Connect with us

ព័ត៌មានអន្ដរជាតិ

ស្ថានភាពកាន់តែក្ដៅ ទូតរង អាមេរិក ចាកចេញពី រុស្ស៊ី

បានផុស

នៅ

អ្នកនាំពាក្យក្រសួងការបរទេសរបស់ទីក្រុងមូស្គូលោកស្រី Maria Zakharova បាននិយាយនៅលើ Telegram ថា “អ្នកការទូតអាមេរិកលោក Bart Gorman ត្រូវបានបញ្ជាឲ្យចាកចេញពីប្រទេសរុស្ស៊ីជាការឆ្លើយតបទៅនឹងការបណ្តេញចេញដោយអយុត្តិធម៌នៃទីប្រឹក្សាស្ថានទូតរបស់យើងនៅទីក្រុងវ៉ាស៊ីនតោន” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបាននិយាយថា ទីក្រុងមូស្គូបានផ្តល់ឲ្យភាគីអាមេរិកម្តងហើយម្តងទៀតនូវការបញ្ឈប់ការធ្វើឲ្យស្ថានភាពកាន់តែអាក្រក់ឡើងសម្រាប់ដំណើរការបេសកកម្មការទូតមួយនេះ ។

ចំណែកអ្នកនាំពាក្យរបស់ស្ថានទូតលោក Jason Rebholz បាននិយាយនៅក្នុងបទសម្ភាសន៍ជាមួយទីភ្នាក់ងារសារព័ត៌មានរដ្ឋ RIA ថា លោក Bart Gorman ដែលជាមន្ត្រីជាន់ខ្ពស់ទី ២ នៃស្ថានទូតអាមេរិកនៅទីក្រុងមូស្គូ បានចាកចេញពីប្រទេសរុស្ស៊ីហើយកាលពីចុងខែមករា ។

ការចាកចេញនេះបានកើតឡើងមួយខែ បន្ទាប់ពីអ្នកការទូតរុស្ស៊ីចំនួន ៥០ នាក់ និងក្រុមគ្រួសាររបស់ពួកគេបានចាកចេញពីសហរដ្ឋអាមេរិក ចាប់តាំងពីទិដ្ឋាការរបស់ពួកគេមិនត្រូវបានបន្ត ប៉ុន្តែទីក្រុងមូស្គូបានហៅវាថាជា “ការបណ្តេញចេញ” ។

ដោយអត្ថាធិប្បាយលើការចាកចេញរបស់ឯកអគ្គរដ្ឋទូត​រងលោក Gorman ក្រសួងការបរទេសសហរដ្ឋអាមេរិកបានអំពាវនាវឲ្យរុស្ស៊ី “បញ្ចប់ការបណ្តេញអ្នកការទូត និងបុគ្គលិកអាមេរិកដោយគ្មានមូលដ្ឋាន ហើយធ្វើការប្រកបដោយផលិតភាពដើម្បីកសាងបេសកកម្មរបស់យើងឡើងវិញ ។

ចំណែកអ្នកនាំពាក្យម្នាក់បាននិយាយថា “វាជារឿងសំខាន់ដែលប្រទេសរបស់យើងមានបុគ្គលិកការទូតចាំបាច់ ដើម្បីសម្រួលដល់ការទំនាក់ទំនងរវាងរដ្ឋាភិបាលរបស់យើង” ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ លោក បៃដិន ថា អាមេរិក មិនទាន់ពិនិត្យមើលការដកទ័ព រុស្ស៊ី នៅជិត អ៊ុយក្រែន ទេ (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា២ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

សេចក្ដីជូនដំណឹង២ ម៉ោង មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

សេចក្ដីជូនដំណឹង៣ ម៉ោង មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ៣ ម៉ោង មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

Sokha Hotels

ព័ត៌មានពេញនិយម