ព័ត៌មានអន្ដរជាតិ

ផ្ទួនៗ ទើបផ្ទុះភ្នំភ្លើង និងរលកយក្សស៊ូណាមិ ពេលនេះ តុងហ្គា ជួបគ្រោះរញ្ជួយដីខ្លាំងក្លាយមួយទៀត

បានផុស

៤ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

ទីភ្នាក់ងារស្ទាបស្ទង់ភូមិសាស្ត្រសហរដ្ឋអាមេរិក (USGS) បាននិយាយនៅកាលពីថ្ងៃព្រហស្បតិ៍នេះថា ការរញ្ជួយដីកម្រិត ៦.២ រ៉ិចទ័របានវាយប្រហារចម្ងាយប្រហែល ១ឲ២១៩ គីឡូម៉ែត្រភាគខាងលិចនៃទីក្រុង Pangai ប្រទេសតុងហ្គា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នកជំនាញរញ្ជួយដីបានឲ្យដឹងថា គ្រោះរញ្ជួយដីនេះបានកើតឡើងនៅជម្រៅ ១៤.៥ គីឡូម៉ែត្រ ហើយរហូតមកដល់ពេលនេះ មិនទាន់មានរបាយការណ៍ពីការរងរបួស ឬការខូចខាតណាមួយនោះទេ ។

គិតត្រឹមពេលនេះ តុងហ្គាកំពុងរងទុក្ខផ្ទួនៗ ខណៈកាលពីថ្ងៃទី ១៥ ខែមករា ការផ្ទុះភ្នំភ្លើងក្រោមបាតសមុទ្របានកើតឡើងនៅជិតប្រទេសនៅទ្វីបអូសេអានីមួយនេះដែលរួមមានកោះជាង ១៧០ នៃប៉ាស៊ីហ្វិកខាងត្បូង ។

ការផ្ទុះនេះបានបង្កឲ្យមានការប្រុងប្រយ័ត្នពីរលកយក្សស៊ូណាមិសម្រាប់ភាគច្រើននៃឆ្នេរខាងលិចសហរដ្ឋអាមេរិក កោះហាវ៉ៃ និងអាឡាស្កា ។ វាក៏បានព្រួសពពកផេះឡើងខ្ពស់ប្រហែល ២០ គីឡូម៉ែត្រ និងប៉ះពាល់ដល់ប្រតិបត្តិការស្វែងរក និងជួយសង្គ្រោះនៅក្នុងតំបន់ដាច់ស្រយាលបំផុត ។

ទន្ទឹមនោះ យ៉ាងហោចណាស់មនុស្ស ៣ នាក់ត្រូវបានសម្លាប់នៅក្នុងរលកយក្សស៊ូណាមិ រួមទាំងស្ត្រីជនជាតិអង់គ្លេសម្នាក់ដែលរក្សាជម្រកសត្វនៅតុងហ្គា ហើយត្រូវបានទឹកនាំទៅឆ្ងាយ ខណៈពេលដែលព្យាយាមជួយសង្គ្រោះសត្វឆ្កែរបស់នាង ខណៈមនុស្ស ២ នាក់ទៀតបានលង់ទឹកស្លាប់ពីឆ្នេរមួយនៅភាគខាងជើងប្រទេសប៉េរូ ចំពេលមានរលកខ្លាំងដែលបណ្តាលមកពីការផ្ទុះនៅតុងហ្គា ៕