ព័ត៌មានអន្ដរជាតិ

ពេលនេះ វៀតណាម មានករណីឆ្លង អូមីក្រុង ក្នុងសហគមន៍ហើយ

បានផុស

៥ ខែ មុន

នៅ

ថ្ងៃពុធ ១៩ មករា ២០២២

ដោយ

អ្នកជំងឺកូវីដ ៣ នាក់នៅទីក្រុងហូជីមិញត្រូវបានបញ្ជាក់ថា ឆ្លងវីរុសបំប្លែងខ្លួនអូមីក្រុង ដោយធ្វើឲ្យប្រទេសវៀតណាមមានករណីឆ្លងអូមីក្រុងក្នុងសហគមន៍លើកដំបូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ទីរពេទ្យប៉ូលិស April 30 ក្នុងសង្កាត់ District 5 បាននិយាយនៅថ្ងៃពុធនេះថា អ្នកជំងឺមកគ្លីនិកឯកជនមួយដើម្បីពិនិត្យសុខភាពដោយមានរោគសញ្ញារួមមាន ហៀរសំបោរ និងឈឺបំពង់ក ។

បន្ទាប់ពីពួកគេត្រូវបានគេរកឃើញថាវិជ្ជមានកូវីដតាមរយៈការធ្វើតេស្តរហ័សរហ័ស គ្លីនិកបានបញ្ជូនសំណាករបស់ពួកគេទៅកាន់មន្ទីរពេទ្យធំដើម្បីធ្វើតេស្ដម៉ាស៊ីនធំ PCR ។

ក្រោយមកបុគ្គលិកនៅមន្ទីរពេទ្យបានរកឃើញភាពមិនប្រក្រតីនៃហ្សែននៅក្នុងសំណាក ហើយបានបញ្ជូនពួកគេទៅកាន់មន្ទីរពេទ្យក្រុងហូជីមិញដើម្បីស្វែងរកលំដាប់ហ្សែន ហើយលទ្ធផលកាលពីរសៀលថ្ងៃអង្គារបានបញ្ជាក់ថា ពួកគេបានឆ្លងមេរោគប្រភេទ BA.1 ដែលជាពូជរបស់អូមីក្រុង ។

គួរបញ្ជាក់ថា អ្នកជំងឺទាំង ៣ នាក់នោះមានអាយុ ៣៥ ឆ្នាំនៅសង្កាត់ Binh Chanh, អាយុ ៣១ ឆ្នាំនៅសង្កាត់ District 11 និងអាយុ ៤៨ ឆ្នាំនៅសង្កាត់ Go Vap ហើយរហូតមកដល់ពេលនេះ អាជ្ញាធរមូលដ្ឋានកំពុងកំណត់ទីតាំងអ្នកជំងឺ និងយកសំណាកអ្នកដែលមានទំនាក់ទំនងជិតស្និទ្ធជាមួយពួកគេដើម្បីធ្វើតេស្ត ៕