អ៊ុយក្រែន ​​រក​ឃើញ Hard Disk ​​ផ្ទុក​ទិន្នន័យ​យោធា​រុស្ស៊ី ទំហំ​ប្រហែល 100 GB

អ៊ុយក្រែន ​បាន​រក​ឃើញ Hard Disk ​មួយ ​ដែល​ផ្ទុក​ទិន្នន័យ​យោធា​រុស្ស៊ី ទំហំ​ប្រហែល 100 GB។ នេះ​បើ​យោង​តាមការបញ្ជាក់ពី ​សេវា​ព្រំដែន​រដ្ឋ។

យោងតាមទីក្រុង កៀវ, Hard Disk ត្រូវបានរកឃើញនៅក្នុងតំបន់ Chernihiv ភាគខាងជើង ប្រទេសអ៊ុយក្រែន ខណៈដែលឆ្មាំព្រំដែនកំពុង “បំពេញភារកិច្ច”។

Hard Disk នេះមានផ្ទុកបញ្ជីបុគ្គលិក និងទិន្នន័យជីវប្រវត្តិជាក់លាក់របស់យោធារុស្ស៊ី ចាប់ពីអង្គភាពកាំភ្លើងធំការពារដែនអាកាស។

វាក៏មានផ្ទុកព័ត៌មានលម្អិតអំពីអាវុធរុស្ស៊ី ក៏ដូចជាទិន្នន័យអំពីសមយុទ្ធយោធាផងដែរ ខណៈឯកសារមួយចំនួន ត្រូវបានគេរាយការណ៍ថា ជាឯកសារសម្ងាត់។

សេវាព្រំដែនរដ្ឋនិយាយថា “ឥឡូវនេះ មន្រ្តីអនុវត្តច្បាប់អ៊ុយក្រែនមាន រូបថត បុគ្គលិកលក្ខណៈ ច្បាប់ចម្លងលិខិតឆ្លងដែន និងឯកសារផ្សេងទៀតរបស់អ្នកលុកលុយ”៕

ប្រែសម្រួល៖ Vann Vann

ប្រភព៖ Sky

ចុចអាន៖ រុស្ស៊ី ដកទ័ពចេញពីកោះពស់, អ៊ុយក្រែន អបអរជ័យជម្នះ