ព័ត៌មានអន្ដរជាតិ
តើលោក ពូទីន អវត្តមានក្នុងកិច្ចប្រជុំកំពូលនៅតំបន់ អាស៊ាន ចំនួនប៉ុន្មានហើយ?
ចាប់តាំងពីផ្ទុះសង្គ្រាមលុកលុយរបស់រុស្ស៊ីលើអ៊ុយក្រែនមក, ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានអាក់ខាន និងមិនមានវត្តមានចូលរួមកិច្ចប្រជុំកំពូលជាច្រើន ក្នុងនោះរួមទាំងកិច្ចប្រជុំកំពូលចំនួន ៣ ដែលប្រទេសអាស៊ានធ្វើជាម្ចាស់ផ្ទះសម្រាប់ខែវិច្ឆិកានេះផងដែរ ។
លោក ពូទីន មិនបានអញ្ជើញមកព្រះរាជាណាចក្រកម្ពុជាដើម្បីចូលរួមកិច្ចប្រជុំកំពូលអាស៊ានលើកទី៤០ និងទី៤១ ក៏ដូចជាកិច្ចប្រជុំពាក់ព័ន្ធនៅទីក្រុងភ្នំពេញដែលបានបិទបញ្ចប់កាលពីថ្ងៃទី១៣ ខែវិច្ឆិកានោះទេ ដោយឲ្យលោករដ្ឋមន្ត្រីការបរទេស Sergey Lavrov មកចូលរួមជំនួស ។
ចំណែកកិច្ចប្រជុំកំពូលក្រុមប្រទេស G20 ដែលឥណ្ឌូណេស៊ីធ្វើជាម្ចាស់ផ្ទះនោះ លោក ពូទីន ក៏មិនបានអញ្ជើញមកកោះបាលីដើម្បីចូលរួមផងដែរ ។ លោក ពូទីន បានលើកឡើងថា ការអវត្តមានរបស់លោកសម្រាប់កិច្ចប្រជុំនៅកោះបាលីដែលបញ្ចប់កាលពីថ្ងៃទី១៦ ខែវិច្ឆិកា គឺដោយសារតែលោកមមាញឹកនឹងការងារខ្លាំងពេក ។ ទោះយ៉ាងណាលោក ពូទីន បានឲ្យលោក Sergey Lavrov មកជំនួសដដែរ ។
ទន្ទឹមនោះ សម្រាប់កិច្ចប្រជុំ APEC ដែលប្រទេសថៃធ្វើជាម្ចាស់ផ្ទះ លោកប្រធានាធិបតីរុស្ស៊ីរូបនេះក៏អវត្តមានដូចគ្នា ។ ទោះយ៉ាងណា កិច្ចប្រជុំដែលបញ្ចប់កាលពីថ្ងៃទី១៩ ខែវិច្ឆិកា លោក ពូទីន បានឲ្យលោក Andrey Belousov ឧបនាយករដ្ឋមន្ត្រីរុស្ស៊ីមកចូលរួមជំនួស ។
ដោយឡែកកិច្ចប្រជុំកំពូលអាស៊ានដែលលោកប្រធានាធិបតីរុស្ស៊ី វ្ល៉ាឌីមៀរ ពូទីន ចូលរួមលើកចុងក្រោយ មុនពេលផ្ទុះជម្លោះជាមួយនឹងអ៊ុយក្រែន គឺរៀបចំឡើងនៅក្នុងប្រទេសព្រុយណេ កាលពីឆ្នាំ ២០២១ ប៉ុន្តែកិច្ចប្រជុំនោះ តាមរយៈ Video Conference ប៉ុណ្ណោះ មិនមែនជួបប្រជុំផ្ទាល់នោះទេ ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក ពូទីន ចាត់ទុកជាប្រតិបត្តិការយោធាពិសេស បានអូសបន្លាយពេលជិត ៩ ខែហើយ បន្ទាប់ពីផ្ទុះការវាយលុកកាលពីថ្ងៃទី២៤ ខែកុម្ភៈ ៕
ដោយ ៖ ជីវ័ន្ត
ចុចអាន ៖ ព្រះចៅស៊ុលតង់ ព្រុយណេ ទ្រង់សរសើរ កម្ពុជា បែបណាខ្លះ ក្នុងនាមជា ប្រធានអាស៊ាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ