Connect with us

ព័ត៌មានអន្ដរជាតិ

ទុក្ខជាន់ទុក្ខ! ផ្ទុះកូវីដលើនាវាដឹកជំនួយទៅ តុងហ្គា ដែលរងគ្រោះដោយ ផ្ទុះភ្នំភ្លើង និងរលកយក្សស៊ូណាមិ (មានវីដេអូ)

បានផុស

នៅ

ការផ្ទុះឆ្លងជំងឺកូវីដ ១៩ នៅលើនាវាចម្បាំងអូស្ត្រាលីបានគម្រាមកំហែងដល់កិច្ចខិតខំប្រឹងប្រែងផ្តល់ជំនួយដល់ប្រទេសតុងហ្គាដែលកំពុងរងគ្រោះពីការផ្ទុះភ្នំភ្លើង និងរលកយក្សស៊ូណាមិ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នអូស្ត្រាលី​បាន​ដឹកនាំ​កិច្ច​ប្រឹងប្រែង​ជួយ​សង្គ្រោះ​អន្តរជាតិ ក៏ដូចជាផ្គត់ផ្គង់​មនុស្សធម៌​ដល់​ប្រទេសជាច្រើនរួមទាំងតុងហ្គាផងដែរ ។ ប៉ុន្តែមន្ត្រីនៅទីក្រុង Canberra បាននិយាយថា ករណីឆ្លងកូវីដចំនួន ២៣ ករណីត្រូវបានរកឃើញក្នុងចំណោមនាវិកនៃនាវាចម្បាំងដឹកជំនួយ HMAS Adelaide ដែលកំពុងឆ្ពោះទៅកាន់រដ្ឋធានី Nuku’alofa របស់ប្រទេសតុងហ្គា ។

រហូតមកដល់ពេលនេះ តុងហ្គាគឺជាកន្លែងមួយក្នុងចំណោមកន្លែងមួយចំនួននៅលើពិភពលោកដែលនៅតែមិនមានករណីឆ្លងកូវីដ ហើយរដ្ឋមន្ត្រីការពារជាតិអូស្ត្រាលី Peter Dutton បាននិយាយថាកិច្ចខិតខំប្រឹងប្រែងសង្គ្រោះនឹងមិនអនុញ្ញាតឲ្យមានគ្រោះថ្នាក់ដល់ស្ថានភាពនោះទេ ។

លោក Dutton បាននិយាយថា កប៉ាល់កំពុងនៅលើសមុទ្រ ហើយយើងកំពុងសម្រេចថាតើក្រុមនាវិកនឹងព្យាយាមដឹកជញ្ជូនការផ្គត់ផ្គង់នេះឬយ៉ាងណា ។ លោកបានប្រាប់សារព័ត៌មាន Sky News Australia ថា “យើងនឹងមិនធ្វើឲ្យប្រជាជនតុងហ្គាមានហានិភ័យនោះទេ ប៉ុន្តែក្នុងពេលតែមួយយើងចង់ផ្តល់ជំនួយឲ្យបានលឿនតាមដែលអាចធ្វើទៅបាន” ។

គួរបញ្ជាក់ថា ការផ្ទុះកាលពីថ្ងៃទី ១៥ ខែមករាបានបង្កើតរលកយក្សស៊ូណាមិដ៏ធំ និងគ្របដណ្តប់ប្រទេសប៉ាស៊ីហ្វិកទៅដោយផេះពុល នៅពេលដែលវាបានបំផ្លាញកោះដែលគ្មានមនុស្សរស់នៅជាមួយនឹងកម្លាំងផ្ទុះខ្លាំងជាងគ្រាប់បែកនុយក្លេអ៊ែរទៅទៀត ។

ទន្ទឺមនោះ ប្រទេសនូវែលសេឡង់ បារាំង ជប៉ុន និងចិនក៏បានចូលរួមចំណែកក្នុងកិច្ចខិតខំប្រឹងប្រែងសង្គ្រោះផងដែរ បន្ទាប់ពីព្រឹត្តិការណ៍មួយដែលរដ្ឋាភិបាលតុងហ្គាបានពិពណ៌នាថាជា “គ្រោះមហន្តរាយដែលមិនធ្លាប់មានពីមុនមក” ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ប្រជាជន តុងហ្គា ស្ទើរពេញប្រទេស រងផលប៉ះពាល់ពីផ្ទុះភ្នំភ្លើង និងរលកយក្សស៊ូណាមិ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៨ នាទី មុន

កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ

ព័ត៌មានជាតិ៤០ នាទី មុន

អភិបាលរាជធានី ស្នើបារាំងជួយកសាងស្ថានីយប្រតិកម្មទឹកកខ្វក់មួយកន្លែងទៀត

ចរាចរណ៍៤៣ នាទី មុន

សមត្ថកិច្ច​ស្រុក​ពួក ឃាត់ខ្លួន​ម្ចាស់​គោយន្ត​ដឹក​ថ្ម​១​គ្រឿង​ករណី​បើក​បុក​រោង​ជួសជុល​ម៉ូតូ​បណ្តាល​ឲ្យ​បុរស​ម្នាក់​ស្លាប់

ព័ត៌មានជាតិ៥៤ នាទី មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

ព័ត៌មានជាតិ១ ម៉ោង មុន

ពាក់កណ្តាល​ខែឧសភា​នេះ ក្រុមការងារ​មន្ទីរ​សាធារណការ ខេត្តព្រះ​វិហារ ចុះ​បិទ​ស្ទីក​ឃ័​រ​ចំណាំង​ផ្លាត​លើ​គោយន្ត​កន្ត្រៃ​យ៍​បាន​ជាង៥០​គ្រឿង

Sokha Hotels

ព័ត៌មានពេញនិយម