ព័ត៌មានអន្ដរជាតិ
មកដឹងចំនួនគ្រាប់មីស៊ីល និងកាំភ្លើងធំដែល កូរ៉េខាងជើង បាញ់រះម្សិលមិញ
អគ្គសេនាធិការចម្រុះរបស់កូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលចំនួន ១៧ គ្រាប់ឆ្ពោះទៅសមុទ្រជប៉ុន និងសមុទ្រលឿង ហើយបានបាញ់កាំភ្លើងធំចំនួន ១០០ គ្រាប់កាលពីថ្ងៃពុធ ខណៈក្នុងចំណោមមីស៊ីលទាំងនោះបានធ្លាក់នៅជិតដែនទឹករបស់កូរ៉េខាងត្បូង ពោលជាលើកដំបូង ចាប់តាំងពីកូរ៉េទាំងពីរបំបែកចេញពីគ្នា ។
អគ្គសេនាធិការចម្រុះរបស់កូរ៉េខាងត្បូង បានប្រាប់អ្នកសារព័ត៌មានថា ដំបូងឡើយ កូរ៉េខាងជើងបានបាញ់កាំជ្រួចមីស៊ីលយ៉ាងហោចណាស់ ១០ គ្រាប់ប៉ុណ្ណោះ ឆ្ពោះទៅសមុទ្រជប៉ុន និងសមុទ្រលឿង ប៉ុន្តែក្រោយមកអ្វីៗមានការប្រែប្រួល ពោលមីស៊ីលឡើងរហូតដល់ ១៧ គ្រាប់ ។
ស្របពេលជាមួយគ្នានេះ កូរ៉េខាងត្បូងបានបិទផ្លូវហោះហើរមួយចំនួនរបស់ខ្លួននៅក្នុងសមុទ្រជប៉ុនជុំវិញការបាញ់មីស៊ីលរបស់ទីក្រុងព្យុងយ៉ាង ខណៈដែលក្រសួងដឹកជញ្ជូនជប៉ុនបានលើកឡើងថា ក្រុមហ៊ុនអាកាសចរណ៍ក្នុងស្រុកបានសម្រេចជ្រើសផ្លូវជំនួស ដើម្បីធានាសុវត្ថិភាពអ្នកដំណើរ ដែលធ្វើដំណើរទៅកាន់សហរដ្ឋអាមេរិក និងជប៉ុន ។
ជាការឆ្លើយតបទៅនឹងការបាញ់មីស៊ីលរបស់កូរ៉េខាងជើង, កងទ័ពអាកាសកូរ៉េខាងត្បូងបានបាញ់មីស៊ីលចំនួន ៣ គ្រាប់វិញ ចូលទៅក្នុងដែនទឹកអន្តរជាតិកាត់ខ្សែបន្ទាត់ព្រំដែនភាគខាងជើង (NLL) ។
ការកើនឡើងនៃភាពតានតឹង លើឧបទ្វីបកូរ៉េបានកើតឡើង នៅពេលដែលសហរដ្ឋអាមេរិក និងកូរ៉េខាងត្បូងកំពុងធ្វើសមយុទ្ធយោធា “ព្យុះកំណាច” រួមគ្នា ខណៈកូរ៉េខាងជើងក៏បានព្រមានសហរដ្ឋអាមេរិកដែរថា នឹងមានការឆ្លើយតបខ្លាំងក្លា ប្រសិនបើទីក្រុងវ៉ាស៊ីនតោន នៅតែបន្តការបង្កហេតុខាងយោធាបែបនេះ ។
គួរបញ្ជាក់ថា សមយុទ្ធនេះត្រូវបានធ្វើឡើង ចំពេលដែលទីក្រុងសេអ៊ូលអះអាងថា កូរ៉េខាងជើងអាចបំផ្ទុះឧបករណ៍សាកល្បងនុយក្លេអ៊ែរលើកដំបូងរបស់ខ្លួន ចាប់តាំងពីខែកញ្ញាឆ្នាំ ២០១៧ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចងាន ៖ កូរ៉េខាងជើង បាញ់មីស៊ីល រំលងប្រទេសជប៉ុន បង្កឲ្យមានការប្រកាសអាសន្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង