ព័ត៌មានអន្ដរជាតិ

អ៊ុយក្រែនអះអាងថា ហុងគ្រីចង់បានទឹកដីរបស់ខ្លួន

បានផុស

៤ years មុន

នៅ

ថ្ងៃអង្គារ ៣ ឧសភា ២០២២

ដោយ

រដ្ឋាភិបាលទីក្រុង Budapest របស់ហុងគ្រីត្រូវបានប្រាប់ឲ្យដឹងមុនពីការវាយប្រហាររបស់រុស្ស៊ី និងសង្ឃឹមដណ្តើមបានផ្នែកខ្លះនៃទឹកដីរបស់អ៊ុយក្រែន។ នេះជាការអះអាងរបស់មន្ត្រីកំពូលម្នាក់នៅក្នុងរដ្ឋាភិបាលទីក្រុងកៀវបាននិយាយកាលពីថ្ងៃចន្ទ និងបានបន្ថែមថា នឹងមានផលវិបាកសម្រាប់ប្រទេសហុងគ្រី។

ការអះអាងខាងលើនេះបានកើតមានឡើង បន្ទាប់ពីនាយករដ្ឋមន្ត្រីហុងគ្រី លោក Viktor Orban ត្រូវបានដាក់បញ្ចូលទៅក្នុងបញ្ជីឈ្មោះសត្រូវរបស់ប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Alexey Danilov រដ្ឋលេខាធិការនៃក្រុមប្រឹក្សាសន្តិសុខ និងការពារជាតិអ៊ុយក្រែន (NSDC) បាននិយាយក្នុងការធ្វើសន្និសីទកាសែតមួយកាលពីថ្ងៃចន្ទថា ៖«ប្រទេសហុងគ្រីនិយាយដោយបើកចំហរអំពីកិច្ចសហប្រតិបត្តិការរបស់ខ្លួនជាមួយរុស្ស៊ី។ បន្ថែមលើសពីនេះទៀត ប្រទេសនេះក៏ត្រូវបានផ្តល់ដំណឹងទុកជាមុនដោយលោកប្រធានាធិបតី វ្លាឌីមៀរ ពូទីនថា ប្រទេសរបស់យើងខ្ញុំនឹងត្រូវបានវាយប្រហារ»។

លោកបន្តថា ៖«ហុងគ្រីបានគិតថា ខ្លួនអាចទទួលបានផ្នែកខ្លះនៃទឹកដី។ រឿងនេះនឹងគ្មានពេលកើតឡើងទេ។ ជ័យជម្នះច្បាស់ណាស់ថា គឺនៅខាងពួកយើង។ ហើយអំពីហុងគ្រី ដែលធ្វើទង្វើបែបនេះ យើងនឹងឃើញអ្វីដែលជាផលវិបាកដែលប្រទេសនេះនឹងទទួលរង»។

តាមឯកសារយោងទៅលើ Transcarpathia ជាតំបន់មួយនៅភាគខាងលិចអ៊ុយក្រែនដែលមានប្រជាជនហុងគ្រីភាគតិចប្រមាណ ១៥០ ០០០រស់នៅដែលជាកន្លែងនៃជម្លោះរវាងឆេកូស្លូវ៉ាគី ហុងគ្រី និងសហភាពសូវៀតក្នុងអំឡុងសតវត្សទី២០។

កាលពីព្រឹកថ្ងៃចន្ទ នាយករដ្ឋមន្ត្រីហុងគ្រីដែលជាប់ឆ្នោតថ្មីត្រូវបានដាក់បញ្ចូលទៅក្នុងបញ្ជីខ្មៅនៃសត្រូវរបស់អ៊ុយក្រែន។

ទោះបីជាហុងគ្រីជាសមាជិកទាំងពីរគឺ សហភាពអឺរ៉ុប និងអង្គការណាតូ ក៏លោក Orban បានបដិសេធបញ្ជូនសព្វាវុធទៅអ៊ុយក្រែន ឬអនុញ្ញាតឲ្យមានការឆ្លងកាត់នៃការដឹកជញ្ជូនគ្រឿងសព្វាវុធទៅអ៊ុយក្រែនឡើយ។ ទីក្រុង Budapest ក៏បានប្រឆាំងនឹងការហ៊ុំព័ទ្ធប្រេង និងឧស្ម័នប្រឆាំងនឹងទីក្រុងមូស្គូ៕

ប្រែសម្រួល៖ វីរបុត្រ
ប្រភព៖ RT

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា