ព័ត៌មានអន្ដរជាតិ
រុស្ស៊ី វាយចូលទីក្រុងសំខាន់នៅភាគខាងកើត អ៊ុយក្រែន ដោយជោគជ័យ (មានវីដេអូ)
ប្រទេសរុស្ស៊ីនិយាយថា កងកម្លាំងរបស់ខ្លួនបានដណ្តើមយកភូមិមួយ នៅជិតទីក្រុងឧស្សាហកម្ម Severodonetsk របស់ប្រទេសអ៊ុយក្រែន ដែលជាគោលដៅសំខាន់ក្នុងយុទ្ធនាការរបស់ទីក្រុងមូស្គូ ដើម្បីគ្រប់គ្រងភាគខាងកើតប្រទេសអ៊ុយក្រែន។
ក្រសួងការពារជាតិបាននិយាយកាលពីថ្ងៃអាទិត្យថា ខ្លួនបានឈ្នះនៅភូមិ Metyolkine ដែលមានប្រជាជនតិចជាង៨០០នាក់ មុនពេលសង្រ្គាមចាប់ផ្តើម ខណៈទីភ្នាក់ងារសារព័ត៌មានរដ្ឋរុស្ស៊ី TASS បានរាយការណ៍ថា យុទ្ធជនអ៊ុយក្រែនជាច្រើននាក់ បានចុះចាញ់នៅទីនោះ។
ស្របពេលជាមួយគ្នានោះដែរ យោធាអ៊ុយក្រែនទទួលស្គាល់ថា រុស្ស៊ីបានទទួលជោគជ័យនៅក្នុងតំបន់ដែលមានចម្ងាយប្រហែល ៦គីឡូម៉ែត្រ ភាគអាគ្នេយ៍នៃទីក្រុង Severodonetsk។
បន្ទាប់ពីបរាជ័យក្នុងការដណ្តើមយករដ្ឋធានី កៀវ នៅពេលសង្រ្គាមផ្ទុះឡើងដំបូង កងកម្លាំងរុស្ស៊ីបានផ្តោតលើការព្យាយាមគ្រប់គ្រងទាំងស្រុងនៃសាធារណរដ្ឋ Luhansk និង Donetsk នៃតំបន់ Donbas ភាគខាងកើតប្រទេសអ៊ុយក្រែន។
ផ្នែកខ្លះនៃតំបន់ Donbas ត្រូវបានកាន់កាប់ដោយក្រុមបំបែកខ្លួនដែលគាំទ្រដោយរុស្ស៊ីរួចទៅហើយ មុនការលុកលុយថ្ងៃទី២៤ខែកុម្ភៈ។
កាលពីថ្ងៃអាទិត្យទី១៩ខែមិថុនា ទីក្រុងមូស្គូបានអះអាងថា ការវាយលុករបស់ខ្លួនដើម្បីឈ្នះនៅ Severdonetsk កំពុងដំណើរការដោយជោគជ័យ។
តាមសម្តីអភិបាលក្រុង Luhansk លោក Serhiy Haidai ប្រាប់ទូរទស្សន៍អ៊ុយក្រែន, ការប្រយុទ្ធគ្នាបានធ្វើឲ្យការជម្លៀសមនុស្សចេញពីទីក្រុងមិនអាចទៅរួច ប៉ុន្តែថា ការអះអាងរបស់រុស្ស៊ីដែលថាពួកគេគ្រប់គ្រងទីក្រុងទាំងស្រុង គឺជាការកុហក។ ពួកគេគ្រប់គ្រងតែផ្នែកសំខាន់នៃក្រុងប៉ុណ្ណោះ មិនមែនក្រុងទាំងមូលទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ លោក ពូទីន ថា អាមេរិក កំពុងតាំងខ្លួនជាអ្នកគ្រប់គ្រងផែនដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង