Connect with us

ព័ត៌មានអន្ដរជាតិ

ប្រធានាធិបតីបេឡារុស ទទួលស្គាល់ថា ប្រទេសរបស់គាត់ គឺ “ផ្តាច់ការ”

បានផុស

នៅ

ប្រធានាធិបតីបេឡារុស លោក Alexander Lukashenko បានសារភាពកាលពីថ្ងៃព្រហស្បតិ៍ទី២១ ខែកក្កដាថា គាត់បានគ្រប់គ្រងរដ្ឋផ្តាច់ការមួយ ប៉ុន្តែអះអាងថា មិនមានអ្នកទោសនយោបាយនៅក្នុងប្រទេសរបស់គាត់ទេ។

ប្រធានាធិបតីបេឡារុស លោក Alexander Lukashenko
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Lukashenko បានប្រាប់ AFP ក្នុងបទសម្ភាសន៍ផ្តាច់មុខមួយនៅរដ្ឋធានី មីនស្កិ៍ ថា “មែ​នហើយ ប្រព័ន្ធអំណាចរបស់យើងកាន់តែតឹងរ៉ឹង។ ខ្ញុំក៏មិនច្រានចោលពាក្យថា ផ្តាច់ការ ដែរ”­។

អង្គការ​សិទ្ធិ​មនុស្ស​បេឡារុស Viasna បាននិយាយ​ថា បច្ចុប្បន្ន​ប្រទេស​នេះ ​មាន​អ្នក​ទោស​នយោបាយចំនួន ១២៥៩​នាក់។ ប៉ុន្តែលោក Lukashenko បានច្រានចោលការលើកឡើងនេះ ហើយអះអាងថា គ្មាននរណាម្នាក់មកពីក្រុមប្រឆាំង កំពុងត្រូវបានឃុំខ្លួននៅក្នុងពន្ធនាគារនោះទេ។

ប្រធានាធិបតីបេឡារុស លោក Alexander Lukashenko

អតីតអ្នកគ្រប់គ្រងកសិដ្ឋានរដ្ឋអតីតសូវៀតមួយនេះ បានគ្រប់គ្រងប្រទេសបេឡារុស តាំងពីឆ្នាំ ១៩៩៤មក ហើយបានព្យាយាមបង្ហាញឲ្យគេឃើញថា ការប្រឆាំងទាំងអស់ចំពោះការគ្រប់គ្រងរបស់គាត់ គឺជាផែនការដែលគាំទ្រដោយលោកខាងលិច។

គាត់បានថ្កោលទោសប្រជាជនបេឡារុស ដែលចូលរួមក្នុងការតវ៉ាជាប្រវត្តិសាស្ត្រ ប្រឆាំងនឹងការជាប់ឆ្នោតឡើងវិញកាលពីឆ្នាំ២០២០។ គាត់និយាយ​ថា “មនុស្ស​ទាំង​នេះ​បាន​និយាយ​ប្រឆាំង​នឹង​រដ្ឋ។ មិន​មែន​ប្រឆាំង​នឹង​អាជ្ញាធរ​ទេ គឺ​ប្រឆាំង​នឹង​រដ្ឋ និង​ប្រជាជាតិ​របស់​ពួកគេ”។

មេដឹកនាំ​វ័យ​៦៧​ឆ្នាំ​រូប​នេះ​ បានបង្ក្រាប​បាតុកម្ម​ ដោយ​មាន​ជំនួយ​ពី​លោក​ប្រធានាធិបតី ​វ្ល៉ាឌីមៀរ ពូទីន ដែល​ជា​សម្ព័ន្ធមិត្ត​។

នៅពេលសួរថា តើបន្ទាប់ពីដឹកនាំអស់រយៈពេល២៨ឆ្នាំ គាត់មានគម្រោងចុះចេញពីតំណែងដែរឬទេ? ប្រធានាធិបតីបេឡារុសរូបនេះ មិនបានផ្តល់ចម្លើយច្បាស់លាស់ឡើយ។ ផ្ទុយទៅវិញ លោក Lukashenko បានអះអាងថា ប្រសិនបើគាត់លាលែងពីអំណាចនៅឆ្នាំ ២០២០នោះ សព្វថ្ងៃនេះ ស្ថានភាពនៅបេឡារុស មុខជាអាក្រក់ជាងនៅអ៊ុយក្រែនទៅទៀត៕

ប្រែសម្រួល៖ Vann Vann

ប្រភព៖ CNA

ចុចអាន៖ បេឡារុស ប្តេជ្ញា គាំទ្រ រុស្ស៊ី យ៉ាងពេញទំហឹង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ២៧ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤៣ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម