទូកដរ ចំនួន​២​ឃុំ

Sokha Hotels

ព័ត៌មានពេញនិយម