Connect with us

ព័ត៌មានអន្ដរជាតិ

ជម្លោះយោធារវាង ចិន និងអាមេរិក អាចផ្ទុះឡើងដោយសារ ការគាំទ្រឯករាជ្យភាព តៃវ៉ាន់

បានផុស

នៅ

ឯកអគ្គរដ្ឋទូតទីក្រុងប៉េកាំងប្រចាំទីក្រុងវ៉ាស៊ីនតោនលោក Qin Gang បាននិយាយនៅក្នុងបទសម្ភាសន៍តាមវិទ្យុអាមេរិកកាលពីថ្ងៃសុក្រទី២៨ខែមករាថា ប្រទេសចិន និងសហរដ្ឋអាមេរិកអាចនឹងមានជម្លោះយោធា ប្រសិនបើសហរដ្ឋអាមេរិកលើកទឹកចិត្តឲ្យកោះតៃវ៉ាន់ទទួលបានឯករាជ្យ។

This image has an empty alt attribute; its file name is 612f20f8a310efa1e3b9bb15.jpeg
ឯកអគ្គរដ្ឋទូតទីក្រុងប៉េកាំងប្រចាំទីក្រុងវ៉ាស៊ីនតោនលោក Qin Gang

លោក Qin បានប្រាប់វិទ្យុសាធារណៈជាតិថា “ខ្ញុំសូមសង្កត់ធ្ងន់លើបញ្ហានេះ។ បញ្ហាតៃវ៉ាន់គឺជាប្រអប់រំសេវធំបំផុតរវាងចិន និងសហរដ្ឋអាមេរិក”។

ប្រសិនបើអាជ្ញាធរតៃវ៉ាន់ ដែលត្រូវបានគាំទ្រដោយសហរដ្ឋអាមេរិក នៅតែដើរលើផ្លូវទាមទារឯករាជ្យ នោះទំនងជានឹងនាំឲ្យប្រទេសចិន និងសហរដ្ឋអាមេរិក ធ្លាក់ក្នុងជម្លោះយោធា។

This image has an empty alt attribute; its file name is taiwan-flag-file-ap-jef-211017_1634478579020_hpMain_16x9_1600-1024x576.jpg

ទោះបីជាយ៉ាងណាក៏ដោយ ក្រសួងការបរទេសសហរដ្ឋអាមេរិក ក្រុមប្រឹក្សាសន្តិសុខជាតិ និងមន្ទីរបញ្ចកោណ មិនបានឆ្លើយតបភ្លាមៗចំពោះសំណើរបស់ Reuters សម្រាប់ការធ្វើអត្ថាធិប្បាយលើការលើកឡើងនេះទេ។

ប្រទេសចិនមិនដែលច្រានចោលការប្រើកម្លាំង ដើម្បីនាំយកកោះតៃវ៉ាន់មកនៅក្រោមការគ្រប់គ្រងរបស់ខ្លួននោះទេ បើទោះបីជាកោះនេះអះអាងថា ខ្លួនជាប្រទេសឯករាជ្យដែលនឹងការពារសេរីភាពរបស់ខ្លួនក៏ដោយ។

This image has an empty alt attribute; its file name is NINTCHDBPICT000684938183-1-1024x687.jpg

ភាពតានតឹងរវាងទីក្រុងប៉េកាំង និងតៃប៉ិ បានកើនឡើងខ្លាំងក្នុងរយៈពេលប៉ុន្មានខែថ្មីៗនេះ នៅពេលយោធារបស់ប្រទេសចិន បានធ្វើបេសកកម្មផ្លូវអាកាសម្តងហើយម្តងទៀតនៅលើច្រកសមុទ្រតៃវ៉ាន់ ដែលជាផ្លូវទឹកបំបែកកោះនេះពីប្រទេសចិន។

គួរបញ្ជាក់ថា ថ្វីត្បិតតែសហរដ្ឋអាមេរិកមិនមានទំនាក់ទំនងផ្លូវការជាមួយតៃវ៉ាន់ក៏ដោយ ប៉ុន្តែអាមេរិកជាអ្នកគាំទ្រ និងជាអ្នកផ្គត់ផ្គង់អាវុធកំពូលរបស់តៃវ៉ាន់៕

ប្រែសម្រួល៖ Vann Vann

ប្រភព៖ CNA

ចុចអាន៖ ជប៉ុននិងអាមេរិក កំពុងរៀបសេណារីយ៉ូ ធ្វើអន្តរាគមន៍យោធា បើចិនវាយប្រហារតៃវ៉ាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម