ព័ត៌មានអន្ដរជាតិ
ណាតូចាប់ផ្តើមធ្វើសមយុទ្ធយោធាធំនៅជិតព្រំដែនរុស្ស៊ី
អង្គការសន្ធិសញ្ញាអាត្លង់ទិកខាងជើង (ណាតូ) បានចាប់ផ្តើមធ្វើសមយុទ្ធយោធារបស់ខ្លួននៅប្រទេសអេស្តូនីកាលពីថ្ងៃចន្ទម្សិលមិញ។ ដាក់ឈ្មោះថា ‘Hedgehog 2022’ គឺជាសមយុទ្ធមួយដ៏ធំបំផុតក្នុងប្រវត្តិសាស្ត្ររបស់ប្រទេសបាល់ទិកមួយនេះ។
តាមការឲ្យដឹងពីណាតូថា ការធ្វើសមយុទ្ធនេះមានកម្លាំងទ័ពប្រមាណ១៥០០០នាក់មកពីប្រទេស១៤ ក្នុងនោះមានទាំងសមាជិករបស់ណាតូ និងដៃគូជាច្រើនទៀត។
តាមការផ្សាយរបស់សារព័ត៌មាន Yle ថា ទាហានមកពីប្រទេស ហ្វាំងឡង់ ស៊ុយអែត ហ្សកហ្ស៊ី និងអ៊ុយក្រែន ក៏ស្ថិតក្នុងចំណោមកងទ័ពធ្វើសមយុទ្ធនោះដែរ។ សមយុទ្ធនឹងរាប់បញ្ចូលទាំងសាខាទាំងអស់នៃកម្លាំងប្រដាប់អាវុធ រាប់ទាំងកម្លាំងជើងអាកាស សមុទ្រ និងដី ព្រមទាំងការហ្វឹកហាត់សង្គ្រាមអ៉ីនធឺណេតទៀតផង។
យោងតាមសេចក្តីថ្លែងការណ៍របស់ណាតូ បង្ហាញថា សមយុទ្ធនឹងឃើញនាវាពិឃាតថ្នាក់ Navy Wasp របស់អាមេរិកឈ្មោះ ‘Kearsarge’ ចូលរួមដែរ។ ទាំងកងទ័ពរបស់ណាតូ និងអគ្គមេបញ្ជាការរងនៃក្រសួងការពារជាតិអេស្តូនី លោក Veiko-Vello Palm បានបដិសេធថា សមយុទ្ធដែលត្រូវបានធ្វើចម្ងាយជាង៦០គីឡូម៉ែត្រពីព្រំដែនរុស្ស៊ីមិនពាក់ព័ន្ធនឹងសកម្មភាពសង្គ្រាមរបស់ទីក្រុងមូស្គូនៅប្រទេសអ៊ុយក្រែនឡើយ។
មន្ត្រីមកពីប្រទេសលោកខាងលិចបាននិយាយថា សមយុទ្ធយោធាបានចាប់ផ្តើមមួយថ្ងៃ បន្ទាប់ពីប្រទេសហ្វាំងឡង់ និងស៊ុយអែតបានប្រកាសជាផ្លូវការអំពីផែនការរបស់ពួកគេដើម្បីចូលជាសមាជិកណាតូ ហើយផែនការត្រូវបានធ្វើជាយូរមកហើយតាំងពីមុនពេលសង្គ្រាមនៅអ៊ុយក្រែនផ្ទុះឡើងម្ល៉េះ។
ទោះបីជាយ៉ាងណា ការធ្វើសមយុទ្ធនៅអេស្តូនី ក៏ជាផ្នែកមួយនៃសកម្មភាពយោធាទ្រង់ទ្រាយធំរបស់ណាតូនៅជិតព្រំដែនរុស្ស៊ី។ ប្រទេសបាល់ទិកមួយទៀតគឺ លីទុយអានី ក៏នឹងធ្វើម្ចាស់ផ្ទះរៀបចំសមយុទ្ធឈ្មោះ ‘Iron Wolf’ មានកម្លាំងទ័ព៣០០០នាក់ និងឧបករណ៍យោធា១០០០ រាប់បញ្ចូលទាំងរថក្រោះ Leopard 2 របស់អាល្លឺម៉ង់ផងដែរ។
សេចក្តីថ្លែងការណ៍របស់ណាតូបញ្ជាក់ថា ការធ្វើសមយុទ្ធដ៏ធំបំផុត២ក្នុងចំណោមសមយុទ្ធធំៗបំផុតរបស់ណាតូគឺ ‘ការពារអឺរ៉ុប’ និង ‘ឆ្លើយតបរហ័ស’ នឹងធ្វើនៅប្រទេសប៉ូឡូញដែលមានប្រទេសចូលរួមចំនួន៨គឺមានកម្លាំងទ័ពប្រមាណ១៨០០០នាក់៕
ប្រែសម្រួល៖ វីរបុត្រ
ប្រភព៖ RT
រដ្ឋមន្ត្រីព័ត៌មានប្រាប់អន្តរជាតិថា សម្ដេចតេជោ បានលើកកម្ពស់សេរីភាពសារព័ត៌មាន ជំរុញពហុភាគីនិយម ការកសាងសមត្ថភាពវិជ្ជាជីវៈ
អ្នកជំនាញថៃព្រមានពីការគំរាមកំហែងសេដ្ឋកិច្ចធំៗ បើការចរចាពន្ធ ត្រាំ បរាជ័យ
សម្តេចពិជ័យសេនា ទៀ បាញ់ អញ្ជើញពិនិត្យវឌ្ឍនភាព នៃការសាងសង់ “សួនតេជោសន្តិភាព” ខេត្តបាត់ដំបង
ករណីហិង្សារវាងនាយប៉ុស្ដិ៍ចំបក់ និងពលរដ្ឋ កើតឡើងដោយសារការណែនាំរឿងចាក់ធុងបាស់រំពងសំឡេងរំខានអ្នកជិតខាង
ក្រុមហ៊ុនអភិវឌ្ឍលំនៅឋាន ៥៧៧ ក្រុមហ៊ុន មានអាជ្ញាបណ្ណអាជីវកម្ម
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១៧ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៦ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន