ព័ត៌មានអន្ដរជាតិ

ប្រធានាធិបតីអ៊ុយក្រែនថា អង់គ្លេសផ្តល់ឲ្យអាវុធដែលត្រឹមត្រូវបំផុត

បានផុស

៤ years មុន

នៅ

ថ្ងៃអង្គារ ៧ មិថុនា ២០២២

ដោយ

កាលពីថ្ងៃចន្ទ ទី៦ ខែមិថុនា ប្រធានាធិបតីអ៊ុយក្រែន លោក Volodymyr Zelenskyy បាននិយាយថា ចក្រភពអង់គ្លេសបានកំពុងផ្តល់សព្វាវុធដ៏ត្រឹមត្រូវបំផុតដែលរដ្ឋាភិបាលទីក្រុងកៀវត្រូវការដើម្បីប្រយុទ្ធជាមួយរុស្ស៊ី និងបានអរគុណដល់នាយករដ្ឋមន្ត្រីអង់គ្លេស លោក Boris Johnson ចំពោះការយល់ច្បាស់ពីតម្រូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសអង់គ្លេសកាលពីថ្ងៃចន្ទនៅក្នុងការសម្របសម្រួលជាមួយសហរដ្ឋអាមេរិកបាននិយាយថា ខ្លួននឹងផ្គត់ផ្គង់ដល់ប្រទេសអ៊ុយក្រែននូវប្រព័ន្ធរ៉ុក្កែតដែលអាចបាញ់បានច្រើនគ្រាប់ពោលគឺអាចបាញ់គោលដៅពីចម្ងាយដល់ទៅ៨០គីឡូម៉ែត្រ ដើម្បីក្លាយជាផ្នែកមួយនៃជំនួយយោធាថ្មីរបស់អង់គ្លេសដល់ទីក្រុងកៀវ។

«ខ្ញុំពិតជាអរគុណខ្លាំងណាស់ដល់លោកនាយករដ្ឋមន្ត្រី Boris Johnson ចំពោះការយល់ច្បាស់ពីសេចក្តីត្រូវការរបស់យើងខ្ញុំ និងការត្រៀមខ្លួនផ្តល់ឲ្យអ៊ុយក្រែននូវអាវុធជាក់លាក់ ដូច្នេះតម្រូវការពិតប្រាកដនេះគឺដើម្បីការពារជីវិតប្រជាជនរបស់យើងខ្ញុំ»។ លោក Zelenskyy បាននិយាយក្នុងសុន្ទរកថាវីដេអូមួយ។

កាលពីថ្ងៃចន្ទ កម្លាំងទ័ពអ៊ុយក្រែន និងរុស្ស៊ីបានវាយប្រហារយ៉ាងខ្លាំងតាមដងផ្លូវជាច្រើនដើម្បីដណ្តើមកាន់កាប់ទីក្រុងឧស្សាហកម្ម Sievierodonetsk នៅក្នុងការប្រយុទ្ធគ្នាដ៏សំខាន់របស់រដ្ឋាភិបាលវិមានក្រឹមឡាំងនៅភាគខាងលិចតំបន់ Donbas របស់ប្រទេសអ៊ុយក្រែន។

ក្នុងការជជែកតាមទូរសព្ទជាមួយលោកនាយករដ្ឋមន្ត្រីអង់គ្លេស Johnson លោក Zelenskyy បាននិយាយខាងដើមថា ៖«យើងទាំងពីរកំពុងរកច្រកដើម្បីចេញពីវិបត្តិម្ហូបអាហារ និងបើកផ្លូវកំពង់ផែរបស់អ៊ុយក្រែនដែលត្រូវបានរារាំងដោយកងទ័ពជើងទឹករុស្ស៊ី ដែលមិនអាចនាំចេញគ្រាប់ធញ្ញជាតិបាន»៕

ប្រែសម្រួល៖ វីរបុត្រ
ប្រភព៖ Reuters

Related Topics: