ព័ត៌មានអន្ដរជាតិ

តៃវ៉ាន់ធ្វើសមយុទ្ធយោធាលើកោះជិតចិនដីគោក

បានផុស

២ years មុន

នៅ

ថ្ងៃព្រហស្បតិ៍ ១៧ មីនា ២០២២

ដោយ

កងទ័ពតៃវ៉ាន់បានធ្វើសមយុទ្ធនៅលើកោះមួយដែលមានចម្ងាយមិនដល់៥០គីឡូម៉ែត្រពីចិនដីគោក។ តាមសេចក្តីរាយការណ៍ថា ការធ្វើសមយុទ្ធនេះបានបាញ់អាវុធធំៗទៅលើគោលដៅឯនាយសមុទ្រចំពេលមានការភ័យខ្លាចនៅតៃប៊ិដែលអាចមានការវាយប្រហារពីចិនដូចនៅអ៊ុយក្រែនដែរ។

តាមការផ្សាយរបស់ Reuters ថា ការធ្វើសមយុទ្ធយោធាកាលពីពុធនៅកោះ Dongyin ដែលស្ថិតនៅភាគខាងត្បូងខេត្ត Fuzhou ប្រទេសចិនបានបាញ់កាំភ្លើងធំ និងអាវុធវែងលើគោលដៅអណ្តែតទឹកដែលតំណាងឲ្យសត្រូវទុកជាមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិតៃវ៉ាន់បានហៅថាជាទម្លាប់នៃការធ្វើសមយុទ្ធបាញ់គ្រាប់ពិត ប៉ុន្តែពួកគេធ្វើឡើងចំពេលមានភាពតានតឹងកំពុងកើនឡើងជាមួយទីក្រុងប៉េកាំងដែលបានចាត់ទុកអតីតខេត្តចិននេះជាផ្នែកមួយនៃទឹកដីរបស់ខ្លួន។ Dongyin គឺជាកោះមួយក្នុងចំណោមកោះជាច្រើនដែលគ្រប់គ្រងដោយតៃវ៉ាន់នៅជិតឆ្នេរសមុទ្រចិន។ ក្រុមកោះមួយនេះហៅឈ្មោះ Kinmen ស្ថិតនៅលើឈូងសមុទ្រ Xiamen ពីដីគោកដែលមានចម្ងាយប្រហែល១០គីឡូម៉ែត្រប៉ុណ្ណោះ។

ទីក្រុងតៃប៊ិត្រូវបានគេរាយការណ៍កំពុងមានផែនការធ្វើសមយុទ្ធដើម្បីសាកល្បងពីរបៀបការពារកោះជាច្រើនចំពេលមានសេចក្តីភ័យខ្លាចកំពុងកើនឡើងដែលប្រទេសចិននឹងដណ្តើមកាន់កាប់កោះមួយ ឬច្រើនដើម្បីបង្ខំឲ្យចរចា បង្រួបបង្រួមជាមួយតៃប៊ិ។

តៃវ៉ាន់ត្រូវបានរាយការណ៍ថា មានមីស៊ីលប្រឆាំងនាវា និងមីស៊ីលដែនអាកាសដែលបានដាក់ពង្រាយនៅលើកោះដែលមានជនស៊ីវិលរស់នៅ១៥០០នាក់។ កោះ Dongyin ត្រូវបានគេចាត់ទុកជាគោលដៅអាទិភាពសម្រាប់កម្លាំងទ័ពចិន ដោយសារវាស្ថិតនៅចំណុចមួយដែលកងនាវាចរ និងទ័ពអាកាសឈ្លានពានទំនងជានឹងឆ្លងកាត់ ប្រសិនបើពួកគេវាយប្រហារពីភាគខាងជើង៕

ប្រែសម្រួល៖ វីរបុត្រ
ប្រភព៖ RT

Related Topics:កោះតៃវ៉ាន់