ព័ត៌មានអន្ដរជាតិ

ប្រទេសអាស៊ីគឺជប៉ុនក៏ដាក់ទណ្ឌកម្មលើរុស្ស៊ីដែរ

បានផុស

២ years មុន

នៅ

ថ្ងៃពុធ ២៣ កុម្ភៈ ២០២២

ដោយ

ប្រទេសជប៉ុនកំពុងដាក់ទណ្ឌកម្មលើប្រទេសរុស្ស៊ីជុំវិញសកម្មភាពរបស់ខ្លួននៅប្រទេសអ៊ុយក្រែន ក្នុងនោះហាមចេញមូលប័ត្ររុស្ស៊ីនៅជប៉ុន និងបង្កកទ្រព្យសម្បត្តិរបស់ជនជាតិរុស្ស៊ីជាក់លាក់មួយចំនួន។ លោកនាយករដ្ឋមន្ត្រី Fumio Kishida មានប្រសាសន៍នៅថ្ងៃពុធ ទី២៣ ខែកុម្ភៈនេះ។

ប្រទេសលោកខាងលិចដូចជាចក្រភពអង់គ្លេស អាមេរិក អាល្លឺម៉ង់ និងសម្ព័ន្ធមិត្តមួយចំនួនបានដាក់ទណ្ឌកម្មថ្មីលើធនាគារ និងបុគ្គលរុស្ស៊ី បន្ទាប់ពីរដ្ឋាភិបាលក្រុងមូស្គូបានបញ្ជាឲ្យកងទ័ពចូលទៅក្នុងតំបន់ផ្តាច់ខ្លួនពីភាគខាងកើតអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រីជប៉ុន Kishida បានលើកឡើងថា សកម្មភាពរបស់រុស្ស៊ីបានបំពានលើអធិបតេយ្យភាពរបស់អ៊ុយក្រែន និងបានអំពាវនាវឲ្យរុស្ស៊ីវិលត្រឡប់ចូលកិច្ចពិភាក្សាការទូត។ ជប៉ុនបានត្រៀមខ្លួនរួចហើយដើម្បីចាត់វិធានការបន្ថែមទៀត ប្រសិនបើស្ថានភាពកាន់តែធ្ងន់ធ្ងរ។

លោកបន្តថា លោកមិនឃើញមានផលប៉ះពាល់ខ្លាំងលើការផ្គត់ផ្គង់ថាមពលពីស្ថានភាពបច្ចុប្បន្ននៅក្នុងរយៈពេលខ្លី និងថា លោកនឹងពិចារណាវិធានការទាំងអស់ដើម្បីកំណត់ផលប៉ះពាល់លើក្រុមគ្រួសារ និងក្រុមហ៊ុននានា ប្រសិនបើតម្លៃប្រេងកើនឡើងថែមទៀត៕

ប្រែសម្រួល៖ វីរបុត្រ
ប្រភព៖ Reuters