Connect with us

ព័ត៌មានអន្ដរជាតិ

តុងហ្គា ពី​មុន​​មិន​​មាន​​ជំងឺ​​​កូវីដ​ ​​ឥឡូវ​​ចាប់​ផ្តើម​​ផ្ទុះ​​តាម​រយៈ​​ជំនួយ​​មនុស្សធម៌

បានផុស

នៅ

ប្រទេស​តុងហ្គា​​នឹង​ដាក់​បំរាម​បិទខ្ទប់ បន្ទាប់​ពី​រក​ឃើញ​អ្នក​ឆ្លង​កូវីដ-១៩​ពីរ​ករណី​នៅ​​ទី​ក្រុង Nuku’alofa។

លោកនាយក​រដ្ឋ​មន្ត្រី​តុងហ្គា Siaosi Sovaleni បាន​ឲ្យដឹង​ថា អ្នក​ឆ្លង​កូវីដ​​២នាក់​ត្រូវ​បាន​រក​ឃើញ​នៅ​កំពង់ផែ​ជា​កន្លែង​ដែលជំនួយ​មនុស្ស​ធម៌​បាន​ទៅ​ដល់ បន្ទាប់​​ពី​​មាន​ការផ្ទុះភ្នំភ្លើង និង​រលក​យក្សស៊ូណាមិ​កាល​ពី​ពេលថ្មីៗនេះ។

កន្លង​មក​ប្រទេសនៅ​ប៉ាស៊ីហ្វិក​ខាង​ត្បូង​មួយ​នេះ​មិន​ធ្លាប់​មានករណី​កូវីដ-១៩​ឡើយ។ ដូច្នេះ​ការ​ដឹក​ជញ្ជូន​ជំនួយ​មនុស្ស​ធម៌​ទាំង​អស់​កំពុង​ត្រូវ​បាន​​ដោះ​ស្រាយ​តាម​រយៈ​ការ​ទំនាក់​ទំនង​មិន​ផ្ទាល់​ដើម្បី​ទប់​ស្កាត់​ការ​រាល​ដាល​កូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​សុន្ទរកថា​ថ្នាក់​ជាតិ​កាល​ពី​យប់​ថ្ងៃ​អង្គារ៍ លោក​ Sovaleni បាន​លើក​ឡើង​ថា ប្រទេស​តុងហ្គា​​ចាប់​ផ្តើម​ដាក់​បំរាម​ចាប់​ពី​ម៉ោង​៦​​ល្ងាច ថ្ងៃ​ពុធ ដោយ​ស្ថានភាព​ត្រូវ​បានត្រួត​ពិនិត្យ​ឡើង​វិញ​រាល់​៤៨​ម៉ោង​ម្តង។

លោក​មាន​ប្រសាសន៍​ថា ៖«បញ្ហា​សំខាន់​បំផុត​នៅ​ពេល​នេះ​គឺ​​ទប់​ស្កាត់ និង​បញ្ឈប់​​អ្នក​ដែល​រងប៉ះ​ពាល់​ទាង​នោះ។ គ្មាន​ទូក ឬ​នាវា​ណា​មួយ​​នឹង​ត្រូវ​បាន​អនុញ្ញាត​ឲ្យ​ចាក​ចេញ​ពីកោះ​ទៅ​កន្លែង​ណា​មួយ​ផ្សេង​​ឬ​ក៏​ការ​ហោះ​ហើរ​ក្នុង​ស្រុក​ឡើយ»។

ប្រទេស​កោះ​ដាច់​ស្រយាល់​គឺ​ជា​តំបន់​មួយ​ក្នុង​ចំណោម​តំបន់​មួយ​ចំនួន​តូច​ប៉ុណ្ណោះ​ដែល​មិន​រង​ការ​វាយ​ប្រហារ​ពី​វិបត្តិ​កូវីដ-១៩ លើក​លែង​តែ​មួយ​ករណី​ដែល​ត្រូវ​បាន​រក​ឃើញ​កាល​ពី​ខែ​តុលា។

ប៉ុន្តែ​​បន្ទាប់​​​​ពី​កើត​មាន​គ្រោះ​មហន្តរាយ​ផ្ទុះភ្នំភ្លើង និង​រលក​យក្សស៊ូណាមិ​​វាយ​ប្រហារ​យ៉ាង​ធ្ងន់​ធ្ងរ​លើ​ប្រទេស​កោះ​នេះ តុងហ្គា​ពឹង​ផ្អែក​ខ្លាំងលើ​ជំនួយ​មនុស្ស​ធម៌​ពី​បរទេស​ដែល​ដឹក​នាំ​ដោយ​ប្រទេស​អូស្ត្រាលី និង នូវែលសេឡង់។ ជំនួយ​ទាំង​នោះ​មាន​ដូចទឹក​ស្អាត អាហារ សម្ភារៈ​ជម្រក និង​ឧបករណ៍​សង្គ្រោះជា​ដើម។

អាជ្ញាធរ​តុងហ្គា​​បាន​សង្កត់​ធ្ងន់​លើ​សេចក្តីត្រូវ​ការ​សម្រាប់​ការ​ផ្គត់​ផ្គង់​ជំនួយ​​ដោយ​ប្រើ​វិធាន​ការ​ទំនាក់​ទំនង​ប្រយោល​ដើម្បី​កាត់​ផ្តាច់​រាល​ដាល​កូវីដ ដូច​ជា​ជំនួយ​ទាំង​អស់ត្រូវ​ទុក​ចោល​មួយ​កន្លែង​ពីរ​បី​ថ្ងៃ​ទើប​ភាគី​តុងហ្គោ​ទៅ​ទទួល​យក។

ទោះ​បី​ជា​យ៉ាង​ណា កាល​ពី​សប្តាហ៍​មុន ការ​ផ្ទុះ​កូវីដបាន​វាយ​ប្រហារ​នាវា​អូស្ត្រាលី​ដែល​ភ្ជាប់​ទៅ​ប្រទេស​តុងហ្គា​ ហើយ​រលក​ឃើញ​អ្នក​ឆ្លង​កូវីដ២៣​នាក់​ក្នុង​ចំណោម​បុគ្គលិក​លើ​នាវា​ប្រមាណ​៦០០​នាក់។

ទោះ​បី​ជា​មិន​មាន​ការ​ផ្ទុះ​កូវីដ​នៅ​លើ​ប្រទេស​កោះ​នេះ​កន្លង​មក ក៏​តុងហ្គា​បាន​ចាក់​វ៉ាក់សាំង​ហោច​ណាស់​៦០​%​នៃ​ប្រជា​ជន​របស់​ខ្លួន​ ១០៦០០០​នាក់ទទួល​បាន​២​ដូស​ដើម្បី​ការពារ​ទុក​ជា​មុន៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៤ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៤ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ៤ ម៉ោង មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម