ព័ត៌មានអន្ដរជាតិ

អាមេរិក គំរាមដាក់ទណ្ឌកម្មអ្នកទិញប្រេង រុស្ស៊ី

បានផុស

៣ ខែ មុន

នៅ

ថ្ងៃអាទិត្យ ១១ កញ្ញា ២០២២

ដោយ

យោងតាមឯកសារការិយាល័យរតនាគារសហរដ្ឋអាមេរិកនៃការគ្រប់គ្រងទ្រព្យសម្បត្តិបរទេស (OFAC) បានបញ្ជាក់ថា សហរដ្ឋអាមេរិកនឹងហាមឃាត់សេវាកម្មទាក់ទង នឹងការដឹកជញ្ជូន ក៏ដូចជាការទិញប្រេងតាមសមុទ្រទាំងអស់ ពីសមុទ្ររុស្ស៊ី ចាប់ពីថ្ងៃទី ០៥ ខែធ្នូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ការហាមប្រាមនេះនឹងមិនអនុញ្ញាតចំពោះការទិញឥន្ធនៈរុស្ស៊ីក្នុងតម្លៃ ឬទាបជាងតម្លៃដែលនឹងត្រូវបានបង្កើតឡើងដោយសម្ព័ន្ធនៃប្រទេសរួមទាំង G7 និង EU នោះទេ។ ប្រសិនបើច្បាប់ត្រូវបានអនុវត្ត សេវាកម្មដូចជាការធានារ៉ាប់រង និងការចាក់ប្រេង អាចត្រូវបានផ្តល់ជូនដល់កប៉ាល់។

អ្នកនាំចូល ឬអ្នកចម្រាញ់ដែលមានបំណងទិញប្រេងរុស្ស៊ីក្រោមតម្លៃកំណត់ នឹងត្រូវផ្តល់ជូនអ្នកផ្ដល់សេវាដឹកជញ្ជូនជាមួយនឹងឯកសារដែលបញ្ជាក់ពីការអនុលោមតាមច្បាប់។ ចំណែកអ្នកទិញដែលបង់ប្រាក់លើស ឬដោយចេតនាផ្ដល់ព័ត៌មានមិនពិត នឹងត្រូវប្រឈមមុខនឹងការស៊ើបអង្កេតផ្លូវច្បាប់ ឬការផាកពិន័យជាដើម។

យ៉ាងណាមិញ ក្រុមប្រទេសទាំង៧មាន អាមេរិក កាណាដា អង់គ្លេស បារាំង អាល្លឺម៉ង់ អ៊ីតាលី និងជប៉ុន បានយល់ព្រមដាក់កម្រិតតម្លៃប្រេងរុស្ស៊ីនៅដើមខែកញ្ញា។ គោលដៅដែលបានបញ្ជាក់ គឺដើម្បីកាត់បន្ថយសមត្ថភាពរបស់រុស្ស៊ីក្នុងការផ្តល់ហិរញ្ញប្បទានដល់សកម្មភាពយោធានៅអ៊ុយក្រែន ស្របពេលដែលការបន្ធូរបន្ថយស្ថានភាពនៅលើទីផ្សារប្រេងពិភពលោកផងដែរ។

ដោយឡែក កាលពីពេលថ្មីៗនេះឧបនាយករដ្ឋមន្ត្រីរុស្ស៊ី លោក Alexander Novak បានហៅតម្លៃនេះថា “មិនសមហេតុផលទាំងស្រុង” ហើយបានព្រមានថា រុស្ស៊ីអាចបញ្ឈប់ការផ្គត់ផ្គង់ប្រេងដល់ប្រទេសដែលគាំទ្រគម្រោងនេះ៕

ប្រែសម្រួល៖ សាង ស្រីល័ក្ខ

ប្រភព៖RT

ចុចអាន៖មេដឹកនាំផ្ដាច់ខ្លួន Donetsk ថា ស្ថានភាពនៅជួរមុខមានភាពតានតឹងខ្លាំង តែអាចគ្រប់គ្រងបាន