ព័ត៌មានអន្ដរជាតិ
អ៊ុយក្រែន បញ្ជាឲ្យកងទ័ពរបស់ខ្លួន ដកថយពីទីក្រុង Severodonetsk
យោងតាមមន្ត្រីប្រចាំតំបន់បានឲ្យដឹងថា កងកម្លាំងអ៊ុយក្រែន ត្រូវបានបញ្ជាឲ្យដកថយចេញពីទីក្រុង Severodonetsk។
ទីក្រុងភាគខាងកើតមួយនេះ បានស៊ូទ្រាំនឹងការទម្លាក់គ្រាប់បែកអស់រយៈពេលជាច្រើនសប្តាហ៍ ខណៈកងកម្លាំងរុស្ស៊ីព្យាយាមគ្រប់គ្រងតំបន់ទាំងស្រុង។
ការដកថយរបស់អ៊ុយក្រែន នឹងជារឿងសំខាន់ ព្រោះវានឹងទុកឲ្យតំបន់ Luhansk ទាំងអស់ស្ថិតនៅក្រោមការគ្រប់គ្រងរបស់រុស្ស៊ី លើកលែងតែទីក្រុង Lysychansk ប៉ុណ្ណោះ។
Luhansk គឺជាតំបន់និយាយភាសារុស្ស៊ី នៅភាគខាងកើតអ៊ុយក្រែន ហើយជាអាទិភាពសំខាន់សម្រាប់លោកប្រធានាធិបតី វ្ល៉ាឌីមៀរ ពូទីន។
ស្ពានទាំងអស់ តភ្ជាប់ទៅកាន់ទីក្រុង Severodonetsk ត្រូវបានបំផ្លាញដោយទាហានរុស្ស៊ី ខណៈពួកគេព្យាយាមកាត់ផ្តាច់ពីទឹកដីដែលកាន់កាប់ដោយអ៊ុយក្រែន។
ប្រមុខតំបន់ Luhansk លោក Serhiy Haidai បានប្រាប់ទូរទស្សន៍អ៊ុយក្រែនថា “ការបន្តនៅក្នុងមុខតំណែងដែលត្រូវបានគេបាញ់ផ្លោងមិនឈប់ឈរ អស់រយៈពេលជាច្រើនខែមកហើយនោះ គឺមិនសមហេតុផលទេ។ កងកម្លាំងអ៊ុយក្រែន បានទទួលបញ្ជាឲ្យដកថយទៅទីតាំងថ្មី និងបន្តប្រតិបត្តិការរបស់ពួកគេពីទីនោះ”។
លោកបន្ថែមថា ហេដ្ឋារចនាសម្ព័ន្ធទាំងមូលរបស់ទីក្រុង ត្រូវបានបំផ្លាញទាំងស្រុង ដោយផ្ទះជាង ៩០% ត្រូវរងការបាញ់ផ្លោង និង ៨០% ក្នុងចំណោមនោះ រងការខូចខាតយ៉ាងធ្ងន់ធ្ងរ។
ជនស៊ីវិលរាប់រយនាក់ ត្រូវបានគេគិតថា នៅតែជាប់នៅក្នុងទីក្រុង Severodonetsk ខណៈមនុស្សជាច្រើនកំពុងស្វែងរកទីជំរកនៅក្នុងរោងចក្រគីមី Azot។ មុនសង្រ្គាម ទីក្រុងនេះ មានប្រជាជនប្រហែល ១០០ ០០០ នាក់៕
ប្រែសម្រួល៖ Vann Vann
ប្រភព៖ BBC
ចុចអាន៖ ធ្លាក់យន្តហោះដឹកជញ្ជូនយោធារុស្ស៊ី ស្លាប់មនុស្សច្រើននាក់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល