អាមេរិក ថ្កោលទោសការបាញ់មីស៊ីលរបស់រុស្ស៊ី ហើយប្តេជ្ញា ផ្តល់ប្រព័ន្ធការពារដែនអាកាសទំនើបឲ្យ អ៊ុយក្រែន (មានវីដេអូ)

ប្រទេសរុស្ស៊ី ត្រូវបានថ្កោលទោសយ៉ាងខ្លាំងបន្ទាប់ពីការទម្លាក់គ្រាប់បែកលើទីក្រុងនានានៅទូទាំងប្រទេសអ៊ុយក្រែន រួមទាំងការបាញ់មីស៊ីលលើកណ្តាលទីក្រុង កៀវ ជាលើកដំបូង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកនិយាយថា ការវាយប្រហារដ៏ឃោរឃៅនេះ បានវាយចំគោលដៅមិនមែនយោធា ហើយប្តេជ្ញាថានឹងបន្តផ្តល់ជំនួយយោធា រួមទាំងប្រព័ន្ធការពារដែនអាកាសទំនើបៗផងដែរ។

យោងតាមលោកប្រធានាធិបតី ចូ បៃដិន, ការវាយប្រហារនេះបានបង្ហាញពី “ភាពឃោរឃៅបំផុតនៃសង្រ្គាមខុសច្បាប់របស់លោក ពូទីន”។

ប្រមុខអង្គការសហប្រជាជាតិ លោក Antonio Guterres បាននិយាយថា លោកមានការភ្ញាក់ផ្អើលជាខ្លាំង។ លោកបានហៅការវាយប្រហារនេះថាជា ការរីកធំនៃសង្រ្គាម ដែលមិនអាចទទួលយកបាន ហើយជនស៊ីវិលជាអ្នករងគ្រោះ។

ទោះបីជាយ៉ាងណាក៏ដោយ តាមការបញ្ជាក់ពីប្រធានាធិបតីរុស្ស៊ី លោក វ្ល៉ាឌីមៀរ ពូទីន, ការវាយប្រហារនេះ គឺដើម្បីសងសឹកចំពោះការផ្ទុះកាលពីថ្ងៃសៅរ៍លើស្ពានដ៏សំខាន់មួយ ដែលតភ្ជាប់ប្រទេសរុស្ស៊ីទៅកាន់តំបន់គ្រីមៀ។

អំពើហិង្សាដ៏សាហាវនៅទូទាំងប្រទេសអ៊ុយក្រែន រួមមានការវាយប្រហារទៅលើទីក្រុង Lviv, Kharkiv, Dnipro និង Zaporizhzhia។ ក្រុមមន្ត្រីនិយាយថា មនុស្សចំនួន១៤នាក់បានស្លាប់ និងជាច្រើននាក់ទៀត រងរបួស។

នៅទីក្រុង កៀវ, តំបន់ដែលរងការវាយប្រហាររួមមាន ឧទ្យាន Taras Shevchenko, អគារសាកលវិទ្យាល័យ និងសួនកុមារ។

ស្របពេលជាមួយគ្នានោះ សហភាពអឺរ៉ុបនិយាយថា ឧក្រិដ្ឋកម្មសង្រ្គាមត្រូវបានប្រព្រឹត្ត ខណៈប្រធានគណៈកម្មការអឺរ៉ុប លោកស្រី Ursula von der Leyen អះអាងថា រុស្ស៊ីត្រូវទទួលខុសត្រូវសម្រាប់អំពើភេរវកម្ម និងភាពឃោរឃៅ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ស្ថានទូត អាមេរិក ប្រចាំ អ៊ុយក្រែន ជំរុញ ពលរដ្ឋ របស់ខ្លួន ឲ្យ ចាក ចេញ ពី ប្រទេសនេះ ជាបន្ទាន់