ព័ត៌មានអន្ដរជាតិ
អ៊ុយក្រែន អង្វរសុំអាវុធពី អាមេរិក ដើម្បីព្យាយាមបង្កជម្លោះរវាង រុស្ស៊ី-ណាតូ
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov បាននិយាយកាលពីថ្ងៃសុក្រថា អ៊ុយក្រែនកំពុងព្យាយាមបង្កជម្លោះយោធាដោយផ្ទាល់រវាងរុស្ស៊ី និងអង្គការណាតូ ។
លោក Antonov បាននិយាយនៅក្នុងបទសម្ភាសន៍ជាមួយកាសែតអាមេរិក Newsweek ថា “អាជ្ញាធរអ៊ុយក្រែនមិនត្រឹមតែកំពុងអង្វរទីក្រុងវ៉ាស៊ីនតោន ឲ្យផ្តល់ជំនួយផ្នែកយោធាបន្ថែមទៀតប៉ុណ្ណោះទេ ប៉ុន្តែក៏កំពុងព្យាយាមបង្កឲ្យមានការប៉ះទង្គិចគ្នាដោយផ្ទាល់ផ្នែកយោធារវាងសហព័ន្ធរុស្ស៊ី និងអង្គការណាតូ” ។
ដោយអត្ថាធិប្បាយអំពីឧប្បត្តិហេតុធ្លាក់មីស៊ីលកាលពីថ្ងៃអង្គារនៅប្រទេសប៉ូឡូញដែលបានសម្លាប់ជនជាតិប៉ូឡូញ ២ នាក់នោះ, លោក Antonov បាននិយាយថា “បញ្ហានេះបន្តធ្វើឲ្យមានការឆ្លើយតបយ៉ាងសំខាន់ពីសំណាក់សហរដ្ឋអាមេរិក” ។
លោក Antonov បញ្ជាក់ថា “ពាក់ព័ន្ធនឹងបញ្ហានេះ មន្ត្រីសហរដ្ឋអាមេរិក ប្រព័ន្ធផ្សព្វផ្សាយ និងអង្គការមិនមែនរដ្ឋាភិបាល បន្តបញ្ចេញសំឡេងមួយឃ្លាថា “រុស្ស៊ីត្រូវបានស្តីបន្ទោសចំពោះអ្វីៗគ្រប់យ៉ាង” ។ បច្ចុប្បន្នភាគីអាមេរិកងាកទៅរកវិធីសាស្រ្តបែបនេះ បើទោះជារដ្ឋាភិបាលទីក្រុងកៀវបានទទួលស្គាល់ជាសាធារណៈថា ខ្លួនពិតជាបានបាញ់មីស៊ីល និងការស្លាប់របស់ជនស៊ីវិលប៉ូឡូញក៏ដោយ” ។
ជាចុងក្រោយលោកឯកអគ្គរដ្ឋទូតបានបន្ថែមថា “ការប៉ុនប៉ងមិនសមហេតុផលរបស់អាមេរិកដើម្បីស្តីបន្ទោសលើប្រទេសរុស្ស៊ីចំពោះឧប្បត្តិហេតុធ្លាក់មីស៊ីលនេះ អាចត្រឹមតែជាការលួងចិត្តដល់រដ្ឋាភិបាលទីក្រុងកៀវប៉ុណ្ណោះ” ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រុស្ស៊ី ចោទ អ៊ុយក្រែន ថាបានប្រហារជីវិតអ្នកទោសសង្គ្រាមយ៉ាងឃោរឃៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង