Connect with us

ព័ត៌មានអន្ដរជាតិ

WHO ថា កូវីដនៅ កូរ៉េខាងជើង កាន់តែធ្ងន់ធ្ងរ តែក្រុង ព្យុងយ៉ាង លាក់ព័ត៌មាន

បានផុស

នៅ

អង្គការសុខភាពពិភពលោក (WHO) បានអះអាងកាលពីថ្ងៃពុធទី១ខែមិថុនាថា ខ្លួនមិនមានលទ្ធភាពទទួលបានទិន្នន័យ អំពីការផ្ទុះឡើងនៃជំងឺកូវីដ១៩របស់ប្រទេសកូរ៉េខាងជើងទេ ប៉ុន្តែបានសន្មត់ថា វិបត្តិនោះកាន់តែធ្ងន់ធ្ងរទៅៗ ផ្ទុយពីរបាយការណ៍អំពី “វឌ្ឍនភាព” របស់ទីក្រុងព្យុងយ៉ាង។

ប្រទេសកូរ៉េខាងជើង ដែលប្រកាសករណីឆ្លងកូវីដលើកដំបូងរបស់ខ្លួននៅថ្ងៃទី ១២ ខែឧសភា បាននិយាយកាលពីសប្តាហ៍មុនថា ការរាតត្បាតនៃជំងឺកូវីដ១៩របស់ខ្លួន បានស្ថិតក្រោមការគ្រប់គ្រងហើយ​ ខណៈប្រព័ន្ធផ្សព្វផ្សាយរដ្ឋបានរាយការណ៍ថា ករណីឆ្លងកំពុងធ្លាក់ចុះ។

ប៉ុន្តែនាយកផ្នែកសង្គ្រោះបន្ទាន់របស់ WHO លោក Michael Ryan មានបង្ហាញការសង្ស័យអំពីការអះអាងនោះ។ លោកបានប្រាប់អ្នកយកព័ត៌មានថា “យើងសន្មត់ថា ស្ថានភាពកាន់តែអាក្រក់ទៅៗ មិនមែនប្រសើរឡើងនោះទេ”។ លោកថែមទាំងបញ្ជាក់ផងដែរថា រដ្ឋសម្ងាត់មួយនេះ បានផ្តល់តែព័ត៌មានតិចតួចប៉ុណ្ណោះ។

យោងតាមលោក Ryan, “ឥឡូវនេះយើងមិនមានជំហរក្នុងការវាយតម្លៃហានិភ័យគ្រប់គ្រាន់ អំពីស្ថានភាពនោះទេ។ វាពិតជាលំបាកខ្លាំងណាស់ ក្នុងការផ្តល់នូវការវិភាគត្រឹមត្រូវដល់ពិភពលោក ទាំងដែលយើងមិនទទួលបានទិន្នន័យចាំបាច់”។

ស្របពេលជាមួយគ្នានោះដែរ លោកស្រី Maria Van Kerkhove ដែលជាអ្នកដឹកនាំរបស់ WHO ស្តីពីកូវីដ បាននិយាយថា កូរ៉េខាងជើង បានចុះបញ្ជីករណីសង្ស័យកូវីដប្រហែល ៣.៧ លានករណី ថ្វីបើគណនីផ្លូវការបញ្ជាក់តែករណីគ្រុនក្តៅក៏ដោយ។

តាមការចុះផ្សាយរបស់ទីភ្នាក់ងារព័ត៌មាន KCNA កាលពីថ្ងៃសុក្រសប្តាហ៍មុន, ករណីកូវីដបានធ្លាក់ចុះក្នុងរយៈពេលប្រាំពីរថ្ងៃជាប់គ្នា ដោយមានករណីគ្រុនក្តៅថ្មីជាង ១០០ ០០០ ក្នុងរយៈពេល២៤ម៉ោងចុងក្រោយ ពោលគឺធ្លាក់ចុះពីកម្រិតខ្ពស់ប្រចាំថ្ងៃ ៣៩០ ០០០ករណីកាលពីដើមខែឧសភា។

KCNA ក៏បានរាយការណ៍ផងដែរ អំពីការស្លាប់មនុស្សម្នាក់ទៀតកាលពីថ្ងៃសុក្រសប្តាហ៍មុន ដោយធ្វើឲ្យចំនួនអ្នកស្លាប់ផ្លូវការកើនដល់ទៅ៦៩នាក់ ហើយអះអាងថា អត្រាអ្នកស្លាប់នៅតែមានកម្រិត ០,០០២ ភាគរយ៕

ប្រែសម្រួល៖ Vann Vann

ប្រភព៖ CNA

ចុចអាន៖ កូរ៉េខាងជើង ប្រហែលមានអ្នកឆ្លងកូវីដ ជាង ១លានករណីឯណោះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ នាទី មុន

រដ្ឋមន្រ្តីការបរទេសបង់ក្លាដែស កោតសរសើរពីចំនួនពលរដ្ឋដ៏ច្រើនបានចេញទៅបោះឆ្នោត ឃុំ-សង្កាត់

ព័ត៌មានជាតិ២២ នាទី មុន

ក្រសួងអប់រំប្រកាសទទួលស្គាល់សញ្ញាបត្របាក់​ឌុបសាលាអន្តរជាតិ អាយ ស៊ី អេស មានតម្លៃដូចសញ្ញាបត្រក្រសួងដែរ

ព័ត៌មានជាតិ២ ម៉ោង មុន

រដ្ឋមន្ត្រីការបរទេសបង់ក្លាដែស ចុះពិនិត្យផ្លូវមួយខ្សែ ដែលដាក់ឈ្មោះបិតាជាតិរបស់ខ្លួន

ព័ត៌មានជាតិ៣ ម៉ោង មុន

រាជរដ្ឋាភិបាលបន្តដាក់ចេញវិធានការបន្ថែម សម្រាប់បន្តគ្រប់គ្រង និងគាំទ្រការងើបឡើងវិញ នៃវិស័យទេសចរណ៍

ព័ត៌មានជាតិ៣ ម៉ោង មុន

គណបក្ស​ប្រជាជនកម្ពុជា​បើកសន្និបាត​គណៈកម្មា​ធិការកណ្តាល​ពិនិត្យ​ការងារ​កន្លងមក​ និងលើក​ទិសដៅបន្ត

Sokha Hotels

ព័ត៌មានពេញនិយម