ព័ត៌មានអន្ដរជាតិ
សភារុស្ស៊ី បោះឆ្នោតលើកដំបូង លើច្បាប់សេដ្ឋកិច្ចសង្គ្រាម ឲ្យក្រុមហ៊ុន ផ្គត់ផ្គង់ទំនិញដល់យោធា និងឲ្យបុគ្គលិកធ្វើការថែមម៉ោង (មានវីដេអូ)
រដ្ឋាភិបាលរុស្ស៊ី នឹងអាចបង្ខំឲ្យអាជីវកម្មនានា ផ្គត់ផ្គង់ទំនិញដល់យោធា និងឲ្យបុគ្គលិករបស់ពួកគេធ្វើការថែមម៉ោងក្រោមច្បាប់ចំនួនពីរ ដើម្បីគាំទ្រដល់សង្គ្រាមរបស់ទីក្រុងមូស្គូក្នុងប្រទេសអ៊ុយក្រែន ដែលត្រូវបានអនុម័តនៅក្នុងការបោះឆ្នោតលើកដំបូងនៅក្នុងសភាកាលពីថ្ងៃអង្គារទី០៥ខែកក្កដា។
វិធានការនេះ នឹងដាក់ឲ្យរុស្ស៊ី ស្ថិតនៅលើគ្រឹះសេដ្ឋកិច្ចសង្រ្គាម ពោលគឺក្នុងរយៈពេលជិត ១៩សប្តាហ៍ នៃការលុកលុយដែលខ្លួនពណ៌នាថាជា “ប្រតិបត្តិការយោធាពិសេស”។
ឧបនាយករដ្ឋមន្ត្រី Yuri Borisov បាននិយាយថា “បន្ទុកលើឧស្សាហកម្មការពារជាតិបានកើនឡើងយ៉ាងខ្លាំង។ ដើម្បីធានាការផ្គត់ផ្គង់អាវុធ និងគ្រាប់រំសេវ ចាំបាច់ត្រូវបង្កើនប្រសិទ្ធភាពការងាររបស់ឧស្សាហកម្មយោធា និងឧស្សាហកម្មនានាដែលជាផ្នែកមួយនៃខ្សែសង្វាក់សហប្រតិបត្តិការ”។
យោងតាមលោក Borisov, “បច្ចុប្បន្ន ស្របពេលបណ្តាប្រទេសលោកខាងលិចកំពុងកសាងវត្តមានយោធារបស់ពួកគេនៅតាមព្រំដែនជាមួយរុស្ស៊ី, ការដាក់សម្ពាធទណ្ឌកម្មកាន់តែខ្លាំង និងការបង្កើនការផ្គត់ផ្គង់អាវុធដល់អ៊ុយក្រែននោះ សារសំខាន់នៃការអនុម័តសេចក្តីព្រាងច្បាប់នេះ មិនអាចមើលស្រាលបានឡើយ”។
សេចក្តីព្រាងច្បាប់មួយ ក្នុងចំណោមសេចក្តីព្រាងច្បាប់ទាំងពីរ ដែលអនុម័តជាឯកច្ឆ័ន្ទនៅក្នុងបំណកស្រាយលើកដំបូងដោយសភាជាប់ទាបរុស្ស៊ី បាននិយាយថា រដ្ឋអាចដាក់វិធានការសេដ្ឋកិច្ចពិសេស ក្នុងអំឡុងពេលប្រតិបត្តិការយោធា ដោយតម្រូវឲ្យក្រុមហ៊ុននានា ផ្គត់ផ្គង់ទំនិញនិងសេវាកម្មដល់យោធា។
សេចក្តីព្រាងច្បាប់ទីពីរ នឹងធ្វើវិសោធនកម្មក្រមការងារ ដើម្បីផ្តល់សិទ្ធិដល់រដ្ឋាភិបាលក្នុងការគ្រប់គ្រងម៉ោងធ្វើការ និងកំណត់ថ្ងៃធ្វើការនៅក្រុមហ៊ុនដែលបានសន្មត់។ និយោជិត នៃអាជីវកម្មដែលផ្តល់ទំនិញដល់យោធា អាចត្រូវបានបង្ខំឲ្យធ្វើការនៅពេលយប់ ចុងសប្តាហ៍ និងថ្ងៃឈប់សម្រាក និងដោយគ្មានការឈប់សម្រាកប្រចាំឆ្នាំ។
ទោះបីជាយ៉ាងណាក៏ដោយ លោក Borisov និយាយថា តម្រូវការបន្ថែមម៉ោង នឹងមិនត្រូវបានប្រើប្រាស់ក្នុងទ្រង់ទ្រាយធំនោះទេ ហើយនិយោជិត នឹងទទួលបានប្រាក់ឈ្នួលបន្ថែម។
យ៉ាងណាក្តី សេចក្តីព្រាងច្បាប់ទាំងពីរ នៅតែត្រូវឆ្លងកាត់ការពិនិត្យលើកទីពីរ និងទីបី នៅក្នុងសភាជាន់ទាប។ បន្ទាប់មក ត្រូវតែពិនិត្យដោយសភាជាន់ខ្ពស់ និងចុះហត្ថលេខាដោយលោកប្រធានាធិបតី Vladimir Putin ដើម្បីក្លាយជាច្បាប់ពេញលេញ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ វិមានក្រឹមឡាំង ព្រមានឆ្លើយតប បន្ទាប់ពី ប៊ុលហ្គារី បណ្តេញអ្នកការទូតរុស្ស៊ី ក្នុងទ្រង់ទ្រាយធំបំផុត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង