គ្រាន់តែបើកវិទ្យុប៉ះចំប៉ុស្តិ៍អាមេរិក អ្នកនេសាទកូរ៉េខាងជើងម្នាក់ត្រូវប្រហារជីវិត

អ្នកនេសាទកូរ៉េខាងជើងម្នាក់ត្រូវបានប្រហារជីវិតបន្ទាប់ពីគាត់សារភាពថា បានបើកវិទ្យុប៉ះចំប៉ុស្តិ៍បរទេសខណៈពេលនៅឯសមុទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍បានឲ្យដឹងថា អ្នកបើកទូករូបនេះត្រូវបានកាត់ទោសប្រហារជីវិតបន្ទាប់ពីគាត់និយាយថា គាត់បានស្តាប់វិទ្យុដែលប្រទេសនេះដាក់បម្រាមរយៈពេល១៥ឆ្នាំមកហើយ។

ក្នុងវ័យ៤០ឆ្នាំប្លាយ អ្នកបើកទូកឈ្មោះ Choi បានស្តាប់ការផ្សាយនិងកម្មវិធីប៉ុស្តិ៍វិទ្យុបរទេស។

សារព័ត៌មាន Mail Online បានរាយការណ៍ថា គាត់ត្រូវបានបាញ់សម្លាប់ដោយក្រុមប្រហារជីវិតនៅចំពោះមុខអ្នកនេសាទចំនួន១០០នាក់។

គាត់បានស្តាប់ប៉ុស្តិ៍វិទ្យុមួយដែលជាកម្មសិទ្ធិរបស់សហរដ្ឋអាមេរិកនិងវិទ្យុហាមឃាត់ផ្សេងៗទៀត។

យោងតាមរបាយការណ៍បានឲ្យដឹងថា គាត់ត្រូវបានក្រុមនាវិកប្រគល់ឲ្យអាជ្ញាធរនៅទីក្រុងកំពង់ផែ Chongjin។

ប្រទេសកូរ៉េខាងជើងត្រូវបានគេនិយាយថា បានខិតខំប្រឹងប្រែងយ៉ាងខ្លាំងដើម្បីរារាំងពលរដ្ឋរបស់ខ្លួនពីការទទួលបានព័ត៌មានពីពិភពខាងក្រៅ៕

ប្រែសម្រួលដោយ៖ Vann Vann

ប្រភព៖ Daily Star