ព័ត៌មានអន្ដរជាតិ
ប្អូនស្រីលោក គីម ជុងអ៊ុន ថ្កោលទោសកិច្ចប្រជុំ UNSC លើការបាញ់មីស៊ីលរបស់ កូរ៉េខាងជើង
ប្អូនស្រីរបស់មេដឹកនាំកូរ៉េខាងជើង គីម ជុងអ៊ុន បានថ្កោលទោសសមាជិកក្រុមប្រឹក្សាសន្តិសុខអង្គការសហប្រជាជាតិ (UNSC) ដែលបានរិះគន់ការបាញ់សាកល្បងមីស៊ីលផ្លោងអន្តរទ្វីប (ICBM) ចុងក្រោយរបស់ទីក្រុងព្យុងយ៉ាងកាលពីពេលថ្មីៗនេះ ។
លោកស្រី គីម យូជុង បានចេញសេចក្តីថ្លែងការណ៍មួយកាលពីថ្ងៃអង្គារ បន្ទាប់ពីសមាជិកក្រុមប្រឹក្សាបានប្រមូលផ្តុំគ្នាសម្រាប់កិច្ចប្រជុំបន្ទាន់ពាក់ព័ន្ធនឹងការបាញ់មីស៊ីល ICBM របស់កូរ៉េខាងជើងកាលពីថ្ងៃមុនថា សមាជិកក្រុមប្រឹក្សាមួយចំនួនបានចេញសេចក្តីថ្លែងការណ៍រួម ក្រោមគំនិតផ្តួចផ្តើមរបស់សហរដ្ឋអាមេរិក ។
សហរដ្ឋអាមេរិក និងប្រទេសសមាជិកមួយចំនួនផ្សេងទៀត បានពិភាក្សាគ្នាអំពីរបៀបឆ្លើយតបទៅនឹងការបាញ់បង្ហោះមីស៊ីល Hwasong-17 របស់កូរ៉េខាងជើងកាលពីថ្ងៃសុក្រ ហើយបានចាត់ទុកការបាញ់បង្ហោះនោះ ថាជាការរំលោភលើដំណោះស្រាយរបស់ក្រុមប្រឹក្សាសន្តិសុខ អង្គការសហប្រជាជាតិ ។
លោកស្រីបាននិយាយថា រដ្ឋាភិបាលកូរ៉េខាងជើង ថ្កោលទោសយ៉ាងដាច់អហង្ការ ហើយបានចាត់ថាជា “សកម្មភាពគឃ្លើន” និង “ញុះញង់នយោបាយធ្ងន់ធ្ងរ” ។ លោកស្រីបញ្ជាក់ថា ទង្វើទាំងនេះនឹងជំរុញឲ្យស្ថានការណ៍នៅឧបទ្វីបកូរ៉េ ឈានដល់ដំណាក់កាលវិបត្តិថ្មីផងដែរ ។
ប្អូនស្រីលោក គីម បានសង្កត់ធ្ងន់ថា “យើងនឹងមិនអត់ឱនឲ្យនរណាម្នាក់ដែលបង្កាច់បង្ខូចការអនុវត្តសិទ្ធិការពារខ្លួនរបស់យើង ដើម្បីការពារសន្តិសុខប្រទេសជាតិនោះទេ ហើយយើងនឹងចាត់វិធានការប្រឆាំងដ៏តឹងតែងបំផុតរហូតដល់ទីបញ្ចប់” ។
ជាចុងក្រោយលោកស្រីបានព្រមានថា ប្រសិនបើសហរដ្ឋអាមេរិកប្រកាន់ខ្ជាប់នូវគោលនយោបាយប្រឆាំងកូរ៉េខាងជើងនោះ ទីក្រុងវ៉ាស៊ីនតោននឹងប្រឈមមុខនឹងវិបត្តិសន្តិសុខកាន់តែធ្ងន់ធ្ងរផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រោយនាំកូនស្រីទៅមើលការបាញ់មីស៊ីលហើយ តើលោក គីម ជុងអ៊ុន មានកូនប៉ុន្មាននាក់?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង