Connect with us

ព័ត៌មានអន្ដរជាតិ

ប្រមុខការពារជាតិ អាស៊ាន ចេញសេចក្ដីប្រកាសរួម ឲ្យមានកិច្ចសហប្រតិបត្តិ​ការនៅសមុទ្រចិនខាងត្បូង

បានផុស

នៅ

កិច្ចប្រជុំរដ្ឋមន្ត្រីការពារជាតិអាស៊ានលើកទី៩ និងអាស៊ាន-បូក (ADMM-Plus) បានអនុម័តសេចក្ដីប្រកាសរួមមួយ អំពាវនាវឲ្យមានកិច្ចសហប្រតិបត្តិការ និងប្រកាន់ខ្ជាប់នូវច្បាប់ដែនសមុទ្រធម្មតា ជាពិសេសភាពតានតឹងនៅក្នុងសមុទ្រចិនខាងត្បូង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាសរួមនេះធ្វើឡើង ក្រោមប្រមុខការពារជាតិមកពីសមាគមប្រជាជាតិអាស៊ីអាគ្នេយ៍ (អាស៊ាន) រួមជាមួយរដ្ឋមន្ត្រីការពារជាតិអាមេរិក លោក Lloyd Austin និងរដ្ឋមន្ត្រីការពារជាតិចិន លោក Wei Fenghe បន្ទាប់ពីបញ្ចប់កិច្ចប្រជុំដែលរៀបចំឡើងនៅខេត្តសៀមរាប នៃព្រះរាជាណាចក្រកម្ពុជា ។

ប្រមុខការពារជាតិទាំងអស់បានពិភាក្សាគ្នាអំពីបញ្ហាជុំវិញសមុទ្រចិនខាងត្បូង ដែលចិនបាននិងកំពុងបង្កើនសកម្មភាពដែនសមុទ្ររបស់ខ្លួន ខណៈប្រទេស​វៀតណាម និង​ហ្វីលីពីន គឺជាភាគី​ជម្លោះ​ដែនទឹកមួយនេះ​ជាមួយ​ចិន ។

ទន្ទឹមនោះ សេចក្តីប្រកាសនេះក៏បញ្ជាក់សារជាថ្មីផងដែរ អំពីសារៈសំខាន់នៃការលើកកម្ពស់សន្តិភាព សន្តិសុខ ស្ថិរភាព និងសេរីភាពនៃការធ្វើនាវាចរណ៍ ហើយក៏សង្កត់ធ្ងន់លើការប្តេជ្ញាចិត្តរួមគ្នាក្នុងការលើកកម្ពស់ភាពស្អិតរមួតក្នុងការសម្របខ្លួនទៅនឹងការផ្លាស់ប្តូរភូមិសាស្ត្រនយោបាយផងដែរ ។

ស្របពេលជាមួយគ្នានេះ សេចក្ដីប្រកាសរួមនោះក៏យោងទៅលើភាពតានតឹងដែលកំពុងកើនឡើងរវាងទីក្រុងវ៉ាស៊ីនតោន និងទីក្រុងប៉េកាំងជុំវិញកោះតៃវ៉ាន់ បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi កាលពីពេលកន្លងមកផងដែរ ។

គួរបញ្ជាក់ថា កិច្ចប្រជុំរដ្ឋមន្ត្រីការពារជាតិអាស៊ានលើកទី៩ និងអាស៊ាន-បូក (ADMM-Plus) បានបញ្ចប់ដោយជោគជ័យ បន្ទាប់ពីដំណើរការអស់រយៈពេល ៣ ថ្ងៃកន្លងមក គឺចាប់ពីថ្ងៃទី២១ ដល់ថ្ងៃទី២៣ ខែវិច្ឆិកា ឆ្នាំ ២០២២ នេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើលោក ពូទីន អវត្តមានក្នុងកិច្ចប្រជុំកំពូលនៅតំបន់ អាស៊ាន ចំនួនប៉ុន្មាន​ហើយ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥ នាទី មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ១៤ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ២២ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ៥១ នាទី មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

កីឡា២ ម៉ោង មុន

ដើមឆ្នាំ​២០២៣ កីឡាករ​ជម្រើសជាតិ​កម្ពុជា ២​នាក់​ហើយ បានប្រកាស​ព្យួរ​ស្បែកជើង

Sokha Hotels

ព័ត៌មានពេញនិយម