ព័ត៌មានអន្ដរជាតិ
ចិន គំរាមចាត់វិធានការតបតម៉ឺងម៉ាត់ទៅ អាមេរិក ក្រោយព្រមលក់អាវុធឲ្យ តៃវ៉ាន់
ប្រទេសចិនបានគំរាមចាត់វិធានការតបតយ៉ាងម៉ឺងម៉ាត់ បន្ទាប់ពីរដ្ឋបាលលោកប្រធានាធិបតីអាមេរិក Joe Biden បានអនុម័តការលក់អាវុធដែលមានតម្លៃជាង ១.១ ពាន់លានដុល្លារទៅឲ្យកោះតៃវ៉ាន់ ។
អ្នកនាំពាក្យស្ថានទូតចិនប្រចាំទីក្រុងវ៉ាស៊ីនតោនលោក Liu Pengyu បាននិយាយថា ការលក់ឧបករណ៍យោធាទៅឲ្យកោះតៃវ៉ាន់ ដែលរៀបចំឡើងដើម្បីទប់ទល់ការលុកលុយតាមសមុទ្រពីប្រទេសចិន នឹងធ្វើឲ្យប៉ះពាល់យ៉ាងធ្ងន់ធ្ងរដល់ទំនាក់ទំនងចិន-អាមេរិក ក៏ដូចជាសន្តិភាព និងស្ថិរភាពនៅច្រកសមុទ្រតៃវ៉ាន់ ។
នៅក្នុងសារជាបន្តបន្ទាប់ដែលបានបង្ហោះលើបណ្ដាញ Twitter កាលពីថ្ងៃសៅរ៍ អ្នកនាំពាក្យរូបនេះក៏បានអំពាវនាវឲ្យសហរដ្ឋអាមេរិក “លុបចោលជាបន្ទាន់” នូវការអនុម័តលក់អាវុធដែលត្រូវបានប្រកាសកាលពីថ្ងៃសុក្រ បន្ទាប់ពីរដ្ឋបាលលោក Biden បានជូនដំណឹងជាផ្លូវការដល់សភា ។
ចំណែកក្រសួងការបរទេសអាមេរិកបាននិយាយថា ការលក់នេះគឺជាផ្នែកមួយនៃគោលនយោបាយរបស់សហរដ្ឋអាមេរិកដែលបានបង្កើតឡើងជាយូរមកហើយក្នុងការផ្តល់អាវុធដល់តៃវ៉ាន់ ។ ប៉ុន្តែការអនុម័តលក់អាវុធនេះត្រូវបានគេមើលឃើញកើតឡើង នៅពេលដែលភាពតានតឹងនៅក្នុងច្រកសមុទ្រតៃវ៉ាន់បានឈានដល់កម្រិតខ្ពស់បំផុតក្នុងរយៈពេលជាច្រើនទសវត្សរ៍មកហើយ ស្របពេលដែលទំនាក់ទំនងរវាងសហរដ្ឋអាមេរិក និងចិនក៏កំពុងមានភាពរអាក់រអួលជុំវិញបញ្ហាសេដ្ឋកិច្ច និងនយោបាយជាច្រើន ។
ទន្ទឹមនោះលោក Drew Thompson អ្នកស្រាវជ្រាវជាន់ខ្ពស់នៅសាកលវិទ្យាល័យជាតិសិង្ហបុរីបាននិយាយនៅថ្ងៃអាទិត្យថា “នេះគឺជាកិច្ចព្រមព្រៀងដ៏ធំបំផុតសម្រាប់តៃវ៉ាន់ក្រោមការគ្រប់គ្រងរបស់លោក Biden ខណៈការលក់មួយនេះត្រូវបានគេមើលឃើញថា ជាការផ្គត់ផ្គង់អាវុធឲ្យតៃវ៉ាន់ទុកបម្រុងសម្រាប់ទប់ទល់សង្រ្គាម មុនពេលមានជម្លោះណាមួយកើតឡើង” ។
គួរបញ្ជាក់ថា ភាពតានតឹងថ្មីរវាងរដ្ឋាភិបាលទីក្រុប៉េកាំង និងវ៉ាស៊ីនតោនបានកើតឡើងជាបន្តបន្ទាប់ បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nany Pelosi ក៏ដូចជាសមាជិកសភាអាមេរិកផ្សេងទៀតមកកាន់កោះតៃវ៉ាន់កាលពីខែសីហាកន្លងទៅនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)