ព័ត៌មានអន្ដរជាតិ
អ្នកទៅលេង ថៃ នឹងលែងតេស្តរកកូវីដ និងធ្វើចត្តាឡីស័កហើយ បើមាន លក្ខខណ្ឌទាំងនេះ
អាជ្ញាធរអាកាសចរណ៍ស៊ីវិលនៃប្រទេសថៃ (CAAT) បានជូនដំណឹងដល់ក្រុមហ៊ុនអាកាសចរណ៍ទូទាំងពិភពលោកអំពីច្បាប់មកដល់ថ្មីដែលនឹងត្រូវដាក់នៅថ្ងៃអាទិត្យនេះ រួមទាំងការបញ្ចប់ការធ្វើតេស្តរកកូវីដនៅពេលមកដល់ផងដែរ ។
CAAT បានប្រកាសកាលពីថ្ងៃពុធថា ចាប់ពីថ្ងៃទី ១ ខែឧសភា តទៅ អ្នកដំណើរដែលចូលមកក្នុងប្រទេសថៃដែលបានចាក់វ៉ាក់សាំងកូវីដពេញដូស (២ ដូស) អាចចូលមកប្រទេសនេះបាន ដោយមិនចាំបាច់ធ្វើតេស្តរកកូវីដបន្ថែមទៀតឡើយ ។ ទោះបីជាយ៉ាងណាក៏ដោយ ពួកគេនឹងត្រូវបានណែនាំឲ្យធ្វើតេស្តរហ័សរកកូវីដ ប្រសិនបើពួកគេចេញរោគសញ្ញាណាមួយគួរឲ្យសង្ស័យ ។
ចំណែកចំពោះអ្នកដែលមិនបានចាក់វ៉ាក់សាំង ឬចាក់មិនទាន់គ្រប់ដូស អាចឆ្លងកាត់ការធ្វើតេស្តម៉ាស៊ីនធំ RT-PCR ក្នុងរយៈពេល ៧២ ម៉ោង មុនពេលធ្វើដំណើរ ហើយប្រសិនបើពួកគេមិនមានលទ្ធផលតេស្ត RT-PCR ពីមុនទេ ពួកគេត្រូវតែដាក់ឲ្យធ្វើចត្តាឡីស័ករយៈពេល ៥ ថ្ងៃ ហើយឆ្លងកាត់ការធ្វើតេស្ត RT-PCR នៅថ្ងៃទី ៤ ឬទី ៥ នៃការធ្វើចត្តាឡីស័កនោះ ។
ទន្ទឹមនោះ រាល់ការមកដល់តាមអាកាសទាំងអស់ត្រូវតែមានការធានារ៉ាប់រងកូវីដជាមួយនឹងការតម្កល់ទឹកប្រាក់យ៉ាងតិច ១០,០០០ ដុល្លារអាមេរិក អំឡុងពេលស្នាក់នៅក្នុងប្រទេសថៃ ។
បន្ថែមពីនេះ ភ្ញៀវទេសចរតាមផ្លូវអាកាសទាំងអស់ត្រូវតែផ្តល់ភស្តុតាងនៃការចាក់វ៉ាក់សាំងរបស់ពួកគេ ឬលទ្ធផលតេស្ត RT-PCR និងការធានារ៉ាប់រងកូវីដរបស់ពួកគេទៅកាន់ប្រព័ន្ធ Thailand Pass មុនពេលធ្វើដំណើរ ។
នៅពេលដែលឯកសាររបស់ពួកគេត្រូវបានផ្ទៀងផ្ទាត់ ពួកគេនឹងទទួលបាន QR Code នៃប្រព័ន្ធ Thailand Pass ហើយបុគ្គលិកក្រុមហ៊ុនអាកាសចរណ៍អាចបដិសេធអ្នកដំណើរណាមួយមិនឲ្យឡើងយន្តហោះ ហើយបញ្ជូនអ្នកដំណើរត្រឡប់ទៅកាន់ប្រទេសដើមវិញផងដែរ បើពួកគេគ្មាន QR Code ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ មកដឹងប្រវែងតុដែលលោក Putin តែងដាក់ចរចាជាមួយមេដឹកនាំកំពូលៗ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ