អូមីក្រុង ក្លាយពូជថ្មី ២ប្រភេទ កំពុងជំរុញឲ្យករណីឆ្លងកូវីដនៅអង់គ្លេស ហក់ឡើងវិញ

ពូជថ្មីដែលរីករាលដាលលឿនជាងមុនចំនួនពីរប្រភេទ ក្លាយពី អូមីក្រុង កំពុងរាលដាលនៅចក្រភពអង់គ្លេស និងជំរុញឲ្យករណីឆ្លងកើនឡើងវិញ។

តួលេខពីការិយាល័យស្ថិតិជាតិ (ONS) បានប៉ាន់ប្រមាណថា ប្រជាជនអង់គ្លេស ១.៤លាននាក់ បានឆ្លងជំងឺកាលពីសប្តាហ៍មុនពោលគឺស្មើនឹងប្រហែលម្នាក់ ក្នុងចំណោម ៥០នាក់។ តួលេខនេះកើនឡើង ៤៣ភាគរយពី ៩៩០ ០០០ករណី កាលពីសប្តាហ៍មុន និងជាករណីកើនឡើងខ្ពស់បំផុតសម្រាប់រយៈពេលប្រាំមួយខែមកនេះ។

សាស្ត្រាចារ្យ Christina Pagel មកពីសាកលវិទ្យាល័យ University College London បាននិយាយថា “ទិន្នន័យ ONS ចុងក្រោយបំផុត បានបញ្ជាក់ពីការចាប់ផ្តើមនៃរលកឆ្លងថ្មី នៅក្នុងប្រទេសអង់គ្លេស”។ ប៉ុន្តែប្រធានសុខាភិបាលមានជំនឿថា ចំនួនអ្នកជំងឺនៅមន្ទីរពេទ្យ នឹងមានកម្រិតទាបជាងរលកមុនៗ ដោយសារតែភាពស៊ាំរីករាលដាល។

គួរបញ្ជាក់ថា ការកើនឡើងករណីឆ្លងថ្មីនេះ កំពុងត្រូវបានជំរុញដោយវីរុសបំប្លែងខ្លួនអូមីក្រុង ក្លាយពូជថ្មីប្រភេទ BA.4 និង BA.5។ ពូជថ្មីទាំង២នេះ ត្រូវបានគេគិតថា ឆ្លងខ្លាំងជាងប្រភេទដើម ហើយឥឡូវ រួមចំណែកប្រហែលពាក់កណ្តាលនៃករណីឆ្លងសរុបនៅចក្រភពអង់គ្លេស៕

ប្រែសម្រួល៖ សន្យា

ប្រភព៖ Sun

ចុចអាន៖ អង់គ្លេស ព្រមានឲ្យមាតាបិតាប្រុងប្រយ័ត្ន ខណៈកុមារកាន់តែច្រើន កើតជំងឺរលាកថ្លើមអាថ៌កំបាំង