ព័ត៌មានអន្ដរជាតិ
ផលប៉ះពាល់ថ្មីចំនួន ៣ បន្ថែមទៀតចំពោះដំណើររបស់ប្រតិភូសភា អាមេរិក ទៅតៃវ៉ាន់
ភាពតានតឹងថ្មីកំពុងផ្ទុះឡើងបន្ថែមទៀតរវាងប្រទេសចិន និងសហរដ្ឋអាមេរិក នៅពេលដែលគណៈប្រតិភូសភាអាមេរិកមួយក្រុមទៀតបានធ្វើដំណើរមកដល់តៃវ៉ាន់យ៉ាងលួចលាក់កាលពីថ្ងៃអាទិត្យ ពោលមិនដល់រយៈពេល ២ សប្ដាហ៍ផង បន្ទាប់ពីប្រធានសភាអាមេរិកលោកស្រី Nancy Pelosi មកកាន់កោះនេះកាលពីថ្ងៃទី ២ ខែសីហា ។
អ្នកជំនាញចិនបាននិយាយថា អ្នកនយោបាយអាមេរិកបានប្រើប្រាស់ដំណើរទស្សនកិច្ចនេះដើម្បីលាតត្រដាងពីសហរដ្ឋអាមេរិកថា ជាអ្នកបង្កបញ្ហា និងជាអ្នកបំផ្លិចបំផ្លាញសន្តិភាពនៅក្នុងច្រកសមុទ្រតៃវ៉ាន់ ហើយវាក៏ជាផលប៉ះពាល់យ៉ាងធ្ងន់ធ្ងរថ្មីចំនួន ៣ បន្ថែមទៀតផងដែរសម្រាប់ដំណើរទស្សនកិច្ចនេះ ក្នុងនោះមានដូចជា៖
ចំពោះកោះតៃវ៉ាន់ ដំណើរទស្សនកិច្ចដោយអ្នកនយោបាយអាមេរិកបែបនេះមិនបានជួយដល់ដៃគូក្នុងតំបន់របស់ពួកគេនោះទេ ពោលវាការយកតៃវ៉ាន់មកប្រើប្រាស់ប៉ុណ្ណោះ ហើយរដ្ឋាភិបាលក្រុងប៉េកាំងអាចរឹតបន្តឹងការបិទផ្លូវយោធារបស់ពួកគេបានយ៉ាងងាយស្រួល ឬដាក់ទណ្ឌកម្មសេដ្ឋកិច្ចលើទីក្រុងតៃប៉ិជាដើម ដោយសារតែពេលនេះទីក្រុងប៉េកាំងបានយកចិត្តទុកដាក់យ៉ាងខ្លាំងទាំងលើផ្នែកសេដ្ឋកិច្ច និងកម្លាំងយោធានៅច្រកសមុទ្រតៃវ៉ាន់ ។
ចំណែកចំពោះពិភពលោក ប្រសិនបើសហរដ្ឋអាមេរិកបង្កជម្លោះនៅក្នុងតំបន់តៃវ៉ាន់ ប្រជាជនចំនួន ៧ ពាន់លាននាក់នៅលើភពផែនដីនេះ រួមទាំងជនជាតិអាមេរិកផងនោះ នឹងប្រឈមមុខអតិផរណាកើនឡើង តម្លៃស្បៀងអាហារកាន់តែខ្ពស់ ក៏ដូចជាវិបត្តិថាមពលកាន់តែអាក្រក់ជាដើម ។
រីឯពាក់ព័ន្ធនឹងអ្នកនយោបាយអាមេរិកវិញ ដំណើរទស្សនកិច្ចទៅកាន់កោះតៃវ៉ាន់អាចបណ្តាលឲ្យមានការដាក់ទណ្ឌកម្មពីសំណាក់ទីក្រុងប៉េកាំងប្រឆាំងនឹងសាម៉ីខ្លួនផ្ទាល់ ក៏ដូចជាសមាជិកគ្រួសាររបស់ពួកគេ ជាក់ស្ដែងចិនបានធ្វើបែបនេះរួចហើយទៅលើលោកស្រី Pelosi និងក្រុមគ្រួសាររបស់លោកស្រី ជាពិសេសចិនបានហាមឃាត់មិនឲ្យធ្វើពាណិជ្ជកម្មជាមួយក្រុមហ៊ុនចិន ដែលជាការកាត់ប្រាក់ចំណេញដ៏ច្រើនបំផុតមួយ ។
គួរបញ្ជាក់ថា ក្រោយដំណើរទស្សនកិច្ចថ្មីៗនេះរបស់គណៈប្រតិភូសភាសហរដ្ឋអាមេរិកមកកាន់តៃវ៉ាន់ ប្រទេសចិនបានរៀបចំសមយុទ្ធយោធាជុំវិញកោះតៃវ៉ាន់សាជាថ្មីដែលទីក្រុងប៉េកាំងហៅថាជាការកំញើញប្រឆាំងនឹងទីក្រុងវ៉ាស៊ីនតោន និងទីក្រុងតៃប៉ិ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ ចិន ចាត់វិធានការតបតថ្មី ជុំវិញដំណើររបស់ប្រតិភូសភា អាមេរិក ទៅតៃវ៉ាន់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល