ព័ត៌មានអន្ដរជាតិ
ធ្លាក់យន្តហោះដឹកជញ្ជូនយោធារុស្ស៊ី ស្លាប់មនុស្សច្រើននាក់
ក្រុមការងារជាច្រើននាក់បានស្លាប់ នៅពេលយន្តហោះដឹកជញ្ជូនមួយគ្រឿង ធ្លាក់នៅព្រឹកថ្ងៃសុក្រទី២៤ខែមិថុនានេះ នៅជិតទីក្រុង Ryazan របស់រុស្ស៊ី មានចម្ងាយប្រហែល ២០០ គីឡូម៉ែត្រភាគអាគ្នេយ៍ទីក្រុងមូស្គូ។
រូបភាពនិងវីដេអូលើបណ្តាញសង្គមបានបង្ហាញថា យន្តហោះនោះជាប្រភេទ Ilyushin Il-76 ហើយក្រោយមកក្រសួងការពារជាតិរុស្ស៊ីបានបញ្ជាក់ថា វាគឺជាយន្តហោះយោធា។
ក្រសួងនិយាយថា “ក្នុងអំឡុងពេលហោះហើរហ្វឹកហាត់ដោយគ្មានដឹកសម្ភារ ម៉ាស៊ីនយន្តហោះបានដំណើរការខុសប្រក្រតី ជាហេតុបង្ខំឲ្យអាកាសយានិកធ្វើការចុះចតជាបន្ទាន់ ហើយយន្តហោះក៏ជួបគ្រោះថ្នាក់តែម្តង”។
ទោះបីជាយ៉ាងណាក៏ដោយ យោធាមិនទាន់បញ្ជាក់ចំនួនជនរងគ្រោះនៅឡើយទេ ប៉ុន្តែរបាយការណ៍ដំបូងបង្ហាញថា មានមនុស្ស ៩ ឬ ១០នាក់ស្ថិតនៅក្នុងយន្តហោះ។
ស្របពេលជាមួយគ្នានោះដែរ ឆានែលតេឡេក្រាម Baza និង 112 បានរាយការណ៍ថា ម៉ាស៊ីនមួយ របស់យន្តហោះបានឆាបឆេះ មុនពេលព្យាយាមចុះចតជាបន្ទាន់។
ក៏មិនមានរបាយការណ៍អំពីអ្នករបួស ឬការខូចខាតដល់ហេដ្ឋារចនាសម្ព័ន្ធនៅលើដីដែរ ដោយសារតែយន្តហោះទំនងជាធ្លាក់ចូលក្នុងវាលស្រែក្បែរផ្លូវល្បឿនលឿន៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្សី បញ្ចេញវីដេអូ យន្តហោះ Sukhoi Su-24M ទម្លាក់គ្រាប់បែកលើ កងកម្លាំងអ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ